WENE MBENARUGWI NAP-NEN KWARIDNAK WENE 2:4 - Nanduk Ngget Tul Pidnak Wene

⁴ Nde, aid nap iri na-nen wene iri na yak ondosola-ge, Isarael nap oboksa-nen yip sa nggwa mbiga-o.

WENE MBENARUGWI NAP-NEN KWARIDNAK WENE 2:4 ပူးပေါင်းရင်းမြစ်များ

ESERA 10:1

Nde, Esera iri na yip tosolat-nen Nagawan Indo uwi iri na eralu-nen meya yidnak parosolat tepan yosola-ge, Isarael nab-e ap-nen kweyap-nen li marik-nen kwarat yip sa nggwa at eram ndok wiril lobok yiga-o. Lobok yogolar-e, at lop lop wiriga-o.

YEREMIA 31:9

It tuguruk lobok yogolar-e, yip lengen-e yolo mbosolat irit lobok yogola, an-nen-e inndi yanggunil yanggunil lit unpuruk lobok yimin-o. An-nen wok unpuruk lobok yosolar-e, yi worak nggwe-t inmin lobok yosolat, it unuwok abis pijaksa wosa mbigit lak, konak lobok yurak yamuk tak tu nggwe-t inmin lobok yimin-o. An-e Isarael nap ineid kwat yimin-o. Nde, Eperaim iri-ge an nambara manggiya-nen yusu-o” luk yij-o.

YOEL 2:12

Nagawan Indo-nen yosolar-e: ”Alat nde, yawo-ge kinndi puru min-et nunggwi mende keya buruk, tepan nak yogolat, yip-nen ndemeret kinndi-net an neram tuguruk lobok yer-o.

LUKAS 6:21

Nere yawo kali nap wa-e. Kinmbit tak puwa me, kenalen ker-o! Yawo yip tili nap wa-e. Kit abok-nen nda tugup me, kenalen ker-o!

LUKAS 7:38

Yesus ombol nggwe men lug-e, yip tosolar-e, yip lengen-nen Yesus ijok piri rak pij-o. Tak purug-e, at anggulsu-nen Yesus ijok iri korak puruk, at ijok na aben porok nasoluk, emben worak amburu na at ijok pem kilik pij-o.

2 KORINTUS 7:10

Mbal Pem Nagawan indi-n pidnak pem-nen ap inndi puru bera yugwi iri-nen-e ap inndi kondok yogola, inmiri yurak pem-nen kwaroso-o. Nde, iri yidnak ala, ”Noluk iri nggal kwat ninpij-a?” yugwi bug-o. Alat nde, nggweyak ma yu-nen yidnak inndi puru bera yugwi iri-nen-e wat yugwi elem kwarak poso-o.

YAKOBUS 4:9

Kir-e niri nera-o luk, kinndi puru yogolat, yip ter-o. Nda tugwi na keya buruk, yip togolat, kenalin kenalen woragwi na keya buruk, kinndi puru yogolat mer-o.

WENE MBENARUGWI NAP-NEN KWARIDNAK WENE 2:3

Iri ala karuk, yawo-ge kwara koler-o! Kit-nen yu me woragwi nap inmin wim mbarogola-ge, an-nen na langgara wirik inpimin pug-o. Ir-e kit kunuwim nap kwat ma-o. Nde, kir-e kenare bogola it-nen erembel wanugwi kugwiwak ereba na erembel wanogola-ge, ngonok tak kunpuwa-o” luk yak indij-o.

WENE MBENARUGWI NAP-NEN KWARIDNAK WENE 2:5

Iri kwaridnak sa ala karuk, o iri na me unu-ge Mbokim yariga-o. Nde, iri na me-ge Isarael nap-nen-e Nagawan Indo amanggim eyabi worak wosa kan piga-o.

1 SEMUEL 11:4

Iri nggal kwasa ap wirik inpikma mbirigarik, Saul woraso sa Nggibea wok yiga-o. Wok yogolat enlengen kulurak wene iri na yak ondogola-ge, inndi kabak yogolar-e, yip sa nggwa mbiga-o.

1 SEMUEL 7:6

Iri yak ondosoloma-ge, it oboksa-nen Mispa iri na me ndok wiriga-o. Iri kwarogolar-e, yi kenangga Nagawan Indo amanggim kiril kagolug-e, aptusa nunggwi mende ninggit lak woragolat-nen yogolar-e: ”Nir-e mondok Nagawan Indo imin meya-t kwarugwi-o” luk pariga-o. (Nde, Mispa iri me-nen-e Semuel-nen-e Isarael nap-nen yuk puk mbugwi ereba na wene kona ndamosolat woraso-o.)