KOLOSE 1:18 - Nanduk Ngget Tul Pidnak Wene

¹⁸ Nde, at ebe-ge lambuk tak inpidnak nap-nen yusu-o. Nde, enanggul-e at-net yusu-o. At ebe iri na elem-e at-net yusu-o. Nde, yi mende ndi mende bem at arig-et nak mondok kek tak wolmaklug-e, wat yidnak nap ennggendumu-nen tel korosolat uruk tak pid nab-e at-net yusu-o.

KOLOSE 1:18 ပူးပေါင်းရင်းမြစ်များ

NDAWI ENGGA 89:27

Iri yosola, an-nen kwarak obosolar-e, an nambara manggiya rak ibimin-o. Iri rak pumu, nagawan oboksa ennggendumu-nen nagawan anggu obok worak tak pimin-o.

YESAYA 52:13

Nagawan Indo-nen yosolar-e: ”An ndegel noboso nap iri na-nen kwaridnak ebe-t kwat marig-e, at nak erembel wanogolat, kek tak ubuwa-o.

MATIUS 23:8

Alat nde, Mul Kondoso Nab-e misiget nak worasu, nde, kit oboksa-ge owe owot-net yili me, kit kinmin-e ’Mul Nondoso Nab-o’ luk yak kundurag-e meya-o.

MATIUS 28:18

Nde, Yesus na it endam panggo yosolat-nen it yak ondosolar-e: ”Aid arem amawi min nggweyak ma amawi min oboksa-ge an ninggem pidnak-nen yusu-o.

YOANES 1:1

Nanduk o yu ndak wirigit lak ma-net Wene irit woragaij-o. Wene iri na Mbal Pem Nagawan imin-et woragaij-o. Nde, Wene iri na Mbal Pem Nagawan-net yusu-o.

YOANES 1:16

At arem-e enabuwa kaso elem kobong tak me, nit pidsa nenabuwa kundugu kasolat, imbiringgat tak nonposo-o.

YOANES 1:27

At iri na-ge an nimbirik lobok yusu-t nde, an-nen-e at ijok sum kere wusururag-e meya-o” luk yij-o.

YIDNAK YIDNAK WENE 26:23

It-nen yogolar-e: ’Mesias-e mondok yane-t wuruwa-o. Nde, at iri-ge wat yidnak nap ennggendumu-nen nandug-et uruk yuwa-o. Nde, uruk lug-e, at-nen-e nit nenlem nap na irit, enlem nin nap na irit yaya wene yak unduwa-o’ luk irit yiga-o” luk Paulus-nen yij-o.

OROMA 8:29

Nanduk-net Mbal Pem Nagawan-nen it len inpid iri-ge at Ambara Yesus Kerisut abage nggal kwat mag-o luk obi-net lud tak pid iri bem-nen at anggamirak kwarat ennggendumu at Ambara na manggu nderak makluk len inpij-o.

1 KORINTUS 11:3

Alat nde, wene yu-ge kit-nen kenaru yurak iri-ge nindingen-o: Ap pidsa enanggul-e Kerisut-nen yusu-o. Nde, kwe anggul-e un-nen yusu-o. Nde, Kerisut anggul-e Mbal Pem Nagawan-nen yusu-o.

1 KORINTUS 12:27

Yawo-ge kit oboksa-ge Kerisut ebe-nen yili-o. Nde, kit kenarik tag-e at inggi ujok-nen yili-o.

1 KORINTUS 15:25

Nde, Mbal Pem Nagawan-nen Kerisut imin sirid nap pidsa-ge at ujok ma rak enpeyekluk woralar-e, Kerisut na-ge Nagawan worasolar-e, pemerinta-nen tena woragwi mende mondok at-nen tena wolma-o.

