WENE MBENARUGWI NAP-NEN KWARIDNAK WENE 7:22 - Nanduk Ngget Tul Pidnak Wene

²² Nde, iri yogola-ge, Nggireyon min at-nen idnak san ombo inmin-e kum pugwi terompet ene nak pu yogolat woragola-ge, Nagawan Indo-nen kwat onposolar-e, wim nap yeba na-ge yalawi bem it nak wat kerak mborogolar-e, Serera ambigit nggwe Mbet Sita wok, o Tabat koroga o siri Abel Meola ereba nggwe-t kwiye mbiriga-o.

WENE MBENARUGWI NAP-NEN KWARIDNAK WENE 7:22 ပူးပေါင်းရင်းမြစ်များ

1 NAGAWAN NAGAWAN-NEN KWARIDNAK WENE 19:16

Iri nggal-et Nimsi ambara Yegu iri-ge Isarael iri me nagawan mendak posolat, anggul pem amburu kilik purag-o. Nde, o Abel Meola nap Sabat ambara Elisa iri-ge kat kondolma an nene lomboksa yoso nap makluk, amburu anggul pem-et kilik purag-o.

YESAYA 9:3

Nagawan Indo wa-e. Kat-nen enalin enalen elem nggok irit wok indigen-o. Kat-nen enalen tak posola, enalen-nen enne nggu lek kagolat worali-o. Kat-nen konak kwat onposo bem enalen kali-ge yagidnak mende ndakolat tarem enalen kagwi nggal, kugun pem wanidnak mende tomborogolat-nen enalen kagwi nggal irit enalen-e kagolat worali-o.

YESAYA 9:4

Kat-nen it-nen angin worak kud turuk nugwi ereba na nggosa keya bosolat, sum angin worak unndugun pem kud tugwi ereba na nggwirik posolat yigen-o. Kat kilirak enarengge ondoro rak pogolat, anggun panggun tak unpugwi nab-e kat-nen urugwe nggwe rak inpigen-o. Iri kwat inpigen iri-ge, nanduk Mirian nap urugwe nggwe rak inpigen iri na nggal-et kwat inpigen-o.

ABAKUK 3:14

Wim nap kere ereba-ge o wija amawi nggal-et nit ndibi ndi rak nenpeyekluk lobok yukmu, it-nen idnak san ombo onowe iri na-ge kat kamare-nen mbiringin tak pigen-o. Nde, mbik mbok ap enarengge lak nab-e lel mberel onpogolat, enalen kagolat, nda tili nggal-et ir-e enalen pem-et nda tili-o.

2 KORINTUS 4:7

Alat nde, onggo nggok mende iri na-ge ndangen nggweyak-nen konidnak yimbe nit nenarem worasu-o. Iri worasu iri-ge amawi kwarat lombok iri na-ge nit-nen idnak amawi-ge lag-o. Are, Mbal Pem Nagawan-nen idnak amawi-o luk nam makluk-nen yusu-o.

YOSUA 3:16

ereya na-net yi ombolwak na-ge mbuguksa labuk yij-o. Iri yosolar-e, yi urusu nggwe-ge yi-ge o siri Saran eralu ponok nggwe o siri Aram iri me yenggera labuk yij-o. Nde, umbut nggwe mbuguksa mbirid iri na-ge Wat Yoso Yi Koma arem nggoso-t nde, umbut nggwe abu mondok eberek yij-o. Iri kwasa ogorak nggilara labuk yamu, Isarael nab-e o Yeriko ndik pindik iri na nggwe ndil laiga-o. Ndil lagola-ge, tepan omborag-e urul pidnak labu mbarak kudsa iri na-ge yi ma iri na-t mendak worakmu, Isarael nap nggaruksa ndil lagola-net ndil laiga-o.

YOSUA 6:16

Tuju bem tak pogolat, iri tarem tepan ombo-nen terompet poba ene yogola, Yosua-nen ap ereba na oboksa yak ondosolar-e: ”Nagawan Indo-nen o siri yu-ge kininggem kegera pusu me, mondok kenne nggoksa kek kok mbak lel ker-o.

YOSUA 6:20

Yak ondosoloma-ge, tepan ombo-ge terompet poba ene yogola, Isarael nap-nen kulurug-e, mondok kek kok nak lel kagola-ge, Yeriko kerep pak leget iri na-ge nggilara ngguru ngguru mbij-o. Iri yosola-ge, Isarael nap oboksa-ge mondog-et nggogolar-e, o siri iri na-ge mondog-et waniga-o.

YOSUA 6:4

Nde, tepan ombo tuju iri-ge terompet poba tuju tenasa nandug-et mborogola-ge, urul pidnak wene labu mbarak iri na waruk inmbirik nurag-o. Nde, tuju bem tak pogolar-e, iri tarem-e kat min kesan ombo inmin-e o siri iri tuju bem-et wangget kagolar-e, tepan ombo-ge terompet poba ene yil yil wangget kudtag-o.

1 SEMUEL 18:19

kwe Merap iri na Ndaut wok turak tarem-nen-e lugudsa Meola nap Andiriel nde wok tij-o.