WENE MBENARUGWI NAP-NEN KWARIDNAK WENE 9:20 - Nanduk Ngget Tul Pidnak Wene

²⁰ Alat nde, we kenaboro nak-nen nde kwatli ala-ge, Abimelek ebem-nen kanduk wasolar-e, Sikem woragwi nap min Mbet-Milo woragwi nap min oboksa kanduk-nen nok kunpuwag-o. Iri-nen Sikem min Mbet-Milo min enpem-nen kanduk wasolar-e, Abimelek nok ubuwag-o” luk yij-o.

WENE MBENARUGWI NAP-NEN KWARIDNAK WENE 9:20 ပူးပေါင်းရင်းမြစ်များ

WENE MBENARUGWI NAP-NEN KWARIDNAK WENE 7:22

Nde, iri yogola-ge, Nggireyon min at-nen idnak san ombo inmin-e kum pugwi terompet ene nak pu yogolat woragola-ge, Nagawan Indo-nen kwat onposolar-e, wim nap yeba na-ge yalawi bem it nak wat kerak mborogolar-e, Serera ambigit nggwe Mbet Sita wok, o Tabat koroga o siri Abel Meola ereba nggwe-t kwiye mbiriga-o.

WENE MBENARUGWI NAP-NEN KWARIDNAK WENE 9:15

e isile worak iri na-nen onggo yosolar-e: ’Kit-nen nde ndemeret an-net kit kennggendumu nagawan tak nubugup ala-ge, kit oboksa lobok yogolat, an nindipma nak nggwer-o. Nde, kit-nen an nindipma nggurak kinsili ala-ge, an nondogal pem nisile yeba arem-nen kanduk wasolar-e, e aras Libanon woraso yeba-ge oboksa kan nujwa-o” luk yij-o.

WENE MBENARUGWI NAP-NEN KWARIDNAK WENE 9:19

Kit yawo kwatli yu nde kinndi mbektak pem-et konag-et an neid min at ama woragwi nap min kwat onpogolat nggal-nen-e ob-et nde, kenalen-e Abimelek ebem pogolat, at-nen na alen-e kit kenpem posolat kwat tenak wolmer-o.

WENE MBENARUGWI NAP-NEN KWARIDNAK WENE 9:21

Iri yosoluk yarig-e, Yotam na-ge owe Abimelek aye-nen mberarik, o Mbet iri me woragij-o.

WENE MBENARUGWI NAP-NEN KWARIDNAK WENE 9:6

Undurug-e, Sikem woragwi nap min Mbet-Milo woragwi nap min oboksa ndok wirigarig-e, aye kagwi e terepentin Sikem worasu iri na me mbirigarik, Abimelek na-ge it nagawan tak ibiga-o.