WENE MBENARUGWI NAP-NEN KWARIDNAK WENE 9:18 - Nanduk Ngget Tul Pidnak Wene

¹⁸ Alat nde, kir-e nden karuk an neid ama woragwi nap inmin eyak worogolar-e, ambararag-e misik tarem-et enpe tuju pulu (70) ondoro kerep misiget iri na bem nak indigeb-o. Nde, Abimelek iri-ge an neid ambara-t nde, ndegel oboso kwe-nen nderak yu na-t nde, kit-nen-e kenmbara kenenggetma iri bem nak-nen Sikem nagawan tak ibigeb-o.

WENE MBENARUGWI NAP-NEN KWARIDNAK WENE 9:18 ပူးပေါင်းရင်းမြစ်များ

WENE MBENARUGWI NAP-NEN KWARIDNAK WENE 8:35

Iri-nen Nggireyon-nen Isarael nap konak nak kwat onposolat woragid ereba na onggo-ge Nggireyon ama woragwi nab-e konak nak kwat inpigit lag-et yiga-o.

WENE MBENARUGWI NAP-NEN KWARIDNAK WENE 9:14

Larok nak yogola karug-e, e isile worak iri na yak togolar-e: ’Kar-et nit nennggendumu nagawan kwat min-o’ yak togola-ge,

WENE MBENARUGWI NAP-NEN KWARIDNAK WENE 9:17

Kinndi yebet ker-o. Mirian nap ininggiyapma-nen wisirik konposolar-e, ar-e mondok iminep wisirik puruk amawi kondosolat woragid iri nar-o.

WENE MBENARUGWI NAP-NEN KWARIDNAK WENE 9:19

Kit yawo kwatli yu nde kinndi mbektak pem-et konag-et an neid min at ama woragwi nap min kwat onpogolat nggal-nen-e ob-et nde, kenalen-e Abimelek ebem pogolat, at-nen na alen-e kit kenpem posolat kwat tenak wolmer-o.

WENE MBENARUGWI NAP-NEN KWARIDNAK WENE 9:2

”Sikem woragwi nap oboksa kin wok enper-o. Nggireyon ambararak tuju pulu (70) oboksa-nen nagawan nak wolmomtag-e op, lak? Are, misiget nak-nen nagawan wolmomtak ob-a?” yuruk, inndi yenggerak posolat-nen yosolar-e: ”An-e kit kenmbara-net yusu-o” luk yak indij-o.