WENE MBENARUGWI NAP-NEN KWARIDNAK WENE 7:12 - Nanduk Ngget Tul Pidnak Wene

¹² Mbiganggal-e, Mirian nap min Amalek nap min ap erep nembaga nggwe-nen lobok yidnak nap min oboksa mbirikmu ereba na me mondok it nak tabuk tak worakmu eneyaiga-o. Mondok ubugwe nggal logo logo irit eneyaiga-o. Nde, onowam unta wam-e mondok wonarurak puk yi sisiri nggal irit kaiga-o.

WENE MBENARUGWI NAP-NEN KWARIDNAK WENE 7:12 ပူးပေါင်းရင်းမြစ်များ

NDAWI ENGGA 33:16

Nggweyakma nap nagawan-e at-nen idnak esan ombo kwarat ereba na bem-nen ombol nggwe yoso bug-o. San ombo-ge amawi kwarat iri na bem nak-nen ondomok agap ndagoso bug-o.

WENE MBENARUGWI NAP-NEN KWARIDNAK WENE 6:3

Nde, ereb-e pempa Isarael nap-nen yabu waga yaguruk worakmu-ge, Mirian nap min Amalek nap min ap erep nembaga nggwe-nen na lobok yogolar-e, Isarael nap ondogolat woraiga-o.

WENE MBENARUGWI NAP-NEN KWARIDNAK WENE 6:33

Ereya tarem-e Mirian nap min Amalek nap min ap enlem erep Yareren eyak ponok mo luwaso sa ambigit nembaga ereba me woragwi nap min ndok worogolar-e, Yi Yareren mbatluk, Yisiriel mbirik iri na me unuwi lije wiril lobok yiga-o.

WENE MBENARUGWI NAP-NEN KWARIDNAK WENE 6:5

Nde, ap ereba na-ge enpe-ge kwarat lobok yogolar-e, onowam nde unuwi lije nde imin-et nduguluk lobok yugwi-o. Nde, ir-e ap nde onowam unta wam nde lambuksa-ge wonarurak puk irit lobok yugwi-o. Nde, it lobok yogolar-e, Isarael nap unuwi-ge nggweyak min leraben waga keya bugwi-o.

WENE MBENARUGWI NAP-NEN KWARIDNAK WENE 7:13

Nde, iri na me Nggireyon wok yidnggal-e, ap misig e at-nen nabi kagaid anggam misik ndindera yak tosola kulij-o. Nde, ap iri na-nen yosolar-e: ”Oroti wora misik ndobo bem-nen limbik lambik nit nunuwi lije wiridnak sa lobok yosolat, o lije misik ebem mbud yosola-ge, o lije iri na-ge nggweyak min panggara keya bamu kagi-o” luk kiringgij-o.

WENE MBENARUGWI NAP-NEN KWARIDNAK WENE 8:10

Nde, iri na yogola-ge, Seba min Salmuna min ensan ombo oboksa inmin-e Karakot iri me woraiga-o. Nde, ap nembaga ereba woragwi nap san ombo oboksa-ge seratus duapulu ribu (120.000) indikma, enpe-ge lima belas ribu (15.000) nak iri me woraiga-o.

1 SEMUEL 13:5

Nde, Pilisin nab-e Isarael nap undurak ap kamariga-o. Nde, Pilisin nap enarengge wim koma-ge tiga pulu ribu (30.000) irit lud tak piga-o. Nde, ap enam ratus (600) iri-ge kura wam ombol pem mbururak lud tak piga-o. Nde, san ombo-ge mondok yi sisiri nggal irit ndok wiriga-o. Iri rak purug-e, o sare-ge mo luwaso (timur) nggwe Mbet-Awen ambigit Mikmas iri me lit kil lobok yiga-o.