WENE MBENARUGWI NAP-NEN KWARIDNAK WENE 6:14 - Nanduk Ngget Tul Pidnak Wene

¹⁴ Yosoloma, Nagawan Indo-nen wene yu-ge Nggireyon ebem pij-o: ”Kar-e mondok kamawi kunduruk mburugundik, Mirian nap ininggiyapma-nen Isarael nap wisirik inpi-o. Mondok an-net wirik kubusu-o” luk yak tij-o.

WENE MBENARUGWI NAP-NEN KWARIDNAK WENE 6:14 ပူးပေါင်းရင်းမြစ်များ

MBIRIGA WENE 3:10

Nde, yawo-ge kar-e an nelem nap iri lit eneyaruk lobok yonokluk, an-nen Pirayon eram wirik kubusu-o” luk yij-et nde,

IBERANI 11:32

Nde, iri wene-ge motsa ndindera yimin, lak? Nde, Nggireyon min Mbarak min Simson min Yepta min Ndaud min Semuwel min Mbal Pem Nagawan ene lomboksa yugwi nap min onowene an-nen ndindururak tarem lak ala karuk, larok yusu-o.

IBERANI 11:34

kan kwiye worak mende-t nde, nigirik pogolat, yalawi bem mbal unpuwokluk yidnag-et nde, kwiye mborogolat, kwarogolat woraiga-o. Ir-e ndeyak yidnag-et nde, amawi yogolat; wim mbarogolar-e, it enmawi lagolar-e, elem nin nap wim nap kere kwarat nde, urugwe nggwe rak onpogolat woraiga-o.

WENE MBENARUGWI NAP-NEN KWARIDNAK WENE 13:3

Alat nde misik tarem-e Nagawan Indo-nen idnak aid nap misik nam luk-nen kwe iri na yak tosolar-e: ”Nde, kar-e la lak woraso-t nde, yanem-et kabila luk, liap misik ndakun-o.

WENE MBENARUGWI NAP-NEN KWARIDNAK WENE 4:6

Nde, misik tarem-e Ndebora-nen-e ab-e Abinoam ambara Mbarak iri na eram yonggo Naptali nggweyak pem o siri Kendes-nen wirik inpij-o. Iri yamu, Mbarak na lobok yamu yak tosolar-e: ”Nagawan Indo Isarael nap Enmbal Pem Nagawan kat kebem pid wene-ge yu-o: ’Naptali nap min Sebulon nap min ap nak enpe sepulu ribu (10.000) kamarak puruk Tabot Ndobo bem inmin mbiri-o.

WENE MBENARUGWI NAP-NEN KWARIDNAK WENE 6:11

Nde, misik tarem-e Nagawan Indo-nen idnak aid nap mbi lobok yarik, o siri Opera wok yij-o. Iri yarig-e enlem Abieset nap Yoas-nen idnak e terepentin iri na indipma koreyak woragij-o. Worala-ge, Yoas ambara Nggireyon na-ge anggut engen amburu mbutlugwi sa iri na me nggandum mbato engen lera mbuwakluk lel tenak woragij-o. Iri kwarid iri-ge Mirian nap-nen kujwa naru mbik mbok kwarosolat woragij-o.

WENE MBENARUGWI NAP-NEN KWARIDNAK WENE 6:36

Nde, Nggireyon-nen Mbal Pem Nagawan yak tosolar-e: ”Nagawan Indo wa-e. Kat-nen yak norosolar-e: ’Isarael nap wisirik onponok-nen an-e yongga kirimin-o’ yigen nar-o.

1 SEMUEL 12:11

Nde, imbirik-nen-e Nagawan Indo-nen Nggireyon lenak puruk, imbirig-e Mbarak lenak puruk, imbirig-e Yepta lenak puruk, nde, erep yoboksa-ge an lenak nibij-o. Iri yamu nit nenariktak lombok-net wim nap ininggem-nen Weserak kinpige-o. Iri yikma-ge, kir-e kona yamuksa woraigeb-o.