WENE MBENARUGWI NAP-NEN KWARIDNAK WENE 9:15 - Nanduk Ngget Tul Pidnak Wene

¹⁵ e isile worak iri na-nen onggo yosolar-e: ’Kit-nen nde ndemeret an-net kit kennggendumu nagawan tak nubugup ala-ge, kit oboksa lobok yogolat, an nindipma nak nggwer-o. Nde, kit-nen an nindipma nggurak kinsili ala-ge, an nondogal pem nisile yeba arem-nen kanduk wasolar-e, e aras Libanon woraso yeba-ge oboksa kan nujwa-o” luk yij-o.

WENE MBENARUGWI NAP-NEN KWARIDNAK WENE 9:15 ပူးပေါင်းရင်းမြစ်များ

NDAWI ENGGA 104:16

Nagawan Indo-nen idnak e-ge talme kwarat ebem mbosolat, nde, e semara Libanon woraso-ge Nagawan Indo ondomok-nen yagij-o.

YESAYA 1:31

Kanduk tinggiringgi mbara mborosolat, wiringga umbuk kan pagoso iri na nggal, ap enmawi worak kek tag-e it ondomok-nen meya kwarugwi ereba na-net lak tak unpuwa-o. Nde, iri kwasa lak tak unpuwa iri na-ge ap misiger-o luk-nen mbi nuguruwa bug-o.

YESAYA 30:2

It Mesira mborogolar-e, an nindi peragit lak ma-t nde, it inndi nak-nen mbitli-o. It-nen-e ’Mesira nagawan iri-nen yongga nunduwa-o’ luk perarug-e, inndi-ge at ebem nak wat tak pili-t nde,

NDANIEL 4:12

Nde, e iri na-ge angga na miri irit mborosolar-e, engen na kwarat iri yij-o. Nde, engen-e yi wi ndi wi woragwi oboksa-nen norak ndak irit yij-o. Lok lok noso urugup worak erengen kege-ge e iri na indipma mbiringgik worasolat, nde, towe-ge inggi angga bem uwi worosolat, nde, urugup worak oboksa-ge engen ereba na nasolat irit kwarij-o.

OSEA 14:7

Nde, it iri-ge yak yoso mende isit pud arem mborosolat worasu ereba na nggal wigak yogolat, it enpage konag-e e saitun nggal woragolat, unpubu emben-e e libe ububu emben nggal-nen yusu-o.

MATIUS 13:32

Sawi uwi-ge e kujo uwi nggal mondok marik komosa-t nde, iri na tup yosolar-e, erep ereba na ari-ge nggulog-et nde, sawi na ari-ge terak mena mondok nggulok laso-o. Lasoma-ge, ari mot me, towe lobok yosolar-e, inggi bem uwi woroso-o” luk yij-o.

WENE MBENARUGWI NAP-NEN KWARIDNAK WENE 9:14

Larok nak yogola karug-e, e isile worak iri na yak togolar-e: ’Kar-et nit nennggendumu nagawan kwat min-o’ yak togola-ge,

WENE MBENARUGWI NAP-NEN KWARIDNAK WENE 9:16

Wene iri na yosoluk yarik, Yotam-nen wene erep min-et yosolar-e: ”Abimelek nagawan tak obogolar-e, mondok kinndi mbektak pem-et konag-et kwarigeb-a? Kit-nen iri kwarigep iri-ge an neid Nggireyon min at elem nap min-e konag-et kwat inpigep, lak? An neid-nen konak kwat konposolat kwiye worak kwarid ereba na-ge onggo-ge kwat ibigep, lak?

WENE MBENARUGWI NAP-NEN KWARIDNAK WENE 9:20

Alat nde, we kenaboro nak-nen nde kwatli ala-ge, Abimelek ebem-nen kanduk wasolar-e, Sikem woragwi nap min Mbet-Milo woragwi nap min oboksa kanduk-nen nok kunpuwag-o. Iri-nen Sikem min Mbet-Milo min enpem-nen kanduk wasolar-e, Abimelek nok ubuwag-o” luk yij-o.