KOLOSE 1:17 - Nanduk Ngget Tul Pidnak Wene

¹⁷ Yi mende ndi mende ndak worak pigit lak ma-net ar-e worasor-o. Nde, yi mende ndi mende oboksa-ge at ebem-net worasu-o.

KOLOSE 1:17 ပူးပေါင်းရင်းမြစ်များ

YESAYA 44:6

Nagawan Indo Mondok Amawi Worak Isarael nap nggetlel onposo Nagawan Indo iri na-nen yid wene-ge yu-o: ”Mbal Pem Nagawan misiget an narik nak tel koroso min woroksiyem min-nen yusu-o. Mbal pem nagawan erep mbi mondok worasu bug-o.

MIKA 5:2

Iri kwarak me, Nagawan Indo-nen-e at ilirag-e keya nak unpuwama, it unuwim nap-nen tebel unpuruk irit worakmu, amawi worak nap iri na ija kwat mag-o luk lenak pidnak iri na-nen-e amawi worak nap iri na ndet ubuwama, at elem nap mbo inpidnak sa worali ereba na-ge it enlem ereba na inmin tuguruk misiget tak unpuwa-o.

YOANES 17:5

Neid wa-e! Nggweyak yu ndak wirigit lak ma-nen kat kimin woralat an nunu kek tak woraso iri na bem yawo-nen kat kinmbiri bem an nunu kek tak pi-o.

YOANES 8:58

Yak togolikma-ge, Yesus-nen it yak ondosolar-e: ”An-e ndemeret yak kundusu-o. Abaram na ndet yigit lak ma-net an-e woraso-net yusu-o” luk yij-o.

YIDNAK YIDNAK WENE 17:28

’At ebem-nen nunluk woragolat, nuntugup worak woragolat yili-o.’ Kit-nen idnak ndawi engga mbarugwi nap-nen na iri nggal yogolar-e: ’Nit na at-nen wigal ninpidnak-nen yili-o’ luk yiga-o.

1 KORINTUS 8:6

nit nenmanggim-e Nineid Mbal Pem Nagawan misiget nak, yi mende ndi mende pidsa ndak wirid nap, at ariget nak worasu me, at amanggim-e nir-e worali-o. Nde, nit nenmanggim-e Nagawan Indo misiget nak, Yesus Kerisut iri-ge yi mende ndi mende pidsa ndak wirid nap at ebem-et nir-e worali-o.

KOLOSE 1:15

Kerisut na-ge kagwi buk Mbal Pem Nagawan na abage-net yusu-o. Ndak worak pidnak tengge oboksa-ge teberak-nen yusu-o. Nde, at Ambara manggu iri perak nde mondok kek tak-nen yusu-o.

IBERANI 1:3

At Ambara iri-ge Mbal Pem Nagawan kektak woraso abinal-net yusu-o. Ambara iri-ge Mbal Pem Nagawan abage ndak worak-net yusu-o. At ene amawi bem-nen yi mende ndi mende oboksa yogo buruk worasu-o. At iri-nen-e ap-nen meya yogolat woraidnak oboksa marak purug-e, aid arem woraso Amawi worak Mbal Pem Nagawan na inggi kigit nggwe kore yij-o.

IBERANI 13:8

Yesus Kerisut-e tono-n na irit, yawo-n na irit, abok woralik nalik worasolat-nen na irit, nin yoso buk, iri na-t woraso-nen yusu-o.

NAM PARA WENE 1:11

Ene iri-nen yosolar-e: ”Kat-nen kasu mende iri engga bem mbari-o. Lambuk tak inpidnak nap o tuju yu endam pil mbiri-o: Epesus min Simirina min Peregamus min Tiatira min Sarandis min Pilandelpia min Laorikia min endam pil mbiri-o” luk yij-o.

NAM PARA WENE 1:17

Nde, an-nen at yik kaginggal-e, ap wat yidnak nggal luk, at eralu mbud yigi-o. Alat nde, at-nen at inggi kigit nggwe-nen an tena nuburuk, yak norosolar-e: ”Kwiye kasu meyog-o! An-e tel koroso min woroksiyem min-nen yusu-o.

NAM PARA WENE 1:8

Nanduk na woraso, yawo na worasu, abok na wolma nap, Mondok Amawi worak Nagawan Indo Mbal Pem Nagawan-nen yosolar-e: ”An-e Tel Koroso min Woroksiyem min-nen yusu-o” luk yij-o.

NAM PARA WENE 2:8

”Simirina woragwi lambuk tak inpidnak nap-nen idnak aid nap amanggim-e yu nggal mbari-o: Nde, wene yu-ge at tel koroso min min woroksiyem min, wat lug-et nde, tuguruk uruk yidnak nap iri na-nen yidnak wene-o.

1 SEMUEL 2:8

Andi bandi arem-nen insilobulo lak nap mendak onposolat, anggun panggun arem-nen ap unnu lak nab-e wisirik onposo-o. It iri-ge ap enlem kek tak iri na annggamtak onposolat, kek tak unpugwi kwarak onposo-o. O nggweyak yu paro-ge Nagawan Indo arengge-net yusu-o. Nde, paro iri na bem-e o yu ndak worak pij-o.