WENE MBENARUGWI NAP-NEN KWARIDNAK WENE 4:7 - Nanduk Ngget Tul Pidnak Wene

⁷ Nde, an-nen-e Yabin-nen idnak san ombo onowe Sitera iri kwarak obosolar-e, kit kinmin wim purak Yi Kison arem nggwe san ombo min wim timbiril mburugwi nggweyak koma min-et kinmin wim purak inpil lobok yimin-o. Alat nde, wim nggogolar-e, an-net ombol nggwe rak kibimin-o’ yij-o” luk yak tij-o.

WENE MBENARUGWI NAP-NEN KWARIDNAK WENE 4:7 ပူးပေါင်းရင်းမြစ်များ

1 NAGAWAN NAGAWAN-NEN KWARIDNAK WENE 18:40

Yogoloma, Elia-nen yosolar-e: ”Mbaal kugwi ombo yeba-ge mondok tenagil lobok yer-o! Mondok misiger-o luk keya unpurak pug-o” luk yosoloma, ap ereba na-nen kugwi Mbaal ombo ereba na oboksa-ge tenaga inpil lobok yogola-ge, Elia na-ge Yi Kison arem inmin mberarik, kugwi Mbaal ombo ereba na-ge oboksa indij-o.

MBIRIGA WENE 14:17

Nde, Mesira nap ereba-ge an-nen inndi amawi rak pumu, mondok kit Isarael nap muk kiniyil lobok yuwa-o. An-nen-e Mesira nagawan iri min at-nen idnak ap kere ereba min onnggweyak koma min ebem koreyak ereba min enambigit an namawi wal kamin-o.

MBIRIGA WENE 14:4

An-nen-e Mesira nagawan iri na indi amawi rah pumu, kit muk kiniyujwa-t nde, an-nen-e Mesira nagawan iri min at-nen idnak esan ombo ereba min an namawi mirik onposola, it-nen-e an nimin-e ’Ar-e ndemeret Nagawan Indo-net yusu-o’ luk enaru ma-o” yak tij-o. Yosoloma-ge, it Isarael nap ereba na-ge Mbal Pem Nagawan-nen yak indidnak ereba na ndak ndag-et kwariga-o.

MBIRIGA WENE 14:8

Ndemeret Nagawan Indo-nen Mesira nagawan iri na indi amawi rak puruk, Isarael nap na-ge Nagawan Indo-nen lit iniyuruk mborosola, Pirayon-nen-e inmbirik muk eneyagaij-o.

MBIRIGA WENE 21:13

Alat nde, indi-net usuwa woraguruk-nen wirigit lak-nen-e, kwiye an-nen ondoro misik mirik kinpimin sa mbutluk, inmiri yurak sa iri me wolmomtag-o.

YOSUA 10:8

Mborosola, Nagawan Indo-nen Yosua yak tosolar-e: ”Kar-e it enaye yurak pug-o. An-nen abu ombol nggwe rak kibidnak me, o iri me it ennggendumu ap misiger-o luk mbi-nen mondok kit kinmin-e mondok pak tuwa bug-o” yak tij-o.

YOSUA 8:7

Nde, iri yogola-ge, kir-e yemndak woragup sa-nen kuwaluk ngguwagolar-e, o siri iri-ge mondog-et wanurag-o. Nagawan Indo Kenmbal Pem Nagawan-nen-e o siri iri-ge mondok kininggem-et puwa-o.

WENE MBENARUGWI NAP-NEN KWARIDNAK WENE 4:14

Mborogola-ge, Ndebora-nen Mbarak yak tosolar-e: ”Mondok kamawi kundi-o! Nagawan Indo-net lit kunpuruk mburuwa-o. Yawo-net Nagawan Indo-nen Sitera urugwe nggwe rak puruk, kar-e ombol nggwe rak kubuwa-o” luk yak tosoloma-ge, Mbarak na-ge at nap sepulu ribu (10.000) ereya na inmin Tabot Ndobo bem-nen mbiga-o.

WENE MBENARUGWI NAP-NEN KWARIDNAK WENE 4:8

Yak tosoloma, Mbarak-nen Ndebora yak tosolar-e: ”Kat totno mborogolat-nen perak mbirimin-o. Alat nde, kat nde mbirigit lak ala-ge, mbirimin pug-o” luk yij-o.

WENE MBENARUGWI NAP-NEN KWARIDNAK WENE 5:21

Nde, yi Kison kobong yil luwasolar-e, wim nab-e wok unpuruk mbirjj-o. Nindi yu-ge wa-e. Kamawi min-et wim pem mbiri-o!

1 SEMUEL 24:10

Yanem kerep yanggoma yu me-nen Nagawan Indo-nen nagawan kar-e ndegel koboso nap an ninggem posola-ge, an-nen nagawan kat kuruwakluk an nowosirak-nen nemengen mbariga-t nde, nab-o. An-e larok yosolat-nen yosolar-e: ’An-nen idnak nagawan makluk Nagawan Indo-nen lenak ibid nap iri-ge mariget ter-o luk andi bandi rak ibimin pug-o’ luk yak indigi-o.

1 SEMUEL 24:18

An-e kat kimin meya-t kwarosola-t nde, kat-nen-e konag-et kwat nibigen-o. An-e kat-nen nuruwakluk Nagawan Indo-nen niminep wesera kinggem nibij-et nde, keya nibigen. Iri bem-e yawo-ge kar-e an nimin-e konag-et kwarusu-o luk naru yusu-o.