WENE MBENARUGWI NAP-NEN KWARIDNAK WENE 8:24 - Nanduk Ngget Tul Pidnak Wene

²⁴ Alat nde, abok nggwe-ge Nggireyon-nen yak ondosolar-e: ”Kit-nen wim kugun pem wanidnak emas-nen konidnak eneyanggo sumbanok oboksa an neram nak pil lobok yer-o” luk yak indij-o. (Nde, Mirian nab-e ap nembaga ereba woragwi nap-nen yurugwi nggal emas-nen konidnak eneyanggo sumbanok kwarat puruk woragwi-o.)

WENE MBENARUGWI NAP-NEN KWARIDNAK WENE 8:24 ပူးပေါင်းရင်းမြစ်များ

NDAK WIRIDNAK WENE 24:22

Unta wam ereba na yi imbitsa nasoloma karug-e, Abarakam ndegel oboso nap iri na-nen-e onggo nggok pugwi enabi sumbanok emas posid-nen konidnak mbi wanarik, kwe iri na abirumbun pem ngonoksa yirik pij-o. Nde, emas-nen konidnak manggo nggok mberen-e erabitmu yirik pij-o.

NDAK WIRIDNAK WENE 24:53

Iri luk, sum min unmuruk pugwi mende emas min perak min-nen konidnak enabi sumbanok, eneyanggo sumbanok ereba na-ge kwe Iripka wok turuk, onggo nggok pugwi mende erep min-et ija min kwe iri irid min kenangga wok indij-o.

NDAK WIRIDNAK WENE 25:12

Ismael iri-ge Abarakam ambara Sara ndegel oboso Mesira kwe Agat-nen ndagamu-o.

NDAK WIRIDNAK WENE 25:13

Ismael ilirag-e enpe duabelas irir-o. It unnu yu me worasu ya-ge it ndesa mbidnak ndak ndak obo nit nit mbarag-e yu-o: Nebayot min Kendat min Atmbel min Nipsam min Misima min Nduma min Masa min Andat min Tema min Yetut min Napis min Ketma min irit ndet inpij-o. Nde, it enpe duabelas yu-ge ap enlem duabelas irit onmbo-nen yusu-o. Nde, it woragwi sa o unu-ge it unnu bem para irit yariga-o.

NDAK WIRIDNAK WENE 35:4

Yosoloma-ge, it-nen-e erembel wanugwi mende nin ut memera ndak wosa bidnak ereba na oboksa Yakup eram piga-o. Iri-nen it eneyanggo sumbanok min-et yonggora eram pogola-ge, Yakup-nen-e ereba na oboksa-ge o Sikem siri iri na koroga ereba me e nggok misik indipma yapma bij-o.

NDAK WIRIDNAK WENE 37:25

Mberak pil nggurug-e, it na nunggwi mende nonggolat worakmu-ge, ereya na-net Ismael-nen wigarak Nggileat nggwe-nen Mesira mborogola, eneyaiga-o. Onowam unta wam ereba na ombol pem-e emben worak undurak pugwi mende min anggut engen lerak min onowam unta wam ereba na bem puruk mborogola-ge,

NDAK WIRIDNAK WENE 37:28

Nde, it Mirian nap insilobulo wene wiril nugwi nap ereba na it endam wok yogola-ge, Yusup owerak-nen-e Yusup na-ge yi mbun emnde mbaridnak iri na arem-nen lesa pil luwaruk, Ismael nap enpem at onggo-ge perak posid tol dua pulu irit waniga-o. It insilobulo wene wiril nugwi nap ereba na-nen-e onggo puruk, Mesira wi waruk mbiriga-o.

MBIRIGA WENE 12:35

Iri-nen Musa-nen yak indid iri na ndak ndag-et Mesira nap enpem nggi yogolar-e, unmuruk pugwi mende emas min perak min-nen konidnak min yurugwi sum min nggi yiga-o.

MBIRIGA WENE 32:3

Yosoloma, it ondomok tak eneyanggo sumbanok emas ereba na yonggora Arun eram pil lobok yiga-o.

MBIRIGA WENE 32:4

Pil lobok yogola, Arun nen eneyanggo sumbanok emas ereba-n wanarig-e, kan ma woraburuk, yi nggal kwat yosola, sapi nggal ndak wosa labuk yoso sa iri na me pil nggwamu, emas-nen konidnak sapi misik ndak wosa labuk yij-o. Iri ala it-nen yogolar-e: ”Isarael nap wa-e. Yu-ge Mesira-nen lit nunpuruk lobok yid Nenmbal Pem Nagawan-e yur-o” luk yiga-o.

MBIRIGA WENE 32:8

Ir-e an-nen yidnak wene-ge keya buruk, lugud tak nggwe mborogolar-e, emas omok wosa sapi wam mbi ndak wutluk, kek tak pogolar-e, amanggim wam wosa pogolat-nen yogolar-e: ’Yu-ge Mesira-nen lit nunpuruk lobok yid Mbal Pem Nagawan iri nar-o’ luk yili-o.

WENE MBENARUGWI NAP-NEN KWARIDNAK WENE 8:25

Nde, Isarael nap-nen wene onggo yogolar-e: ”Nab-o. Keram pul-o” luk enalen min-et yak tiga-o. Iri lug-e, sum abak misik yemarak puruk, ap oboksa-nen emas-nen konidnak eneyanggo sumbanok kugun pem wanidnak ereba na waruk lobok yogolar-e, sum abak yemarak iri na me nak perenak woraiga-o.

1 SEMUEL 25:11

An-nen-e an norak oroti min yi min wok ondosolat, an nolomba usu mbarugwi nap enmanggim uno lid lud tak purug-e, ap it woragwi min mondok naru buk yeba mondok wok indimin pug-o!” yij-o.