KOLOSE 1:13 - Nanduk Ngget Tul Pidnak Wene

¹³ At-nen-e ndamuk inggem-nen weserak nunpuruk, at Ambara abuwa worak-nen tenagaidnak wi ninpil lobok yij-o.

KOLOSE 1:13 ပူးပေါင်းရင်းမြစ်များ

YESAYA 42:1

Nagawan Indo-nen yosolar-e: ”An ndegel noboso nap an-nen tena buruk woraso, an-nen lenak pigi, an nalen tak poso-ge yu-o. At-nen-e ap enlem oboksa mot mot kwarugwi wene yak indil mburuwakluk, an-nen an nindi at ebem pukmu-o.

YESAYA 53:12

At na ondomok indi-net iminep wisirik puruk, meya yoso nap nggal kwat yamu-o. At-nen-e ap kwarat-nen meya yidnak wanosolat, it meya yidnak amberam tak puwakluk tepan enmanggim yamu-o. Iri bem-nen an-nen ap kwarat we at wok tukmu-o. Nde, ap lud tak mot mot nak kwarugwi nap-nen wanugwi ereba na-ge at min-et it inmin lambuksa winde ma-o” luk yij-o.

YESAYA 60:2

O yu-ge ndamuk-nen muruk tak puruk worasu-o. Ap enlem oboksa-ge muruk tak unpuruk worasu-o. Alat nde, Nagawan Indo eyaya-ge kit kenanggul pem kenangga pil wuma-o. Nagawan Indo woralat-nen eyaya yoso-ge kit kenanggul pem nam yuwa-o.

SAKARIA 9:9

Sion woragwi nap wa-e. Kenalin kenalen mber-o! Yerusalem woragwi nap wa-e. Kenalen-nen kinni kenne mber-o! Yik ker-o! Kit-nen idnak nagawan-e ombol nggwe luk lobok yusu-o! At iri-ge mot mot nak kwaroso nagawan inmiri yoso elem waruk lobok yusu-o. Alat nde, ar-e indi teberak pem-et wok yosolar-e, kelerai awo mendaso mbi ebem koreluk lobok yusu-o.

MATIUS 17:5

Nde, Peterus-nen wene iri yosoma ereya na-net yaya worak nggan nggan iri arem-nen ene mbi-nen yosolar-e: ”At yu-ge an Nambara abuwa worak-nen yusu-o. At ebem-e an nalen kasu-o. At ene nak koler-o!” luk yij-o.

MATIUS 25:34

Iri luk, Nagawan na-nen at inggi kigit nggwe wolma nap na yak ondosolar-e: ’An Neid-nen imbiringgat tak kinpid nap wa-e. Lobok yer-o. Nggweyak ma yu me ndak wirid kuri-nen kit kenmanggim lid lud tak pidnak nagawan-nen tenagaidnak wi yu winde yil lobok yer-o.

MATIUS 3:17

Iri lug-e, ene misik aid arem-nen pil mbuwasolat-nen yosolar-e: ”Yu-ge an Nambara nindi kundik-nen yusu-o. At ebem an nalen kwarat yusu-o” luk yosola, kuliga-o.

LUKAS 13:24

”Tumende mboronggo iri me nggurak pem-e kenmawi ler-o. An yak kendeyeg-o. Ap kwarat-nen-e ngguwokluk yuwa-t nde, nggurag-e meya ma-o.

LUKAS 22:53

An-e pempa kit kennggenggerak Mbal Pem Nagawan ama woraso-t nde, kir-e tena nibigit lak yigeb-o. Alat nde, yawo-ge kit-nen idnak tarem min ndamuk ombo-nen amawi yurak tare min-nen yusu-o” luk yij-o.

YOANES 17:24

Neid wa-e. An lena wok nirigen nab-e an kek tak woraso na kujwakluk, an woramin sa it na iri me totno wolmomtak perasu-o. Nde, an-nen kek tak woraso iri-ge nggweyak yu awo ndak wirigit lak ma, kar-e an nabuwa kasolar-e, wok nirigen nar-o.

YOANES 3:35

Eid nen-e at Ambara abuwa karug-e, yi kwarurak ndi kwarurak pidsa Ambara inggem nak pamu-o.

YOANES 5:24

An-e ndemeret yak kundusu-o. An-nen yidnak wene kuluruk, an nibil lobok yidnak nap ebem indi angin tubu yuwa nab-e, unlug-et woralik nalik wolmomtak elem-e mondok wanarik worasu-o. Iri yidnak nab-e wat yugwi elem tena woraidnak keya buruk, unlug-et wolmomtak elem wanidnak me, at ebem-e wene mbi mbaruwa bug-o.

YIDNAK YIDNAK WENE 26:18

It enlengen kuwarak pugunmu-ge, it-nen ndamuk arem-nen nden karuk, yaya ambigit nggwe lobok yogolat, Sere inggiyapma-nen Mbal Pem Nagawan ambigit nggwe lobok yogola-ge, it meya yidnak iri-ge an-nen namberam tak posola, an nebem inndi angin tubu yidnak pem korak inpidnak nap inmin lambuk makluk, endam wirik kibimin irir-o’ luk yak nirij-o.

