KOLOSE 1:28 - Nanduk Ngget Tul Pidnak Wene

²⁸ Iri bem-e, Kerisut owene iri-ge nir-e ab-e ap oboksa yak indili-o. Nit ninndi mondok pindong tak pem-net ap oboksa nggomo indilik, mul indilik yogolar-e, it enarik tag-et Mbal Pem Nagawan eram inpil lobok yogola, Kerisut ebem iminep mbal yidnak nap makluk-nen yili-o.

KOLOSE 1:28 ပူးပေါင်းရင်းမြစ်များ

ESERA 7:25

Nde, kat Esera-nen-e Mbal Pem Nagawan-nen indi nggat nggat elem wok kirid iri na bem-net kwarosolar-e, o Eperat iri me mo mboso (barat) nggwe worali nap oboksa kat Kembal Pem Nagawan-nen idnak imiri mbarak pidnak wene ereba na ndak ndak kwarugwi nap ereba na tena unpuruk wolmakluk kat-nen-e ennggendumu enne kulurak nap lenak onposolat, enpem wene mbenarugwi nap lenak onposolat kwarurag-o. Nde, kat-nen-e imiri mbarak pidnak wene ereba na enaru buk nap ereba-ge mul undurag-o.

NGGOMO WENE 8:5

Inndi tenggerak elem tena woragwi buk nab-e inndi tenggerak woragwi elem-e kenaru yer-o. Kit wid kinndi worak nab-e kwara yebet karuk-nen kenaru mer-o.

MATIUS 28:20

an-nen ’Iri nggal mer-o’ luk yak kindigi wene oboksa-ge it mul ender-o. Yebet yebet tak wolmer-o. An-e pempa-t kit kinmin irit worasoma, woroksiyem wok ma-o” luk yak indij-o.

MATIUS 3:7

Nde, Yoanes-nen it yikeneyagaidnggal-e, Parisinap nde, Saruki nap nde kwarat at-nen yi ma unpuwakluk at eram lobok yogola, at-nen yak ondosolar-e: ”Kit waro-nen wigarak wa-e. Mbal Pem Nagawan isilepma abok kenpem mbosola, inggem-nen mengga mbururag-e ta-nen yak kindij-o?

MATIUS 5:48

Iri bem-e kit Kineid aid arem woraso iri-ge iminep mbarak nak woraso nggal, kit na mondok iminep mbarak irit wolmer-o” luk yak indij-o.

MARAKUS 6:34

Worakmu-ge, Yesus na-ge e koma arem-nen kenangga mbosolar-e, ap kwarat na yik eneyagaidnggal-e, ir-e lomba wam ombo lak nggal eneyarug-e, it enabuwa kwarat karug-e, wene kwarat mul indij-o.

LUKAS 21:15

An-nen wene mot mot yobokluk kinndi nggat nggat lem wok kundumu me, kit kunuwim nap ap misiget ter-o luk-nen wene yugup na tarogolat, wene eyak wururag-e meya ma-o.

YIDNAK YIDNAK WENE 10:36

Mbal Pem Nagawan-nen Isarael nap enmanggim wene wosa pid iri-ge ap oboksa Nagawan Indo Yesus Kerisut ebem lambuk yurak aid wene irit yak indij-o.

YIDNAK YIDNAK WENE 11:20

Alat nde, it iri na ennggenggerak ap ereb-e Siperus nap min Kireni nap min iri-ge Antiokia wok yogolat-nen-e Nagawan Indo Yesus-nen yidnak aid wene-ge Yunani nap na yak ondogolat woraiga-o.

YIDNAK YIDNAK WENE 13:38

Nanggamirak wa-e. Wene yu-ge kenaru mer-o. Ap yu na ebem-e kit meya yogolat woraidnag-e ambaram tak puruk, urugom tak kunpurak wene irit yak kundusu-o.

YIDNAK YIDNAK WENE 17:18

Nde, ap nggomo undugwi nap ereb-e Epikuros nap min Stoa nap min-e Paulus imin wene onggo onggo yogolat-nen it erep-nen imin yogolar-e: ”Indi-ge mbirigit lag-et wene yoso yu-ge no wene yusu-o?” luk yiga-o. Nde, at-nen Yesus owene min at uruk yidnak wene min yak ondosola, it erep-nen yogolar-e: ”Ap yu-ge ap sal unkugi owene yoso-o” luk yiga-o.

YIDNAK YIDNAK WENE 17:3

Wene na nam para mirik onposolar-e, Mesias na-ge mondok andi bandi karuk, wat yidnak nap ennggendumu-nen men momtak wene na mirik onposolat woragaij-o. Iri luk, at-nen yosolar-e: ”An-nen yak kundusu nap Yesus yu-ge Mesias-net yusu-o” luk yij-o.

YIDNAK YIDNAK WENE 20:31

Iri bem-e, kwil kwalsa wolmer-o. An-e olengen ebis-et kenan woralar-e, kubu-nen, lengge-nen yip lengen min-et kundugu kit pidsa nggomo kondosolat woragi na-ge kinndi yebet yebet tak wolmer-o.

