WENE MBENARUGWI NAP-NEN KWARIDNAK WENE 8:27 - Nanduk Ngget Tul Pidnak Wene

²⁷ Wok tikma-ge, Nggireyon-nen-e emas ereba na bem kugwiwak ut mimirik misik ndak wosa at uwi silmu Opera iri me pij-o. Ndak wosa bamu Isarael nap oboksa-nen mborogolar-e, kugwiwak ndak worak iri na erembel wanogolat woraiga-o. Iri yogolar-e, Mbal Pem Nagawan-e meme rak piga-o. Iri-nen ndowaga Nggireyon min at ama woragwi inmin-e enare burak irit kwat yij-o.

WENE MBENARUGWI NAP-NEN KWARIDNAK WENE 8:27 ပူးပေါင်းရင်းမြစ်များ

NDAWI ENGGA 73:27

Kat keya kibili nab-e mondok lak ma-o. Kat-nen-e tugup lak kat-nen yidnak yidnak kwatli buk nab-e lak tak unpusu-o.

MBIRIGA WENE 23:33

It-nen kek tak pugwi unkugwiwak ereba na kit-nen erep wanogolat, an nimin meya yugup naru, it iri-ge kit woragwi sa-ge mondok keya unpurak pug-o. Kit-nen nde it unkugwiwak erembel wanogolar-e, mondok kenare pugub-o” luk yij-o.

MBIRIGA WENE 32:4

Pil lobok yogola, Arun nen eneyanggo sumbanok emas ereba-n wanarig-e, kan ma woraburuk, yi nggal kwat yosola, sapi nggal ndak wosa labuk yoso sa iri na me pil nggwamu, emas-nen konidnak sapi misik ndak wosa labuk yij-o. Iri ala it-nen yogolar-e: ”Isarael nap wa-e. Yu-ge Mesira-nen lit nunpuruk lobok yid Nenmbal Pem Nagawan-e yur-o” luk yiga-o.

MBIRIGA WENE 34:16

Kit kinlirak-nen nde erem nin kweyap wanogola-ge, onkwerak-nen ndowaga an keya nuburuk it unkugwiwak nde erembel wanuwa-o.

YESAYA 8:20

Yogola, kat-nen it yak ondosolar-e: ”Nagawan Indo-nen yidnak yu kwara koler-o! Ap nde Nagawan Indo-nen yidnak wene iri na ndak ndak nde yigit lak yuwa nab-e abog-e wolma bug-o” luk yak indi-o.

OSEA 2:2

Nagawan Indo-nen yosolar-e: ”Nilirak wa-e. Kiniya iri-ge yawo-ge an nogwe-ge lag-o. Nde, an-e at un-e lag-o. At iri-ge tuguruk ap inmin mbabi yosolat, ap inmin terak waring kasolat kwaruwa naru, owene mbarer-o.

OSEA 3:4

Iri nggal-et kwasa Isarael nap na kwarat irit woragolar-e, nagawan na ennggendumu lak, it tu lit iniyudtak nap na lak, Nagawan Indo amanggim wosa pugwi na lak, erembel wanurak kerep sindik pigit lak, kugwiwak na lak, abok-nen kwat unpurak nam tak poso mende na lak irit wolma-o.

TUGURUK YIDNAK WENE 12:5

Isarael nap oboksa woragwi sa-nen-e Nagawan Indo Mbal Pem Nagawan-nen-e at eram lobok luk, at erembel wanurak sa ondoro-ge misiget me nak lenak puwa-o.

TUGURUK YIDNAK WENE 7:16

Ap enlem oboksa Nagawan Indo Kenmbal Pem Nagawan-nen waga kininggiyapma rak posola-ge, mondok unduruk lak tak unpurag-o. Enabuwa na yurak puk. It enmbal pem nagawan na mondok erembel wanurak puk. Kit-nen iri kwarogola-ge, iri-nen ndowaga mondok kenare pugub-o.

TUGURUK YIDNAK WENE 7:25

It-nen erembel wanugwi kugwiwak ininggi-nen ndak wosa pidnak mende ereba-ge mondok kan purag-o. Kugwiwak ereba bem panggarak pidnak emas ala na, perak ala na, kit-nen ukwe luk mondok wanurak pug-o. Kit-nen nde wene iri kwid togola-ge, Nagawan Indo ge kugwiwak erembel wanugwi iri-ge mondok isili me, kir-e mondok wat yugub-o.

WENE MBENARUGWI NAP-NEN KWARIDNAK WENE 2:2

Iri bem-e kir-e o yu woragwi nap inmin-e mondok are kundurak pug-o. It unkugwiwak amanggim kan pugwi ondoro ereba-ge mondok mijara keya burag-o’ luk yak kindigi-t nde, kit-nen iri nggal kwarigit lak yogolat, kwarurak puk yigi iri na nde kwatli-o.

WENE MBENARUGWI NAP-NEN KWARIDNAK WENE 2:3

Iri ala karuk, yawo-ge kwara koler-o! Kit-nen yu me woragwi nap inmin wim mbarogola-ge, an-nen na langgara wirik inpimin pug-o. Ir-e kit kunuwim nap kwat ma-o. Nde, kir-e kenare bogola it-nen erembel wanugwi kugwiwak ereba na erembel wanogola-ge, ngonok tak kunpuwa-o” luk yak indij-o.

WENE MBENARUGWI NAP-NEN KWARIDNAK WENE 6:11

Nde, misik tarem-e Nagawan Indo-nen idnak aid nap mbi lobok yarik, o siri Opera wok yij-o. Iri yarig-e enlem Abieset nap Yoas-nen idnak e terepentin iri na indipma koreyak woragij-o. Worala-ge, Yoas ambara Nggireyon na-ge anggut engen amburu mbutlugwi sa iri na me nggandum mbato engen lera mbuwakluk lel tenak woragij-o. Iri kwarid iri-ge Mirian nap-nen kujwa naru mbik mbok kwarosolat woragij-o.

WENE MBENARUGWI NAP-NEN KWARIDNAK WENE 6:24

Yosoloma, Nggireyon-nen-e Nagawan Indo amanggim kan purak ondoro misik konuruk, unu yarosolar-e, ”Nagawan Indo iri-ge mondok yamuksa woragwi elem-nen yusu-o” luk yarij-o. Nde, Nagawan Indo amanggim wam wosa kan purak ondoro konid iri na-ge Abieset nap enma o siri Opera iri me worasu-o.

WENE MBENARUGWI NAP-NEN KWARIDNAK WENE 8:26

Mirian nap nagawan-nen unmuruk yurugwi mende min it-nen yurugwi kiloga sum min it onowam unta urusuwak pem-nen wanidnak ereba na min angin-e wonarigit lag-et nde, emas-nen konidnak eneyanggo sumbanok iri tarem Nggireyon eram piga-ge angin-e duapulu (20) kilo nggal irit wok tiga-o.

WENE MBENARUGWI NAP-NEN KWARIDNAK WENE 8:28

Nde, Mirian nab-e Isarael nap-nen pinik indidnak me, mondok mariget tet sil eneyagit lak woraiga-o. Iri kwasa woragolar-e, Nggireyon uruk worasola, it woragwi sa iri me konak yamuksa woragolar-e, olengen empat pulu (40) woraiga-o.