WENE MBENARUGWI NAP-NEN KWARIDNAK WENE 6:19 - Nanduk Ngget Tul Pidnak Wene

¹⁹ Yosoloma, Nggireyon na mberarig-e, kambing mendaso misik saguruk, nggandum mbato yigirik mabe nggal angin-e sepulu kilo wanuruk, oroti lomboroso mende pigit lak kona woragurug-e, iri rak purug-e, uno iri na-ge mul sum misik arem yarak puruk, nde, amburu-ge togolwak arem puruk, saguruk lobok yosolar-e, Nagawan Indo-nen idnak aid nap at yik karok e terepentin indipma worasu iri na eram saga pil lobok yij-o.

WENE MBENARUGWI NAP-NEN KWARIDNAK WENE 6:19 ပူးပေါင်းရင်းမြစ်များ

NDAK WIRIDNAK WENE 18:3

yak ondosolar-e: ”Naptag-o. An nema wok yigit lak, wot karuk mbururag-e lag-o.

NDAK WIRIDNAK WENE 18:5

Nde, an-nen nunggwi mende marig-et mbi wok kundumu, nuruk kenmawi rak puruk-nen kit-nen mbururak tu erep pigep iri-ge kambok ter-o. Naptag-o. Kir-e an nggal nema-t wok yigen-o” yosoloma, it-nen yogolar-e: ”Kat-nen konak kwat nunpugun iri bem-e wiwa-o. Kat kama nggul-o” yiga-o.

MATIUS 13:33

Yesus-nen nden karuk wene misik yak ondosolar-e: ”Mbal Pem Nagawan-nen tenagaidnak wi iri-ge oroti lomboroso mende nggal-nen yusu-o. Kwe misik-nen oroti lomboroso mende waga mbato togolwak kenan kobong tag-et nde, imin puruk, omok worosola-ge, pidsa lomboroso-o” luk yij-o.

WENE MBENARUGWI NAP-NEN KWARIDNAK WENE 13:20

Nde, Mbal Pem Nagawan amanggim kan pugwi sa iri na pagosola-ge, Manoa ogwe min-nen yik karok worakmu-ge, Nagawan Indo-nen idnak aid nap iri na-ge kan amare bem-nen mbal nggwe lasola yik kaiga-o. Karuk-nen perak Manoa-nen perasolar-e: ”Yu na-ge Nagawan Indo-nen idnak aid nab-er-o” luk aru lug-e, at ogwe min-e entare nggwe tud luk erembel waniga-o. Iri luk ombol nggwe-ge Nagawan Indo-nen idnak aid nap iri na-ge mondok imbiri kagit lag-o.

WENE MBENARUGWI NAP-NEN KWARIDNAK WENE 6:18

Nagawan Indo wa-e. Kar-e yu me-t wolmin-o. Nunggwi mende saga keram posola-net mbururag-o” luk yak tij-o. Yosoloma, Nagawan Indo-nen yosolar-e: ”Ob-o. Keyarok woramindik, kar-et lobok yosola-net mbirimin-o” luk yak tij-o.

WENE MBENARUGWI NAP-NEN KWARIDNAK WENE 6:20

Pil lobok yosola, aid nap iri na-nen yosolar-e: ”Uno min oroti min ereba-ge kerep yu bem pi-o. Nde, wam amburu-ge ebem-et kilik pi-o” yak tosoloma-ge, Nggireyon-nen-e kwaruwakluk ebem pid iri na ndak ndag-et kwarij-o.