YIDNAK YIDNAK WENE 3:20

Nagawan Indo eram-nen kenalen pem wolmomtak tarem pil lobok yuwakluk, nanduk-net kenmanggim lenak pidnak Kerisut iri-ge Yesus irit ibil lobok yuwakluk, kondok yer-o.

YIDNAK YIDNAK WENE 5:42

Nde, pelin na pelin na Mbal Pem Nagawan ama-nen na ap enma-nen na ”Yesus iri-ge Kerisut-nen yusu-o” luk konak wene iri-ge ap mul ondogolat nak woraiga-o.

YIDNAK YIDNAK WENE 8:35

Yosoloma-ge, Pilipus na-nen engga wene na kenggera yak til til mbirij-o.

YIDNAK YIDNAK WENE 8:5

Nde, Pilipus na-ge Samaria silmu mbarik-nen Kerisut obok yak ondosolat woragaij-o.

YIDNAK YIDNAK WENE 9:20

Woralar-e, Yawuri nap-nen tepan yugwi ma ereya na me-nen Yesus owene wesera yak ondosolar-e: ”At iri-ge Mbal Pem Nagawan Ambara-nen yusu-o” luk yak indij-o.

OROMA 16:25

Mbal Pem Nagawan erembel wanuwog-o! At-nen-e kit kinndi angin tubu yidnak pem tugup lak tak kunpurag-e ndak-nen yusu-o. Iri kwarusu iri-ge, an-nen yak kindidnak aid wene, Yesus Kerisut owene iri-ge, obi-net kura woraidnak wene iri yawo nam tak pusu wene na bem-nen irit kwarusu-o.

1 KORINTUS 1:23

nit-nen-e Kerisut e lang pang tak pem wiridnak wene nak yili-o. Nde, nit-nen yili wene iri-ge Yawuri nap enambigir-e unuwok abis pijaksa mberak onposo kerep nggal yosolat, enlem nin nap enambigir-e wid-nen yugwi nggal yosolat yusu-t nde,

1 KORINTUS 1:30

Alat nde, Mbal Pem Nagawan ebem-e Kerisut Yesus imin kundik kinpidnak worali-o. Kerisut iri-ge Mbal Pem Nagawan-nen-e nit ninndi tenggerak elem tak obosolat, at ebem-et mot mot tak nonposolat, mbek tak nonposolat, nonnggo paga weserak nonposolat yij-o.

1 KORINTUS 12:8

Konak Indi-nen-e ap misik wok tosolar-e, indi nggat nggat pem wene yoso iri wok tosolat, nde, Konak Indi misiget iri na-net nin nap wok tosolar-e, indi tenggerak pem wene yoso wok tosolat yusu-o.

1 KORINTUS 15:12

Nde, nit-nen yogolar-e: ”Kerisut iri-ge wat yidnak ennggendumu-nen uruk agaij-o” luk yili na-t nde, kit erep-nen-e ngge luk-nen: ”Wat yidnak nab-e unluk yugwi bug-o” luk yili-o?

1 KORINTUS 2:15

Nde, Konak Indi wanidnak nap-nen-e yi mende ndi mende oboksa mbenaroso-t nde, ap erep-nen-e at ebem wene mbaruwa bug-o.

1 KORINTUS 2:6

Irit nde, nir-e indi tenggerak wene iri inndi amburu mbarak nap yak indili-t nde, nggweyak ma nap inndi tenggerak elem pem na yak indigit lag-et, o tena worali nagawan nagawan iri-ge lak tak unpuwa nap iri na inndi tenggerak elem pem na yak indili bug-o.

1 KORINTUS 4:14

An-e wene yu kenmanggim mbarusu yu-ge kinnggiri rak peyekluk-nen mbarusu-ge lag-o. Are, an nilirak nindi kundik nggomo kondosolat-nen mbal kundusu-o.

2 KORINTUS 10:14

Nde, kir-e nit neneyabu kuri bid iri na arem nggwe worali me, nir-e Kerisut owene aid wene iri yak kindil wok yogolar-e, kuri bid iri na kwidsa mbirigit lak yige-o.

2 KORINTUS 11:2

Ap misiget nak wanobokluk ebem panggarak kinpigirik me, kir-e imin nene yugwi buk kwe ndugum nggal Kerisut wok kunpuwakluk-nen Mbal Pem Nagawan-nen kit kenpem ala erengen ale yusu nggal, an-nen na kit kenpem ala nerengen ale yusu-o.

2 KORINTUS 4:5

Nde, nir-e nit nondomok nonowene yak kindili-ge lag-o. Nit-nen yak kondogolar-e: ”Yesus Kerisut iri-ge Nagawan Indo-nen yusu-o luk, Yesus ebem ala, nir-e kit ndegel kunpugwi nap-nen yili-o” luk yak kindili-o.

EPESUS 3:8

Marak nap oboksa ennggendumu-nen an-e nagweyak nggal-et nde, Kerisut arengge wonarurak puk mende iri-ge enlem nin nap yak unduwakluk, Mbal Pem Nagawan-nen we wok ondoso bem-net wok neramu-o.

