WENE MBENARUGWI NAP-NEN KWARIDNAK WENE 9:6 - Nanduk Ngget Tul Pidnak Wene

⁶ Undurug-e, Sikem woragwi nap min Mbet-Milo woragwi nap min oboksa ndok wirigarig-e, aye kagwi e terepentin Sikem worasu iri na me mbirigarik, Abimelek na-ge it nagawan tak ibiga-o.

WENE MBENARUGWI NAP-NEN KWARIDNAK WENE 9:6 ပူးပေါင်းရင်းမြစ်များ

1 NAGAWAN NAGAWAN-NEN KWARIDNAK WENE 12:1

Nde, Isarael nap abare abam (utara) nggwe woragwi ereba na-ge Ereabeam nagawan mendak purak pem yik karok Sikem iri me ndok worak woragola karuk, Ereabeam-e Sikem mbirij-o.

1 NAGAWAN NAGAWAN-NEN KWARIDNAK WENE 12:20

Nde, Isarael nap-nen kuliganggal-e: ”Yerobeam na-ge Mesira-nen tuguruk lobok yij-o” yogola kulurug-e, misik me wene mbarogolar-e, at yonggo puruk, Isarael nap enanggul pem irit nagawan mendak piga-o. Nde, it enlem Yewura nap-nen perak Ndaut-nen wigarak nagawan ereba na tugup lak enne nak kologolat woraiga-o.

1 NAGAWAN NAGAWAN-NEN KWARIDNAK WENE 12:25

Yerobeam iri na-ge Isarael nap nagawan men lug-e, Eperaim nap unuwi nggweyak ndobo worak nggwe o Sikem iri na me-t o siri-ge amawi rak pij-o. Amawi rak purug-e, luru iri na me-t woragij-o. Woraruk, iri na me-nen mberarig-e, o siri Penuel iri me-t amawi rak pij-o.

YOSUA 24:26

Imiri mbarak pidnak wene min enpem pidnak wene min ereba na-ge Mbal Pem Nagawan-nen idnak imiri mbarak pidnak engga iri na arem mbarij-o. Iri lug-e, at-nen kerep nggok misik wanarig-e, Nagawan Indo amanggim lenak pidnak ondoro iri na me e nggok iri na indipma sindik pij-o.

WENE MBENARUGWI NAP-NEN KWARIDNAK WENE 9:5

Iri lug-e, eid woraso sa ama Opera mbirij-o. Mberarig-e, iri me-nen kerep misik pem-e owe owot Nggireyon ambararak ap enpe tuju pulu (70) ereba na-ge mondok oboksa indij-o. Alat nde Nggireyon ambara labo Yotam iri nak perak nde kwiye kurak yidnak me, wirigit lag-o.

WENE MBENARUGWI NAP-NEN KWARIDNAK WENE 9:7

Iri rak pidnak wene iri na kulurug-e, Yotam na-ge Ndobo Nggerisim anggul pem lagarik, mendak woralar-e, ap ereba na enambigit nggwe ene mbo bil mborosolat-nen yosolar-e: ”Sikem nap wa-e. Mbal Pem Nagawan-nen kit kenne kuluwaklug-e, an-nen yimin wene yu kwara koler-o!