WENE MBENARUGWI NAP-NEN KWARIDNAK WENE 5:31 - Nanduk Ngget Tul Pidnak Wene

³¹ Nagawan Indo wa-e. Kuwim nap oboksa-ge Sitera lak yid iri nggal-e lak mag-o. Alat nde, kat kanggamirak oboksa-ge molengen kona bil wasolat konak eyaya worag-et wasu iri nggal-et wolmag-o. Iri lug-e o iri na kona yamuksa woragolar-e, olengen empat pulu (40) irit woraiga-o.

WENE MBENARUGWI NAP-NEN KWARIDNAK WENE 5:31 ပူးပေါင်းရင်းမြစ်များ

2 SEMUEL 18:31

Worakmu-ge Yoap ndegel oboso nap iri na lobok yarik, Nagawan Ndaut yak tosolar-e: ”Ndegel koboso nap an-e konak wene-t kamanggim waruk lobok yusu-o. O yawo-ge kat kondolma nggurak puruk kebem mbud yili nab-e Nagawan Indo-nen urugwe nggwe rak unpuruk, ombol nggwe rak kibij-o” luk yak tij-o.

2 SEMUEL 18:32

Yosoloma, Nagawan Ndaut-nen kin wanosolar-e: ”Nde, ap sujwe Apsalom iri na-ge uruk worasu, lak?” luk yij-o. Yosoloma, ap iri na-nen yosolar-e: ”Nagawan kuwim nap min kat kondolma nggurak puruk kebem mbud yili nap oboksa min-e ap sujwe iri na ebem mbid nggal-et enpem mbumag-o” luk yij-o.

2 SEMUEL 23:4

o kibi bem-nen kuplila o kil posolat eyaya iri nggal-nen yusu-o. At iri-ge talme nuruk pok yosola, mo kere rak posolat tusuangge miri konak abinal nggorek tak pusu iri na nggal-nen yusu-o” yak nirij-o.

NDAWI ENGGA 19:6

Molengen iri-ge mbal erep yoboksa-nen pil waruk, mburu, mburu, mbal erep yoboksa ponok nggwe mboso-o. Mo eyak inggiyapma-nen misiget mbi kurak yoso bug-o.

NDAWI ENGGA 37:6

At-nen-e kit-nen tugup lak woragwi-ge yaya nggal nam tak posolat, nde, kinndi-net mot mot kwarugwi-ge lengge nggal nam tak posolat kwaruwa-o.

NDAWI ENGGA 89:36

At-nen nagawan woraso iri na-ge pem irit mo worala-ge, an-nen amawi rak puruk woramin-o. Ap pem lud at ilirak-nen wigarak-nen-e nagawan wolma-o.

NDAWI ENGGA 89:37

Mbal pem woraso waneya iri-ge mondok aru-o. At-nen tenagidnak wi-ge waneya nggal pem irit wolma-o” luk yigen-o.

NDAWI ENGGA 91:14

Mbal Pem Nagawan-nen yosolar-e: ”Ap an nebem inndi kundik worali nab-e an-nen inmiri yimin-o. An nimin-e: ’At iri-ge nit-nen idnak Nagawan Indo-nen yusu-o’ luk yili nab-e nggetlel unpuruk woramin-o.

MBIRIGA WENE 20:6

Alat nde, an nubud kagolat, an-nen yidnak yidnak kwarogolat kwatli nap iri na-ge an-nen enabuwa kaso elem iri na mirik onposolar-e, tabun pem lud, lila bem lud, ap tap wonarurak puk irit enabuwa kasolat woramin-o.

NDANIEL 12:3

Nde, enne kulugwi indi nggat nggat worak nap ereba na-ge eneyaya-ge o yaya nggal irit wolma-o. Nde, ap kwarat-nen ndemeret mot mot nak kwarogolat wolmakluk ap kwarat mul ondogolat woraidnak nap ereba na-ge wonaru abinal nggal enabinal-e pem irit kere kere rak wolma-o” luk yij-o.

OSEA 6:3

Iri bem-e, nir-e mondok ndemeret ndemeret Nagawan Indo nenaru yurak pem nenmawi kunduwog-o. Ndemeret Nagawan Indo nendam lobok yosolar-e, o kil poso nggal, o sumbat woraruk, nggaruksa talme nggok mbosolat nggweyak piri rak poso talme nggal irit nendam lobok yuwa-o” luk yiga-o.

