KOLOSE 1:22 - Nanduk Ngget Tul Pidnak Wene

²² Alat nde, yawo-ge Kerisut na ki nap enaboro worak luk wat yid na bem-e Mbal Pem Nagawan-nen at ondomok imin lambuk tak kinpij-o. Iri rak kinpid iri-ge kir-e marak nap, kenpem kopkap lak nap, meya kwarugwi buk nap tak kunpuruk, at eram kinpil lobok yekluk-nen iri kwarij-o.

KOLOSE 1:22 ပူးပေါင်းရင်းမြစ်များ

2 SEMUEL 22:24

An-nen lugud tak kwarugwi keya buruk, lugud tak kwarigit lak woraso iri-ge ar-e arur-o.

NDAWI ENGGA 51:7

Masa labuk yek-nen marak nibi-o. Mondok loro mbek yaga labuk yek-nen masa keya nibi-o.

LUKAS 1:75

kunluk woragolar-e, pempa an namanggim nak woragolat, an nindi nak alen tak pogolat yugub-o’ luk yak tij-o.

OROMA 7:4

Nowe nowosi wae. Ap misik arengge kwat yobokluk, kit na iri nggal-et Kerisut ebe min kwin luk, imiri mbarak pidnak wene inggi wesera wat yigeb-o. Nde, nir-e Mbal Pem Nagawan amanggim engen puwakluk, yawo-ge kir-e wat yidnak nap enngendumu-nen uruk tak pidnak nap arengge-net yili-o.

2 KORINTUS 11:2

Ap misiget nak wanobokluk ebem panggarak kinpigirik me, kir-e imin nene yugwi buk kwe ndugum nggal Kerisut wok kunpuwakluk-nen Mbal Pem Nagawan-nen kit kenpem ala erengen ale yusu nggal, an-nen na kit kenpem ala nerengen ale yusu-o.

2 KORINTUS 4:14

Nagawan Indo Yesus uruk tak pid nap, Mbal Pem Nagawan-nen-e Yesus min nit totno nunluk tak posola-ge, nit min kit min at ondomok eram ninpil mburuwar-o luk nenaru nar-o.

2 KORINTUS 5:18

Iri mende oboksa-ge Mbal Pem Nagawan-net kwarusu-o. Kerisut ebem-nen Mbal Pem Nagawan-nen-e at imin sirid nap nir-e at ondomok imin lambuk tak ninpij-o. Iri rak puruk, nin nap na at imin lambuk tak unpurak yabu na-ge nit nenpem pamu-o.

EPESUS 1:4

Nggweyak yu ndak worak pigit lak ma-net nir-e marak nak wolmakluk, at eram-nen-e ”At yu-ge iri nggal meya yoso bug-o” luk yak nunduwakluk, nir-e at arengge rak nunpurak pem Mbal Pem Nagawan–nen-e Kerisut ebem-nen len ninpij-o.

EPESUS 5:27

Nde, iri kwat inpid iri-ge, lambuk tak inpidnak nap iri-ge at-net at ondomok eram enpeyekluk-nen yij-o. At eram onposolar-e, enabinal worak, enpem kopkap min siminggil min iri nggal erep na lag-et. Are, mondok marag-et, enpem ambut lak irit eram enpeyekluk-nen yij-o.

KOLOSE 1:28

Iri bem-e, Kerisut owene iri-ge nir-e ab-e ap oboksa yak indili-o. Nit ninndi mondok pindong tak pem-net ap oboksa nggomo indilik, mul indilik yogolar-e, it enarik tag-et Mbal Pem Nagawan eram inpil lobok yogola, Kerisut ebem iminep mbal yidnak nap makluk-nen yili-o.

1 TESALONIKA 4:7

Nir-e mbilaro ngin mende kwaruwakluk-nen Mbal Pem Nagawan-nen wene mbo ninpij-e lag-o. Are, nir-e marak nak wolmakluk-nen wene mbo ninpij-o.

TITUS 2:14

Yesus iri-ge yi meya ndi meya kwarugwi inggem-nen ninmiri yekluk, at ondomok amanggim marak nunpuruk, at elem nap tak nenpeyekluk, ”Konak mende nak kwaruwog-o” yugwi nap tak nenpeyekluk, at-net at ambikpebe iminep nit nenmanggim wesel koragaij-o.

IBERANI 10:10

Nde, Yesus Kerisut-nen Mbal Pem Nagawan indi-n pidnak nak kwaridnak pem-e, nit pidsa-nen meya yogolat woraidnak iri mbek tak ninpid iri-ge, at na at-net ondomok ebe posolar-e, pem-et woralik nalik wolmomtak amanggim misiget pem nak pij-o.

IBERANI 10:20

Yesus-nen-e unlug-et wolmomtak tu ngget misik nit nenmanggim tel kwirij-o. Nde, tula iri-ge o marak iri kuri worak woraso sum timnik iri na ngak yid iri nggwe-nen tel kwirij-o. Nde, sum iri-ge Yesus ebe arer-o.

IBERANI 13:21

Yamuksa woragwi elem Mbal Pem Nagawan-nen konak mende oboksa wok kondosola, iri bem-nen Mbal Pem Nagawan indi-n pidnak nak kwarobokluk, ndak tak kunpuwag-o. At indi-n peraidnag-e Yesus Kerisut ebem-nen Mbal Pem Nagawan-nen nit nenarem yabu wanuwag-o. Nde, Yesus Kerisut na-ge kek tak pem-et woralik nalik wolmag-o. Amen.

1 PETERUS 3:18

Nde, Kerisut na irit, ap-nen meya yidnak pem mondok misik tarem-et ap pidsa enmanggim wat yij-o. Lud tak nak kwaroso nab-e lud tak nak kwarugwi buk nap enmanggim wat yosolar-e, Mbal Pem Nagawan eram lit nunpuruk mbereyekluk wat yamu-o. Nde, ki nap enpage worak iri na wiriga-t nde, indi irit uruk tak pij-o.

2 PETERUS 3:14

Nanggamirak kenabuwa worak wa-e. Iri bem-e kir-e Tarem iri yik karok woragolar-e, Mbal Pem Nagawan erengen pem kir-e marak irit, kenpem kopkap lak, at imin kundik woraboklug-e, mondok kwara kenmawi konder-o.

YURAS 1:24

Kit pijaksa mbugup naru, tugup lak tak kunpurak amawi worak Nap, mondok kopkap lak, kenalin kenalen min-et at unu kek tak woraso eram kunpuwa Nap,