WENE MBENARUGWI NAP-NEN KWARIDNAK WENE 6:20 - Nanduk Ngget Tul Pidnak Wene

²⁰ Pil lobok yosola, aid nap iri na-nen yosolar-e: ”Uno min oroti min ereba-ge kerep yu bem pi-o. Nde, wam amburu-ge ebem-et kilik pi-o” yak tosoloma-ge, Nggireyon-nen-e kwaruwakluk ebem pid iri na ndak ndag-et kwarij-o.

WENE MBENARUGWI NAP-NEN KWARIDNAK WENE 6:20 ပူးပေါင်းရင်းမြစ်များ

NDAK WIRIDNAK WENE 18:3

yak ondosolar-e: ”Naptag-o. An nema wok yigit lak, wot karuk mbururag-e lag-o.

WENE MBENARUGWI NAP-NEN KWARIDNAK WENE 13:15

Yosoloma, Manoa-nen yak tosolar-e: ”Nab-o. Kar-e yu me yik neneyarok wolmin-o. Nir-e kambing mendaso misik saga wok kurul-o” yak tij-o.

WENE MBENARUGWI NAP-NEN KWARIDNAK WENE 13:16

Alat nde, Nagawan Indo-nen idnak aid nap iri na-nen yosolar-e: ”An-e yu me-t yik keneyarok woramin-et nde, kit-nen mak nurugup iri-ge namin pug-o. Alat nde, kit-nen nde saga purak yogolar-e, Nagawan Indo amanggim kan purag-o” luk yak tij-o. Alat nde, Manoa-nen-e yu-ge Nagawan Indo-nen idnak aid nap-nen yusu-o luk kabak irit woragij-o. Kabak iri-nen ndowaga Manoa-nen Nagawan Indo-nen idnak aid nap iri na yak tosolar-e: ”Iri ala-ge, kat-nen urul yak nirigen ereba kwat yosola, kat kunu kek tak peyek-nen kunu yak niri-o” luk yak tij-o.

WENE MBENARUGWI NAP-NEN KWARIDNAK WENE 13:19

Iri lug-e, Manoa-nen-e kambing marik mendaso misik min nggandum mbato siyak min kerep pem puruk, Nagawan Indo Kwiye Worak Kwaroso iri na amanggim kan pij-o.

WENE MBENARUGWI NAP-NEN KWARIDNAK WENE 6:19

Yosoloma, Nggireyon na mberarig-e, kambing mendaso misik saguruk, nggandum mbato yigirik mabe nggal angin-e sepulu kilo wanuruk, oroti lomboroso mende pigit lak kona woragurug-e, iri rak purug-e, uno iri na-ge mul sum misik arem yarak puruk, nde, amburu-ge togolwak arem puruk, saguruk lobok yosolar-e, Nagawan Indo-nen idnak aid nap at yik karok e terepentin indipma worasu iri na eram saga pil lobok yij-o.

WENE MBENARUGWI NAP-NEN KWARIDNAK WENE 6:21

Nde, Nagawan Indo-nen idnak aid nap iri na-nen inggi mberak parik, erok inggem tena iri na-nen-e uno min oroti min iri na bem ndurum tak posoma-net kerep iri na pagosolar-e, uno min oroti min iri na-ge mondok nuruk lak tak pij-o. Iri yosola-ge, aid nap iri na-ge mondok lak nak yij-o.