EPESUS 1:10

Mbal Pem Nagawan-nen ”Irit timin-o” luk lud tak pid wene-ge yu-o: Misiget tak purak tarem-e ndak yosola-ge, aid arem woraso tengge min nggweyak ma woraso tengge min, ndak worak pidnak tengge pik paksa-ge Kerisut ebem-nen mondok lambuksa misiget tak puwa-o.

EPESUS 5:23

Kerisut-e lambuk tak inpidnak nap enanggul-nen yusu nggal, un-e at ogwe anggul-nen yusu-o. Nde, lambuk tak inpidnak nap iri-ge at ebe-nen yili me, Kerisut-e at ebe Imiri Yoso Nap-nen yusu-o.

KOLOSE 1:24

Nde, yawo-ge an-e kit kenmanggim yane wurusu me, an nalen kasu-o. Kerisut-e at ebe amanggim yane wiridnag-et nde, mariget awo yane wirigit lak iri-ge an nebe bem yane wurusu iri bem-nen iminep mbarak pimin-o. Kerisut ebe iri-ge lambuk tak inpidnak nap-nen yusu-o.

KOLOSE 2:19

It iri na-ge enanggul Kerisut na puksa tenakit lak worali-o. Kerisut na ebem-net ebe oboksa-ge ndak ndaksa ndogorosolar-e, it min emengen min-nen konda misiget tak posolar-e, Mbal Pem Nagawan indi-n pidnak pem-et nggok yusu-o.

1 YOANES 1:1

Engga yu arem-e unlug-et woragwi elem wok ondoso Wene iri owene mbatli-o. Nde, Wene iri-ge tel kwiridnak kuri-net woraso-o. Wene iri na nir-e ene kologolat, nondomok nenlengen-nen kagolat, nenlengen nomosa yik karok woragolat, nininggi-nen tena obogolat yige-o.

NAM PARA WENE 1:18

An-e nuruk woraso-nen yusu-o. Ki-o. An-e wat yigi-t nde, nuruk yigirik, yawo-ge an-e nurug-et pem-et woralik nalik worasu-o. Wat yugwi elem min wat yugwi elem-nen tenagaidnak wi min tu mig worak pugwi-ge an ninggem worasu-o.

NAM PARA WENE 1:8

Nanduk na woraso, yawo na worasu, abok na wolma nap, Mondok Amawi worak Nagawan Indo Mbal Pem Nagawan-nen yosolar-e: ”An-e Tel Koroso min Woroksiyem min-nen yusu-o” luk yij-o.

NAM PARA WENE 11:15

Iri luk, tuju bem tak posolat aid nap iri-nen oboba ene yij-o. Yosoloma-ge, aid arem-nen enne ngguloksa yogolar-e: ”Nggweyak ma wi yu tena wolmomtak amawi-ge nit Nenagawan Indo min at-nen lena mendak ibidnak Kerisut min ininggem worasu-o. Nde, at-nen tena buruk worasolar-e, pem-et woralik nalik irit wolma-o!” luk yiga-o.

NAM PARA WENE 21:6

Iri yuruk, at-nen tuguruk yosolar-e: ”Abu ndak yij-o. Nde, an-e Tel Koroso min Woroksiyem min-nen yusu-o. An-e Nanduk-net Woraso, Abok-nen na irit Woramin Nagawan Indo-nen yusu-o. Yi nere kagwi nab-e an-nen we onggo lag-et mak ondosolar-e, unlug-et woragwi yi ulusu na kenangga mak indimin-o.

NAM PARA WENE 22:13

An-e nandug-et woraso, abok na woramin, tel koroso min woroksiyem min-nen yusu-o” luk yij-o.

NAM PARA WENE 3:14

”Laorikia woragwi lambuk tak inpidnak nap-nen idnak aid nap amanggim-e yu nggal mbari-o: Nde, wene yu-ge mot mot lud tak nak konggoroso nap, Mbal Pem Nagawan-nen ndak worak pidnak mende oboksa tel koroso Amin-nen yidnak wene-o.