WENE MBENARUGWI NAP-NEN KWARIDNAK WENE 8:23 - Nanduk Ngget Tul Pidnak Wene

²³ Yogoloma, Nggireyon-nen yosolar-e: ”An-nen kit kennggendumu nagawan wolmomtag-e lag-o. An nambara-nen na mondok lag-er-o. Kit kennggendumu nagawan-e Mbal Pem Nagawan arig-et nak worasu-o” luk yak indij-o.

WENE MBENARUGWI NAP-NEN KWARIDNAK WENE 8:23 ပူးပေါင်းရင်းမြစ်များ

YESAYA 33:22

It-nen idnak yi koma ereba arem yi mende ndi mende lid lud tak pidnak ereba na-ge ebe lak mende nde kwat ma-o. Kona mburuwakluk o wija-nen wat kaso sum ereba na-ge wesera wigak tak purag-e meya ma-o! San ombo ap kere kwarat ereba na enarengge mondok kwarat nit-nen ndena wanogolar-e, ap onowak wat, yidnak woragwi tet ininggem ma-o. Iri tarem-e Nagawan Indo ar-et nennggendumu nagawan kwat yosolar-e, at-nen tena nonposolat, ninmiri yosolat ma-o.

YESAYA 63:19

Kat-nen nit kwat nonposolar-e, kat-nen tena nunpuruk woraso buk nggal tak nonposolat, nit na kat kilirag-e lak nggal nde yik neneyasolat kwarusu-o.

2 KORINTUS 1:24

Nit-nen-e: ”Kinndi angin tubu yili iri na, yu nggal, iri nggal” yak kundul pug-o. Kit kinndi angin tubu yidnak pem-net mondok tugup lak worali-o. Are, kit kenalin kenalen worabok-nen yongga kindili-o.

1 PETERUS 5:3

Nde, kininggem pidnak nap iri na inmin-e kir-e nagawan nggal luk, kenne amawi min: ”Iri kwarer-o. Yu kwarer-o” yurak pug-o. Are, Mbal Pem Nagawan olomba mirik unpurak pem kit kenpage konak irit kwat mer-o.

WENE MBENARUGWI NAP-NEN KWARIDNAK WENE 2:18

Nagawan Indo-nen nde Isarael nap ennggendumu it lit eneyaruk nurak nap nde lenak unpurug-e, Nagawan Indo-nen-e at-nen lenak pidnak nap iri na-t yongga worosolat woragij-o. Lit unpuruk nurak nap lenak pidnak iri na uruk worala-ge, Nagawan Indo-nen-e Isarael nab-e pempa unuwim nap ininggiyapma-nen wisirik onposolat woragij-o. Nde, it yemndak unpuruk woragolat anggun panggun tak onpogola, yane witli ereba na kulurug-e, Nagawan Indo-ge enabuwa-t kasolat woragij-o.

WENE MBENARUGWI NAP-NEN KWARIDNAK WENE 8:22

Iri luk, Isarael nap-nen Nggireyon yak togolar-e: ”Kar-e Mirian nap ininggiyapma-nen wisirik ninpidnak me, kat na irit kat-nen wigarak na irit pempa nit nennggendumu nagawan wolmer-o” luk yak tiga-o.

1 SEMUEL 10:19

An-nen-e kit yane wurugwi min andi bandi kagwi min oboksa arem-nen wisirik konposo-t nde, kit yawo-ge an-nen nagawan misik kennggendumu lenak purak nggi yak norogolat, Kenmbal Pem Nagawan an-e keya nibili-o. Iri ala ge, ob-o. Yawo-ge kit-nen idnak Nagawan Indo an neram kenlem lombok ndok werer-o’ yij-o” luk yak indij-o.

1 SEMUEL 12:12

Alat nde Amon nap nagawan Nas-nen kit kenpem kore yurak iri-ge karug-et nde, kir-e kit tena kunpuruk woraso Nagawan Indo iri na keya buruk, kit-nen yak norogolar-e: ’Nir-e nagawan-nen tena nunpuruk wolmomtak perak nindingen-o’ luk yigeb-o.