WENE MBENARUGWI NAP-NEN KWARIDNAK WENE 7:20 - Nanduk Ngget Tul Pidnak Wene

²⁰ Iri kwarogola-ge, it kere mberen ereya na-nen na iri nggal-et kwariga-o. Iri kwarogolar-e, ininggi kware nggwe-ge tal pago tena, nde, ininggi kigit nggwe-ge kum pugwi terompet tenaga woragolar-e: ”Yalawi-ge Nagawan Indo min Nggireyon min eneyalawi-o” luk kek kok mbak lel kaiga-o.

WENE MBENARUGWI NAP-NEN KWARIDNAK WENE 7:20 ပူးပေါင်းရင်းမြစ်များ

1 KORINTUS 15:52

Enlengen sambok yili nggal, worok tak posolat posid poba ene yosola-ge, ereya na-net nin nggal tak nunpuwa-o. Posid poba iri ene yosola-ge, wat yidnak nab-e piri yoso buk irit kwarak mendak onposolat, nit pidsa na nin tak nonposolat ma-o.

2 KORINTUS 4:7

Alat nde, onggo nggok mende iri na-ge ndangen nggweyak-nen konidnak yimbe nit nenarem worasu-o. Iri worasu iri-ge amawi kwarat lombok iri na-ge nit-nen idnak amawi-ge lag-o. Are, Mbal Pem Nagawan-nen idnak amawi-o luk nam makluk-nen yusu-o.

1 TESALONIKA 4:16

Nagawan Indo ar-et aid arem-nen mbuwasola ereya na-net aid nap nagawan-nen ene nggoksa yosolat, Mbal Pem Nagawan obosid poba ene yasolat ma-o. Nde, Kerisut ebem inndi angin tubu luk wat yidnak nab-e nandug-et unluk ma-o.

IBERANI 11:4

Nde, Abel na indi angin tubu yidnak pem-net Mbal Pem Nagawan amanggim wosa posolar-e, Kain-nen pidnak nggal-e lag-o, are, terak minik konak mende Mbal Pem Nagawan amanggim pamu-o. At indi angin tubu yidnak na bem-e ”Kar-e lud tak nak kibidnak nab-o” luk Mbal Pem Nagawan-e Abel-nen pidnak mende na bem alen kagaij-o. Nde, Abel na wat yij-et nde, at indi angin tubu yidnak iri na-ge yawo-nen na nit mul nondosolat worasu-o.

YOSUA 6:16

Tuju bem tak pogolat, iri tarem tepan ombo-nen terompet poba ene yogola, Yosua-nen ap ereba na oboksa yak ondosolar-e: ”Nagawan Indo-nen o siri yu-ge kininggem kegera pusu me, mondok kenne nggoksa kek kok mbak lel ker-o.

YOSUA 6:20

Yak ondosoloma-ge, tepan ombo-ge terompet poba ene yogola, Isarael nap-nen kulurug-e, mondok kek kok nak lel kagola-ge, Yeriko kerep pak leget iri na-ge nggilara ngguru ngguru mbij-o. Iri yosola-ge, Isarael nap oboksa-ge mondog-et nggogolar-e, o siri iri na-ge mondog-et waniga-o.

YOSUA 6:4

Nde, tepan ombo tuju iri-ge terompet poba tuju tenasa nandug-et mborogola-ge, urul pidnak wene labu mbarak iri na waruk inmbirik nurag-o. Nde, tuju bem tak pogolar-e, iri tarem-e kat min kesan ombo inmin-e o siri iri tuju bem-et wangget kagolar-e, tepan ombo-ge terompet poba ene yil yil wangget kudtag-o.

2 PETERUS 1:15

Nde, an wat yumu wene yu pempa kit yeberak konposolat wolmaklug-e, an-e ndemeret namawi kundusu-o.

WENE MBENARUGWI NAP-NEN KWARIDNAK WENE 7:19

Kubu nggiringgendumu nggal-e, Nggireyon owosirak inmin mbirigarik, wim nap woragwi sa mak mak wok yiganggal-e wim nap tu mbal tenak woragwi nab-e nggeret ondolma kondolma yukmu, wok yiga-o. Nde, Nggireyon-nen waruk ap kere misik iri na-nen-e kum pugwi terompet ene yogolat, tal paga yimbe arem pidnak yimbe ereba na tagara keya biga-o.

WENE MBENARUGWI NAP-NEN KWARIDNAK WENE 7:21

Nde, Isarael nab-e wim nap o lije wiridnak sa inggi inggi iri na me ondolma iri nat mendak woragola-ge, wim nab-e enne sa nggwa nggilarak mbu pong kil mbiriga-o.

1 SEMUEL 11:11

Nde, kup o nda yosola-ge, Saul-nen-e at nap ereba na-ge menggesa kere kenan tak puruk, o nggeret kil posola-ge, Amon nap unuwi bem mbud yigarik o nariga-o. Iri yogolar-e, Saul-nen idnak san ombo-nen Amon nab-e urugwe nggwe rak inpiga-o. Nde, mengga ndibi ndi yiga nab-e mberen lombok-nen mbi mondok mbirigit lag o.