KOLOSE 1:7 - Nanduk Ngget Tul Pidnak Wene

⁷ Aid wene iri-ge nit nennggam abuwa worak, nit nenmanggim Kerisut eyabu-ge mot mot nak wanoso nap Epaparas-nen mirik kinpid nar-o.

KOLOSE 1:7 ပူးပေါင်းရင်းမြစ်များ

WONARIDNAK WENE 12:7

Alat nde, ndegel noboso nap Musa iri imin-e iri nggal kwarusu bug-o. At iri-ge an nelem nap yu ennggendumu-nen-e mondok ludtak mot mot kwaroso nap-nen yusu-o.

MATIUS 18:29

Yak tosoloma-ge, at anggam iri na-ge at yu eralu mbud luk, at emengen mbarosolar-e: ’Nab-o. Pug-o. Karengge namat wanigi iri-ge uwi-t yagimin-o’ luk yij-o.

MATIUS 24:45

”Iri ala-ge, mot mot kwaroso indi kwid pidnak ndegel poso nab-e ta-o? At eid iri-nen-e at ama woragwi ndegel ubugwi nap ereb-e at iri na inggem onposolar-e, norak tarem ndak ndak yosola mak unduwakluk at ebem-et poso nap iri-nen yusu-o.

MATIUS 25:21

Yosoloma-ge, at eid-nen at yak tosolar-e: ’Ndegel noboso nap konak mot mot nak kwaroso wa-e. Ob-et kwarigen-o. Kat-nen-e tol marik iri na bem mot mot nak kwarigendik me, nggulok mende nde kinggem pimin-o. Kat keid an nalen pem woraso yu me ngguwasug-o’ luk yak tij-o.

1 KORINTUS 4:17

Iri kwarobog-o luk-nen an nambara Timotius nindi kundik Nagawan Indo ebem mot mot nak kwaroso iri kendam pil lobok yigi iri-ge an-e Kerisut Yesus ebem woralat-nen kwaroso wene, an-e yi wi ndi wi-nen lambuk tak inpidnak nap pidsa mul indil nusu wene iri-ge yeberak kunpuwakluk pil lobok yigi-o.

1 KORINTUS 4:2

Nde, ap insilobulo inggem pidnak nab-e mot mot nak kwaroso irit mag-o.

1 KORINTUS 7:25

Nde, ap sujwe min ndugum min enmanggim wene-ge Nagawan Indo-nen ”Irit kwaru-o” luk yak nirigit lag-et nde, Nagawan Indo-ge an nubud kaso bem, at iri mot mot kwaroso nab-o luk neberagwi nap an nindi-nen peraidnak irit yimin-o.

2 KORINTUS 11:23

Ir-e Kerisut ndegel ubugwi nap-nen yili-a? Ap indi wawa-nen yugwi nggal yimin-et nde, it na ndegel ubugwi-t nde, an-e terak menna ndegel oboso-o. It yabu-ge mariget waniga-t nde, an perak nde yabu kwarat wanigi-o. Ir-e siyag-et linggamburok undugwi-t nde, an perak kwarat pem linggamburok nurugwi-o. Ir-e misik tarem nggal-et o kubu me inpil nggugwi-t nde, an-e kwarat pem o kubu me nibil nggugwi-o. An-e kwarat pem wat yugwi tu nggambut mu wok yukmu-o.

EPESUS 5:21

Kerisut indi aye woragolar-e, kit na kit-net kenggam urugom tebe yogolat wolmer-o.

PILIPI 2:25

Nandug-er-e an nanggam yabu misiget erep wanogolat, wim misiget erep tomborogolat yoso nap, nonowot Epapororitus na-ge kit kendam ibil-et lobok yimin-o. At iri-ge an yongga nuruwakluk kit-nen ibil lobok yigep nar-o.

KOLOSE 4:12

Kit kenma nap misik, Kerisut Yesus ndegel oboso nap Epaparas-nen-e wiwa yak kundusu-o. Nde, at iri-nen-e pempa pempa kit kenmanggim kiri keresa tepan yosolar-e: ”It inndi tugup lak woragolat, iminep mbarak woragolat, Mbal Pem Nagawan indi-n pidnak nak kwarogolat wolmag-o” luk Mbal Pem Nagawan emengen mbaroso-o.

KOLOSE 4:7

Nit nennggam abuwa worak Tikikus iri-ge mot mot nak ndegel onposo nap, Nagawan Indo eyabu an totno wanoso nap iri-nen-e an nowene-ge ndegera yak kunduwa-o.

KOLOSE 4:9

At imin-e kit kenma nap Onesimus, mot mot nak kwaroso abuwa worak na at imin lobok yusu-o. Nde, yu me-nen kwatli wene oboksa it-nen yak kunduwa-o.

1 TIMOTIUS 4:6

Kat-nen nde wene yu pidsa nennggamirak mul ondosola-ge, Kerisut Yesus ndegel oboso nap konak irit kwat yugun-o. Kwat yosolar-e, ninndi angin tubu yidnak elem iri-nen na, kat-nen yawo woralat langgal luk mburusu wene owak iri-nen na kat kindi umut nduruwa-o.

2 TIMOTIUS 2:2

Ap kwarat inmbiri bem an-nen nggomo kirigi na-ge kat-nen na iri nggal-et mot mor-et kwarugwi nap enpem posola-ge, it-nen na iri nggal-et nin nap mul unduwaklug-e, yak ondosolat wolmin-o.

PILEMON 1:23

Kerisut Yesus ebem totno o kubu me worali nap Epaparas na-nen-e wa yak kurusu-o.

IBERANI 2:17

Iri nggal yosolar-e, at-nen-e at owosirak enpage lid ludsa irit mondok kwat agaij-o. Iri kwat yid iri bem-e Mbal Pem Nagawan ndegel obosolar-e, owosirak entepan ombo kek tak mot mot nak yoso min unpud kwarat kaso min eyekluk-nen iri kwat yid iri-ge ap pidsa-nen meya yidnak na lak tak peyekluk-nen yij-o.

IBERANI 3:2

Nde, Musa na-ge Mbal Pem Nagawan ilirak oboksa ndegel onposolar-e, mot mot nak kwarosolat woragaid na nggal, nde, Yesus-nen na irit Mbal Pem Nagawan-nen at eyabu wanuwakluk len ibidnak me, yabu iri wanosolar-e, mot mot nak kwarosolat woragaij-o.