KOLOSE 1:6 - Nanduk Ngget Tul Pidnak Wene

⁶ Nde, kit kendam wok yid aid wene iri-ge iri nggal-et nggweyak ma yu me yi wi ndi wi wigak yosolar-e, ebe kwat yusu-o. Mbal Pem Nagawan-nen we wok ondoso elem obok na kulurug-e, ndemeret kenaru yigep kuri-nen yawo tarem-e kit kennggendumu-nen na irit aid wene wigak yusu-o.

KOLOSE 1:6 ပူးပေါင်းရင်းမြစ်များ

NDAWI ENGGA 110:3

Kat-nen kamawi bem lobok yugun tarem-e kat kuwokma woragwi nab-e ondomok inndi-net ndobo marak iri na bem keram lobok yogolar-e, kuplila lilangen nggal ap sujwe-ge kat keram lobok yuwa-o.

MATIUS 24:14

Nde, Mbal Pem Nagawan-nen tenagaidnak wi wene, aid wene iri-ge ap pidsa-nen enaru makluk, yi wi ndi wi oboksa yak indil nuwa-o. Iri rak puruk-net woroksiyem-e wok ma-o.”

MATIUS 28:19

Iri bem-e, kit mburugupndig-e, ap enlem oboksa-ge an nowosirak tak unpuruk, yi mat onpogolar-e, Eid unu bem, Ambara unu bem, Konak Indi unu bem yi mat unpuruk,

MARAKUS 16:15

Met unpuruk, Yesus-nen it yak ondosolar-e: ”Kir-e yi wi ndi wi ap pidsa aid wene yak indil mberer-o.

MARAKUS 4:8

Nde, uwi ereb-e nggweyak konak pem mbid iri na-nen engen kwarat posolar-e, erep-nen-e tiga pulu nggal posolat, erep-nen-e enam pulu nggal posolat, erep-nen-e seratus nggal pij-o” luk yij-o.

YOANES 15:16

Kit-nen an len nibigit lag-o. Alat nde, an-nen len kunpuruk, kit-nen-e engen kwarat pogolar-e, pem-et woralik nalik momtak engen pobokluk-nen an-nen wirik kinpigi-o. Nde, an nunu bem an Neid nggi yak tugup mende-ge, iri na-t wok kunduwa-o.

YOANES 17:19

Ir-e ndemeret wene bem lena kat karengge makluk, it enmanggim an-e kat karengge teyek-nen an-e an-net len yigi-o.

YOANES 4:23

Alat nde, Nineid erembel lud tag-et wanuwa tarem-e panggo yusu-o. Iri tarem-e yawo wok yid yur-o. Nde, it-nen erembel wanogolar-e, Nineid indi-n pidnak ndak ndag-et kwara erembel wanuwa-o.

YIDNAK YIDNAK WENE 11:18

Yak ondosola kulurug-e, puk lug-e, it-nen Mbal Pem Nagawan erembel wanogolar-e: ”Iri ala-ge, Mbal Pem Nagawan-nen enlem nin nap wok ondosolar-e, it kondok yogola, unlug-et wolmomtak elem wanuwakluk wok indij-o” luk erembel waniga-o.

YIDNAK YIDNAK WENE 12:24

Nde, Mbal Pem Nagawan-nen yidnak wene-ge wigak yosolat, nggulok yij-o.

YIDNAK YIDNAK WENE 16:14

Nde, kwami ereba na ennggenggerak nenne kulid kwe misik o siri Tiatira kwe unu-ge Liria irit woragaij-o. Kwe iri-ge kiloga sum onggo wanoso-o. At iri-ge Mbal Pem Nagawan erembel wanoso kwe-o. Nde, Nagawan Indo-nen kwe na indi tu kuwarak posola-ge, Paulus-nen yidnak wene-ge kwara kuluruk, wanij-o.

YIDNAK YIDNAK WENE 26:18

It enlengen kuwarak pugunmu-ge, it-nen ndamuk arem-nen nden karuk, yaya ambigit nggwe lobok yogolat, Sere inggiyapma-nen Mbal Pem Nagawan ambigit nggwe lobok yogola-ge, it meya yidnak iri-ge an-nen namberam tak posola, an nebem inndi angin tubu yidnak pem korak inpidnak nap inmin lambuk makluk, endam wirik kibimin irir-o’ luk yak nirij-o.

OROMA 1:13

Nanggamirak wa-e. An-e pempa kit kendam lobok yurak perasu-t nde, yawo yu kuri-nen an-e pempa nari wari rak nubusu iri-ge kit kenaru yurag-e nindingen-o. Enlem nin nap ennggendumu-nen an neyabu ebe kwat yid iri nggal-et kit kennggendumu-nen na ebe kwat yidnak kayekluk-nen yigi-o.

OROMA 15:19

kwaril nosolar-e, yenggerak purak mende amawi min kwiye worak mende amawi bem-nen na iri pidsa Konak Indi amawi bem-nen kwaril nigi-o. Iri nggal kwaril nosolar-e, o Yerusalem-nen Kerisut-nen idnak aid wene na-ge kwara timbiril timbiril Ilirikum kuri pigi-o.

OROMA 15:28

Nde, an-e neyabu yu lak tak puruk, it enmanggim ndok wiridnak uwang pidsa wok undurug-e, Spaniol mborosolar-e, kit kendam nggwe rak pimin-o.

