WENE MBENARUGWI NAP-NEN KWARIDNAK WENE 4:6 - Nanduk Ngget Tul Pidnak Wene

⁶ Nde, misik tarem-e Ndebora-nen-e ab-e Abinoam ambara Mbarak iri na eram yonggo Naptali nggweyak pem o siri Kendes-nen wirik inpij-o. Iri yamu, Mbarak na lobok yamu yak tosolar-e: ”Nagawan Indo Isarael nap Enmbal Pem Nagawan kat kebem pid wene-ge yu-o: ’Naptali nap min Sebulon nap min ap nak enpe sepulu ribu (10.000) kamarak puruk Tabot Ndobo bem inmin mbiri-o.

WENE MBENARUGWI NAP-NEN KWARIDNAK WENE 4:6 ပူးပေါင်းရင်းမြစ်များ

NDAWI ENGGA 89:12

Kat-nen nak abare abam (utara) nggwe min abare ena (selatan) nggwe min-e ndak worak pigenma-o. Ndobo Tabot min Eremon min-e enalen pem kat kebem ndawi ngatli-o.

NDAWI ENGGA 89:13

Kat kamawi-ge nggok lombog-o! Kat karong-e ija lombog-o!

OSEA 5:1

Nagawan Indo-nen yosolar-e: ”Kit tepan omborak wa-e. Kwara koler-o! Isarael nap wa-e. Kwara yebet ker-o! Kit nagawan-nen wigarak wa-e. Kwara koler-o! Angin worag-e mondok kenpem mbuma-o. Iri mberak puwa iri-ge ndemerer-e kit-nen ap enpem wene mbenarogolar-e, mot mor-et mbenarurag-et nde, kir-e Mispa iri me ap ngonok tak unpurak sabu logo nggal kwat yogolat, Tabot ndobo bem sabu logo nggal kwat yogolat,

YIDNAK YIDNAK WENE 13:47

’Kar-e enlem nin nap eyaya rak onponokluk, imiri yurak wene waruk o kuri ap kuri mboronok-nen lenak kibigi-o’ luk Nagawan Indo-nen nenpem pamu-o” luk yiga-o.

IBERANI 11:32

Nde, iri wene-ge motsa ndindera yimin, lak? Nde, Nggireyon min Mbarak min Simson min Yepta min Ndaud min Semuwel min Mbal Pem Nagawan ene lomboksa yugwi nap min onowene an-nen ndindururak tarem lak ala karuk, larok yusu-o.

YOSUA 1:9

An-nen kat yak korosolar-e: ’Kar-e kindi uwi yaga tugup lak, kwiye lak irit wolmin-o’ yak kirigi iri na kindi yeberak wolmin-o. Nagawan Indo Kembal Pem Nagawan an-e kat mburugun sa-ge pempa kimin nosolat woramin me, kar-e kwiye yosolat, kamawi lak yurak pug-o” luk yak tij-o.

WENE MBENARUGWI NAP-NEN KWARIDNAK WENE 4:10

Mbarak-nen-e enlem Sebulon min Naptali min Ndebora enmberek inmin mburuwakluk yonggo inpij-o. Iri yosola-ge, ap enpe-ge sepulu ribu (10.000) inmin mbiriga-o.

WENE MBENARUGWI NAP-NEN KWARIDNAK WENE 5:1

Nde, iri tarem-e Ndebora min Abinoam ambara Mbarak min-e ndawi yu yiga-o:

WENE MBENARUGWI NAP-NEN KWARIDNAK WENE 6:35

Iri kwarosolar-e, it enlem Aset min Sebulon min Naptali min iri-nen enlem Manase ereb-e mo luwaso ambigit min Yareren eyak ponok mo mboso nggwe min worali ereba min at eram lobok yuwakluk endam yonggo ab-e wirik inpij-o. Yosoloma-ge, it oboksa Nggireyon yongga wururak lobok yiga-o.

WENE MBENARUGWI NAP-NEN KWARIDNAK WENE 8:18

Iri rak puruk, Nggireyon-nen Seba min Salmuna min kin wok onposolar-e: ”Kit-nen Tabot Ndobo bem-nen indigep ereba-ge ap enpe-ge tarak nggal indigeb-o?” luk kin wanij-o. Iri yosola, Seba min Salmuna min-nen onggo yogolar-e: ”Ap indige ereba oboksa-ge ap kek tak-nen wigarak nggal-et indige-o. Nde, ap ereba enpe-ge kat nggal nggal nag-o” luk yiga-o.

1 SEMUEL 10:3

Yak turuk, Semuel-nen tuguruk yak tosolar-e: ”Iri me-nen mburugundig-e e erembel wanugwi iri na Tabot iri me elem pem wok yosoma-ge, ap kenan-e Mbal Pem Nagawan amanggim wosa burak Mbetel mburukmu, lid pid yugun-o. Nde, ap misig-e kambing marik kenan ndogoluk, nde, ap misig-e oroti wora kenan waruk, nde, ap misig-e yimbe arem anggut engen amburu kenanggo waruk lobok yukmu eneyagun-o.

1 SEMUEL 12:11

Nde, imbirik-nen-e Nagawan Indo-nen Nggireyon lenak puruk, imbirig-e Mbarak lenak puruk, imbirig-e Yepta lenak puruk, nde, erep yoboksa-ge an lenak nibij-o. Iri yamu nit nenariktak lombok-net wim nap ininggem-nen Weserak kinpige-o. Iri yikma-ge, kir-e kona yamuksa woraigeb-o.