OROMA 14:17

Nde, Mbal Pem Nagawan-nen tenagaidnak wi-ge nunggwi mende min yi min erep kundig-e lag-o. Are, Konak Indi-nen wok ondoso luk tak nak kwarugwi elem min yamuksa woragwi elem min enalin enalen kagwi min erep kundik-nen yusu-o.

2 KORINTUS 11:14

Iri kwatli iri bem-e wi yurak pug-o. Sere-nen na eyaya worak aid nap nggal kwat yoso-o.

2 KORINTUS 4:4

It inndi angin tubu yili buk nap inndi erengen-e nggweyak ma yu tena woraso nagawan-nen ngguru rak pidnak me, it-nen-e Kerisut kek tak woraso wene aid wene eyaya na kudtag-e meya-o. Kerisut iri-ge Mbal Pem Nagawan abage worak-nen yusu-o.

EPESUS 1:6

Mbal Pem Nagawan-nen we wok ondoso elem abinal worak iri bem na, at Ambara abuwa worak iri na ebem—nen we wok nindid iri bem na at erembel wanuwog-o.

EPESUS 4:18

It inndi na ndamuk, ir-e enaru buk woragolat, inndi tulubuk kerep nggal woragwi iri-nen ndowaga ir-e Mbal Pem Nagawan imin kundik woragit lak, nuruk tak woragwi-o

EPESUS 5:5

Kit-nen ”Iri-ge ndemeret wene-o” luk peragolat wolmomtak wene-ge yu-o: Mbabi yugwi nap min kop kap tobok tak woragwi nap min ukwe ukwe yugwi nap min (Nde, ukwe ukwe yugwi iri-ge kugiwak erembel wanugwi nggal-nen yusu-o) iri kwarugwi nab-e Kerisut min Mbal Pem Nagawan min-nen tenagaidnak wi-ge winde ma bug-o.

EPESUS 5:8

Nde, nanduk kir-e ndamuk woraigeb-et nde, yawo-ge Nagawan Indo ebem yaya worali-o. Iri bem-e, yaya ilirak-nen kwarugwi nggal-et kwarogolat wolmer-o.

EPESUS 6:12

Nde, nir-e ki nap inmin wim mbatli-ge lag-o. Are, amawi worak oboksa min amawi min nggweyak ma ndamuk yu tena woragwi nagawan min teram woraso amawi worak inndi meya min it iri inmin-et nir-e wim mbatli-o.

1 TESALONIKA 2:12

Mbal Pem Nagawan-nen tenagaidnak wi min at unu kek tak pidnak min at totno wanobok-nen wene mbo kinpid Mbal Pem Nagawan na alen tak pobokluk-nen nit-nen-e nggomo kondogolat, keneyak marogolat, kiri keresa yak kondogolat yige-o.

IBERANI 2:14

Nde, ”nilirag-o” luk inmin yid nap ereba na-ge, ki nap enaboro nde eneyabi nde worak-net yili me, Yesus-e it enaboro worak yid iri bem-e ki nap enpage worak irit woragaij-o. Iri yid iri-ge Yesus wat yosolat-nen-e wat yugwi elem tena woraso Sere amawi na urugwe nggwe rak peyekluk-nen wat yij-o.

1 PETERUS 2:9

Alat nde, kir-e len kinpidnak nap elem yogolat, nagawan-nen idnak tepan ombo yogolat, marale elem yogolat, Mbal Pem Nagawan ondomok ilirak yogolat yili-o. Ndamuk arem-nen at eyaya kwiye worak arem nggobokluk, Mbal Pem Nagawan-nen wene mbo kunpuruk, len kinpid iri-ge at-nen kwiye worak kwaroso wene iri na tomborobokluk, wene mbo kinpij-o.

2 PETERUS 1:11

Iri kwarak woragola-ge, Nenagawan Indo Ninmiri Yoso Yesus Kerisut-nen tenagaidnak wi, pem-et woralik nalik wolmomtak wi iri me nggurak nap ndak tak kunpuwa-o.

1 YOANES 2:8

Iri nde, mbal kundusu wene yu-ge imiri mbarak pidnak wene ngget-nen yusu-o. Wene ngget yu-ge Kerisut ebem-nen na, kit kenpem-nen na, yu-ge ndemeret wene-nen yusu-o luk yenggerak pili-o. Ndamuk na lak yosolat, ndemeret yaya-ge yaya rak pusu-o.

1 YOANES 3:14

Nde, nennggamirak enabuwa kali iri bem-nen nir-e wat yugwi elem keya buruk, nunlug-et wolmomtak elem tenaige-o luk nenaru yili-o. Ap enabuwa kaso buk nab-e wat yugwi elem arem iri na-t worasu-o.

1 YOANES 3:8

Nde, Sere na-ge nanduk nanduk-net meya nak kwat tenak woraso me, meya nak kwat tenak woragwi nab-e Sere ilirak-net yili-o. Nde, Sere-nen kwaroso iri na lak tak peyekluk Mbal Pem Nagawan Ambara na nggweyak ma yu me lobok yij-o.