EPESUS 5:27

Nde, iri kwat inpid iri-ge, lambuk tak inpidnak nap iri-ge at-net at ondomok eram enpeyekluk-nen yij-o. At eram onposolar-e, enabinal worak, enpem kopkap min siminggil min iri nggal erep na lag-et. Are, mondok marag-et, enpem ambut lak irit eram enpeyekluk-nen yij-o.

TUGURUK YIDNAK WENE 4:5

Imiri mbarak pidnak wene iri oboksa Nagawan Indo Nenmbal Pem Nagawan-nen nebem pidnak wene irit kit mul kindigi-o. O kit nggurak iri me nggugupndik woragolar-e, wene yeba-ge mondok kwara kwarogolat wolmomtag-o.

KOLOSE 1:22

Alat nde, yawo-ge Kerisut na ki nap enaboro worak luk wat yid na bem-e Mbal Pem Nagawan-nen at ondomok imin lambuk tak kinpij-o. Iri rak kinpid iri-ge kir-e marak nap, kenpem kopkap lak nap, meya kwarugwi buk nap tak kunpuruk, at eram kinpil lobok yekluk-nen iri kwarij-o.

KOLOSE 2:10

Nde, kir-e at imin kundik woragola, iminep mbarak kinpidnak worali-o. Nde, iri-ge nggweyak ma woragwi pemerinta nde enmawi worak mendak inpidnak nde enanggul-nen yusu-o.

KOLOSE 2:3

Indi tenggerak elem oboksa min enaru yugwi elem oboksa min-e Kerisut arem-et kura worasu-o.

KOLOSE 3:16

Kerisut owene utlud lombok iri-ge kit kenarem wolmag-o. Kinndi mondok lid tak pem-nen-e kit na kit-net mul kerak mbogolat, kit na kit-nen nggomo wat kerak mbogolar-e, ndawi engga bem nde, Mbal Pem Nagawan erembel wanugwi ndawi bem nde, aid ndawi bem nde yogolar-e, kit kinndi arem-nen ”Mbal Pem Nagawan wiwa-o” luk yak togolat wolmer-o.

KOLOSE 4:12

Kit kenma nap misik, Kerisut Yesus ndegel oboso nap Epaparas-nen-e wiwa yak kundusu-o. Nde, at iri-nen-e pempa pempa kit kenmanggim kiri keresa tepan yosolar-e: ”It inndi tugup lak woragolat, iminep mbarak woragolat, Mbal Pem Nagawan indi-n pidnak nak kwarogolat wolmag-o” luk Mbal Pem Nagawan emengen mbaroso-o.

1 TESALONIKA 4:6

Yu mende kwarugwi bem-e ap misik-nen at anggam meya rak posolat, at anggam ombol pem ludtak pug-o. Nandug-e wene yu yak kondogolar-e: ”Nagawan Indo-nen iri mende kwarugwi nap enpem wene mbaruwa-o” luk nir-e nenne amawi min yak kindige nar-o.

1 TIMOTIUS 3:16

Nit-nen Mbal Pem Nagawan erembel wanugwi kura bidnak wene iri-ge ndemeret nggok lombok-nen yusu-o: ”At ondomok-net ki nap enpage nggal luk, nam yij-o. At lud tak nak kwaroso iri-ge Konak Indi-nen nam tak pij-o. Aid nap inmbiri bem nam yij-o. At owene-ge Mbal Pem Nagawan enaru buk nap ennggendumu yiga-o. Nggweyak ma yu me-nen inndi-ge at ebem angin tubu yiga-o. Abinal pem lek karuk lagaij-o.”

1 TIMOTIUS 3:2

Nde, lambuk tak inpidnak nap yik eneyarok woraso nab-e meya kwaroso buk nap, ogwe misiget worak nap, ondomok indi mamak poso nap, indi nggat nggat worak nap, indi lid puruk-nen kwaroso nap, ”Ap sal nama nggumer-o” yoso nap, ap mul ondoso aru nap,

IBERANI 10:14

Iri ala-ge, at eyabi-ge misiget pem nak wirik pid pem-e it-nen meya yogolat woraidnak iri mbek tak inpidnak nap oboksa-ge Kerisut-nen-e pem-et woralik nalik wolmakluk iminep mbarak inpij-o.

IBERANI 13:21

Yamuksa woragwi elem Mbal Pem Nagawan-nen konak mende oboksa wok kondosola, iri bem-nen Mbal Pem Nagawan indi-n pidnak nak kwarobokluk, ndak tak kunpuwag-o. At indi-n peraidnag-e Yesus Kerisut ebem-nen Mbal Pem Nagawan-nen nit nenarem yabu wanuwag-o. Nde, Yesus Kerisut na-ge kek tak pem-et woralik nalik wolmag-o. Amen.

2 PETERUS 3:15

Nenagawan Indo-nen mamak puruk worasu iri-ge nit ninmiri yuwakluk-nen kwarusu-o luk yebet ker-o. Nit nanggam abuwa worak Paulus-nen na wene iri nggal-et kit kenmanggim mbarid iri-ge Mbal Pem Nagawan-nen we wok tidnak indi nggat nggat iri na bem-net mbarij-o.