WENE MBENARUGWI NAP-NEN KWARIDNAK WENE 7:2 - Nanduk Ngget Tul Pidnak Wene

² Nagawan Indo-nen Nggireyon yak tosolar-e: ”Kat kimin mbururak nab-e kwarat me, an-nen Mirian nap urugwe nggwe rak unpuruk ir-e ombol nggwe rak inpimin pug-o. Nde, iri yimin iri-ge kat kowosirak inndi arem-nen yebet kagolar-e: ’Nit nenmawi bem-net nir-e ombol nggwe yige-o’ luk, an nerembel wanigit lak yurak ala karuk, kwarimin-o.

WENE MBENARUGWI NAP-NEN KWARIDNAK WENE 7:2 ပူးပေါင်းရင်းမြစ်များ

NDAK WIRIDNAK WENE 46:2

Iri rak puruk, nene yosoma-ge, kubu nggwe-ge Mbal Pem Nagawan-nen nabi bem Yakup yak tosolar-e: ”Yakup wa-e!” yosoloma-ge, at-nen yosolar-e: ”Nagawan Indo wa-e. An-e worasu-o” luk yij-o.

YEREMIA 9:23

Nagawan Indo-nen yosolar-e: ”Ap enaru indi tenggerak-nen-e at indi nggat nggat worak iri na bem indi kek yurak pug-o. Amawi worak nap-nen-e amawi iri na bem indi kek yurak pug-o. Nde, insilobulo worak nap-nen-e insilobulo iri na bem indi kek yurak pug-o.

NDANIEL 4:30

at-nen yosolar-e: ”Yik ker-o. Mbabel siri yu-ge mondok wir-o! An namawi min numbunu min an nggok kek tak woraso min iri na yenggerak kudtag-e an-nen tenagidnak wi arem o siri nggok yu wirigi yur-o!” luk yij-o.

ABAKUK 1:16

Iri yogolar-e, it-nen ap wok unpugwi sum iri na kek tak pogolar-e, sum iri na bem-nen nunggwi mende kwarat wanogolat, yi mende ndi mende ndak tak onposola karuk, ap wok unpugwi sum iri na kek tak pogolar-e, wam wosa amanggim pili-o.

OROMA 11:18

Iri bem-e kit na kit-net kek yogolar-e, mbarak pidnak inggi iri na te rak unpurak pug-o. Kir-e no bem-nen kondomok kek yili-o? Kir-e inggi-nen yili-o. Nde, inggi-nen-e emengen ki wolmomtak amburu wok toso bug-o. Are, emengen-nen inggi na ki wolmomtak amburu wok toso-o.

OROMA 3:27

Iri ala-ge, no bem-nen nir-e ija bija yul-o? Mondok lag-o! Noluk-nen iri yigi-o? Ap-nen imiri mbarak pidnak wene-nen yidnak yidnak kwarogolat woraidnak pem-nen-a? Iri-ge lag-o. Are, inndi angin tubu yidnakpem-ner-o.

2 KORINTUS 4:7

Alat nde, onggo nggok mende iri na-ge ndangen nggweyak-nen konidnak yimbe nit nenarem worasu-o. Iri worasu iri-ge amawi kwarat lombok iri na-ge nit-nen idnak amawi-ge lag-o. Are, Mbal Pem Nagawan-nen idnak amawi-o luk nam makluk-nen yusu-o.

EPESUS 2:9

Nde, kit-nen kwaridnak pem-e lak me, ap misik-nen at ondomog-et kek yurag-e meya-o.

TUGURUK YIDNAK WENE 32:27

an-nen nilirak kwat unpusu yu na-ge kagit lak-nen Isarael nap unuwim nap-nen inndi kek yogolat-nen yogolar-e: ”Mondok nit-net urugwe nggwe rak inpige-o” yuwa naru, an-e larok yusu-o’ yij-o.

TUGURUK YIDNAK WENE 8:17

Iri bem-e kit-nen yebet kagolar-e: ’Nit nondomok nenmawi bem-net nenmawi kondogolat yi mende ndi mende ombo yili-o’ luk yebet kudtak pug-o.

TUGURUK YIDNAK WENE 8:18

Yi mende ndi mende ereba-ge ’Nagawan Indo Nenmbal Pem Nagawan nak-nen wok nundusu-o’ luk yebet ker-o. Ereba wok kundusu iri-ge at-nen konmborak urul yak indid iri na ndak ndag-et kwarosolat yawo na wog-et kondosolat worasu-o.

YAKOBUS 4:6

Alat nde, Mbal Pem Nagawan-nen we wok ondoso elem wok nindid iri-ge nit nenarem pid ukwe ukwe yoso iri nggal-e lag-o. Mondok terak minik amawi worak irit wok nindij-o. Iri bem, Mbal Pem Nagawan engga bem-nen yosolar-e: ”Inndi kek yugwi nab-e Mbal Pem Nagawan-nen ombol wok ondoso-t nde, inndi teberak woragwi nab-e enabuwa kaso-o” yij-o.

1 SEMUEL 14:6

Nde, Yonatan-nen ap sujwe at esan waruk noso iri na yak tosolar-e: ”Mbal Pem Nagawan enaru buk Pilisin nap tu paktak worali sa iri me mburuwog-o. Nagawan Indo-ge ap kwarat inmin-nen na irit marig-et inmin-nen na irit ombol nggwe rak onposo me, Nagawan Indo-nen yongga nunduwa nde kwat ma-o” yak tij-o.