WENE MBENARUGWI NAP-NEN KWARIDNAK WENE 7:15 - Nanduk Ngget Tul Pidnak Wene

¹⁵ Nde, Nggireyon-nen nabi iri na kuluruk, iri-nen nabi iri-ge ebe-ge iri nggal-o yidnak iri na min kulurug-e, ar-e tud luk Mbal Pem Nagawan erembel wanij-o. Wanuruk mberarik, Isarael nap worali sa wok yosolat-nen yak ondosolar-e: ”Mondok lid lud tak pogolat wolmer-o. Nagawan Indo-nen Mirian nap urugwe nggwe rak unpuruk, kir-et ombol nggwe rak kunpuwa-o” luk yak indij-o.

WENE MBENARUGWI NAP-NEN KWARIDNAK WENE 7:15 ပူးပေါင်းရင်းမြစ်များ

NDAK WIRIDNAK WENE 24:48

Iri luk, an-e tud luk Nagawan Indo erembel wanosolat, Abarakam Embal Pem Nagawan kek tak posolat erembel wanosolar-e: ’Kat-nen-e an nonggo pid nap owe owot endam nok nok lit nuburuk lobok yigen-o. Iri yigenma, an-e Abarakam ambara amanggim kwe ndugum iri imin lambuk yigi-o’ luk yigi-o.

NDAK WIRIDNAK WENE 40:8

it-nen yogolar-e: ”Lag-o, nab-o. Yawo kubu nabi kaige-t nde, ap-nen nabi iri ebe-ge iri nggal-o luk yak nindigit lak woragola-nen yili-o” luk yiga-o. Yogola karuk, Yusup-nen yosolar-e: ”Mbal Pem Nagawan nak-nen perak nde yak ondosola, nabi iri ebe-ge iri nggal-o luk yurag-e ndag-o. Iri ala-ge, kit nabi kaigep kerengga yer-o” luk yak tij-o.

NDAK WIRIDNAK WENE 41:11

nit mberensa kubu nene yukmu-ge nabi mbi kaige-t nde, nabi ebe-ge arik tag-et kaige-o.

WENE MBENARUGWI NAP-NEN KWARIDNAK WENE 4:14

Mborogola-ge, Ndebora-nen Mbarak yak tosolar-e: ”Mondok kamawi kundi-o! Nagawan Indo-net lit kunpuruk mburuwa-o. Yawo-net Nagawan Indo-nen Sitera urugwe nggwe rak puruk, kar-e ombol nggwe rak kubuwa-o” luk yak tosoloma-ge, Mbarak na-ge at nap sepulu ribu (10.000) ereya na inmin Tabot Ndobo bem-nen mbiga-o.

WENE MBENARUGWI NAP-NEN KWARIDNAK WENE 7:11

Mburugunnggal-e, wim nab-e wene mbi it nak ereba yogola kulugun-o. Kulurug-e, kwiye lak yosolat enpem kore yurak kindi kwat ma-o” yosoloma-ge, Nggireyon na-ge at ndegel oboso nap Pura iri na enmberek wim nap worali sa mak mak ereba na nggwe mbiriga-o.

WENE MBENARUGWI NAP-NEN KWARIDNAK WENE 7:14

Koronggosola, anggam iri na-nen erep nggarosolar-e: ”Nab-o. Mondok iri-ge Yoas ambara Nggireyon Isarael nap iri na eyalawi lombok kaigen-o. Iri-ge nin-e lag-o. Mbal Pem Nagawan-nen ar-et ombol nggwe rak obosolat, nit wim nggurak lobok yige oboksa min Mirian nap min-e urugwe nggwe rak nunpuwa-o!” luk yij-o.

WENE MBENARUGWI NAP-NEN KWARIDNAK WENE 7:16

Yak undurug-e, at owosirak tiga ratus ereya na-ge tembesa kere kenan tak unpurug-e, ap oboksa inlittak kum pugwi terompet min yimbe arem tal paga pil nggwidnak min wok indil lobok yij-o.

WENE MBENARUGWI NAP-NEN KWARIDNAK WENE 8:7

Yogoloma, Nggireyon-nen yak ondosolar-e: ”Iri ala-ge, ob-o. Nagawan Indo-nen nde Seba min Salmuna min ninggem posola-ge, abog-e nembaga woraso egere isile worak pem linggamburok kindimin-o” luk yak indij-o.

1 SEMUEL 1:28

Iri bem-e la yu-ge pempa Nagawan Indo amanggim nak lenak wolmakluk an-nen-e at eram kegera pusu-o” yak tij-o. Yak turug-e, it-nen Nagawan Indo erembel waniga-o.

1 SEMUEL 14:12

Enne nggoksa Yonatan min at yongga woroso nap iri na min yak ondogolar-e: ”Kir-e yu me lumer-o. Nit-nen misik mende mbi mirik kunpul-o” luk yak ondogola-ge, Yonatan-nen ap sujwe iri na yak tosolar-e; ”Yawo-ge it iri-ge Nagawan Indo-nen wesera Isarael nap nininggem pid me, an nimbirik nak lobok yi-o” yij-o.