OROMA 16:26

Nde, yawo-nen-e pem-et woraso Mbal Pem Nagawan-nen-e ”iri nggal mag-o” yidnak pem yi nap ndi nap oboksa-nen enaru luk inndi angin tubu yogolat, at-nen yidnak yidnak nak kwarogolat makluk-ge, Mbal Pem Nagawan ene lomboksa yugwi nap-nen mbaridnak engga bem-nen-e kura yidnak wene iri-ge nam tak pili-o.

2 KORINTUS 10:14

Nde, kir-e nit neneyabu kuri bid iri na arem nggwe worali me, nir-e Kerisut owene aid wene iri yak kindil wok yogolar-e, kuri bid iri na kwidsa mbirigit lak yige-o.

2 KORINTUS 6:1

Nir-e Mbal Pem Nagawan imin yabu misiget erep wanugwi nap nit-nen nggomo kindili-o: Mbal Pem Nagawan-nen we wok ondoso elem wanigep iri na-ge ebe lak mende rak purak pug-o.

EPESUS 3:2

Kit kenmanggim Mbal Pem Nagawan-nen we wok ondoso elem wok niridnak na bem kwarurak wene-ge kir-e ndemeret kuligep nar-o.

EPESUS 4:21

Nde, kir-e ndemeret at owene kuligep me, ndemeret wene iri-ge Yesus ebem worasu iri na-t mul kindiga-o.

EPESUS 4:23

Kit kinndi arem-nen yebet kagwi iri-ge mondok ngget tak puwag-o.

EPESUS 5:9

Yaya iri-nen engen utlud posolar-e, konak nak kwarugwi elem min lud tak nak woragwi elem min ndemeret wene min irit pusu-o.

PILIPI 1:11

Nde, Yesus Kerisut ebem-nen lud tak nak kwarugwi engen kwarat pidnak kit kenarem kobongsa wolma iri-ge Mbal Pem Nagawan unu kek tak pogolat, at erembel wanogolat makluk-nen wolma-o.

PILIPI 4:17

Nde, an-nen-e silobulo we wok nururak iri nggok tak pusu-ge lag-o. Are, kit-nen silobulo wok niridnak pem-nen Mbal Pem Nagawan-nen terak menna wok kunduwakluk-nen yusu-o.

KOLOSE 1:10

Iri rak konposola-ge, Nagawan Indo erengen pem kir-e ndak ndak yogolat, yi mende ndi mende bem at alen tak ubugub-o. Nde, kit-nen yi kwatlik ndi kwatlik kwarogolar-e, engen-e konak nak pogolat woragub-o. Nde, Mbal Pem Nagawan kenaru yogolat na, kwarat kenaru yuwa-o.

KOLOSE 1:23

Nde, mbigija-ge kit-nen kinndi angin tubu yidnak pem mondok tugup lak woragolar-e, aid wene kuligep na bem kinndi mbung mbung tak woraidnak na amawisa-t wanogolat woragup na-e. Aid wene iri-ge nggweyak ma woragwi nap oboksa yak indidnak wene-nen yusu-o. Nde, Paulus an-e aid wene iri ndegel oboso nap-nen yusu-o.

1 TESALONIKA 1:5

Nde, nit-nen-e aid wene kit kendam waruk lobok yige iri-ge, we nenne nak-nen yak kindigit lag-o. Are, Konak Indi amawi bem-nen na ”Yu-ge ndemeret wene-net yusu-o” luk, mondok nenaru yidnak pem-nen na yak kindige nar-o. Nde, kit kenmanggim ala, nir-e kit kennggendumu woragolat-nen yabu wanige na-ge kenaru nar-o.

1 TESALONIKA 2:13

Nde, wene misik yu bem-nen na nir-e Mbal Pem Nagawan wa-o luk kundugu yak tili-o. Nir-e Mbal Pem Nagawan-nen yidnak wene-ge kit yak kindil lobok yogola-ge, kir-e wene na kuluruk wanogolar-e, ki nap-nen yidnak nggal wanigit lag-o. Are, Mbal Pem Nagawan-nen yidnak wene-o luk wanigep nar-o. Nde, wene iri-ge ndemeret Mbal Pem Nagawan-nen yidnak-nen yusu-o. Nde, Mbal Pem Nagawan-e kit kinndi angin tubu yidnak nap kenarem yabu wanusu-o.

2 TESALONIKA 2:13

Nennggamirak Nagawan Indo-nen kenabuwa kaso wa-e. Kit kenpem ala, nir-e mondok pempa Mbal Pem Nagawan wa-o yak togolat wulmul-o. Tel kwiridnak kuri-net Mbal Pem Nagawan-nen kinmiri yekluk len konposolar-e, Konak Indi-nen mbek tak kinpidnak pem na, ndemeret wene bem kinndi angin tubu yigep pem na len kinpij-o.

1 PETERUS 5:12

An engga poro-t kenmanggim mbarigi yu-ge an-nen eberasolat mot mor-et yoso nonowot Silas-nen yongga norosola, mbarigi-o. ”Wene yu-ge ndemeret Mbal Pem Nagawan-e we wok ondoso elem-nen yusu-o” luk kinndi embem tak posolat-nen engga yu mbarusu-o. Mbal Pem Nagawan we wok ondoso pem-et tugup lak mendak wolmer-o.