MATIUS 13:43

Iri na tarem-e it lud tak nak kwarugwi nab-e it Ineid-nen tenagaidnak wi iri me woragolar-e, molengen nggal enabinal worak wolma-o. Iri bem-e, ta-nen nde eyanggo worak ala-ge, wene yu kwara kuluwag-o.”

OROMA 8:28

Mbal Pem Nagawan abuwa kagwi nap, at indi-n pidnak kwaruwakluk yonggo ninpidnak nap nenmanggim-e Mbal Pem Nagawan-nen yi mende ndi mende oboksa kwat nonposolar-e, nit konak nak kwat nenpeyekluk yusu-o luk nenaru yili-o.

1 KORINTUS 8:3

Alat nde, ta-nen Mbal Pem Nagawan abuwa kasu nab-e, Mbal Pem Nagawan-nen at na aru yusu-o.

EPESUS 6:24

Nenagawan Indo Yesus Kerisut abuwa kagolar-e, mondok lak yoso buk abuwa iri na bem abuwa kali nap oboksa enpem-e Mbal Pem Nagawan-nen we wok ondoso elem-e it inmin wolmag-o.

TUGURUK YIDNAK WENE 6:5

Kit-nen kinndi ebis-et Nagawan Indo Kenmbal Pem Nagawan abuwa kagolar-e, at abuwa kagwi iri nam tak pogolar-e, kit kenpage bem-nen na irit, kit-nen kwarugwi bem-nen na irit nam tak per-o.

TUGURUK YIDNAK WENE 7:9

Nde, Nagawan Indo kit Kenmbal Pem Nagawan iri-ge Mbal Pem Nagawan misiget nak, ar-e pempa mot mot lud tak nak kwaroso-nen yusu-o luk yebet ker-o. Nagawan Indo-nen at-nen urul pidnak iri na ndak ndak tak posolar-e, at abuwa kagolat, at-nen enpem pidnak wene ereba na kwatli nap enabuwa kasolar-e, ap tap seribu-t (1.000) enabuwa kasolat wolma-o.

YAKOBUS 1:12

At indi ngarosola-t nde, mamak puruk wolma nab-e imbiringgat-nen yusu-o. Nde, indi kayekluk indi ngaruwa-t nde, ombol nggwe yuwa nap iri-ge Mbal Pem Nagawan abuwa kagwi nap enmanggim unlug-et wolmomtak kid kud Mbal Pem Nagawan-nen urul paga pidnak irit wanuwa-o.

YAKOBUS 2:5

Kenabuwa worak nanggamirak wa-e. Wene yu koler-o. Nggweyak ma nap-nen enarengge lak eneyali nab-e Mbal Pem Nagawan-nen len onposolar-e, inndi angin tubu yugwi elem kwara winde rak unpuruk, Mbal Pem Nagawan abuwa kagwi nap enmanggim urul pidnak at-nen tenagaidnak wi na winde rak enpeyekluk len inpij-o.

1 PETERUS 1:8

Yesus Kerisut iri-ge kir-e kagwi bug-et nde, abuwa kali-o. Yawo na kali bug-et nde, ebem kinndi angin tubu yili-o. Iri bem-e, kit kenalin kenalen pem-et Mbal Pem Nagawan erembel wanili iri-ge wene yurag-e meya-o.

NAM PARA WENE 1:16

At inggi kigit nggwe-ge wonaru tuju tena, nde, emendam nggwe-ge yalawi anggat ponok ponok worak iri-ge kenanggo, nde, at imbiriwak amare-ge mo eyak kererak pil wasolat nggal-o.

NAM PARA WENE 18:20

Aid arem wa-e. Kwe iri na yigisa lak tak pidnak pem kalen ki-o! Mbal Pem Nagawan ilirak min wirik kinpidnak nap min Mbal Pem Nagawan ene lomboksa yugwi nap min wa-e. Kwe iri-nen kwat kinpidnak na onggo Mbal Pem Nagawan-nen kwe iri ebem wene mbarid pem-e kenalin kenalen ker-o!

NAM PARA WENE 6:10

It iri-nen enne ngguloksa yogolar-e: ”Kamawi Mondok Kwarat worak, lenak irit woraso, lud tak nak kwaroso Nagawan Indo wa-e! Nunggurik woraruk-nen nggweyak ma woragwi nap enpem wene mbatluk, nit nindiga onggo pugun-o?” luk yiga-o.