WENE MBENARUGWI NAP-NEN KWARIDNAK WENE 2:19 - Nanduk Ngget Tul Pidnak Wene

¹⁹ Alat nde, lit unpuruk noso nap iri na nde wat yosola-ge, ap it woragit lak ma-nen woraiga enpage-ge konak nggal-et nde, it iri na-nen kwarugwi enpage-ge mondok meya irit woraiga-o. Iri yogolar-e, mbal pem nagawan nin ereba nde ndegel pogolat, erembel wanogolat woraiga-o. It-nen meya kwarugwi ereba na kwaril mborogolar-e, it-nen meya kwarugwi iri na keya buruk nden kudtag-e insili yiga-o.

WENE MBENARUGWI NAP-NEN KWARIDNAK WENE 2:19 ပူးပေါင်းရင်းမြစ်များ

NDAK WIRIDNAK WENE 6:11

ap erep ereba-ge Mbal Pem Nagawan erengen pem-e meya nak kwat tenak woragolar-e, ap enabuwa kagit lak, nin me nan me we enlengen nak lambu yil nogolat woraiga-o.

NEMIA 9:28

Alat nde, it woragwi sa iri na nde yamuksa woragolar-e, ir-e ndag-et nak tuguruk meya kwat tenak woraiga-o. Iri ala karug-e, kat-nen it iri-ge unuwim nap anggun panggun tak unpurak ininggem pigenma anggun panggun tak inpiga-o. Iri yogolat, eneyanggo watluk ’Niri nera-o’ luk yogolat-nen-e inmiri yuwakluk kat keram wok mbo kibil luwagola-ge, kat-nen-e enabuwa-nen aid arem-nen it enne kuluruk, kat-nen-e pempa iri nggal kwasa yongga ondosolat nak woraigen-o.

MBIRIGA WENE 32:7

Iri yogola, Mbal Pem Nagawan-nen Musa yak tosolar-e: ”Kar-e ndag-et nak mbi-o. Kat kelem nap Mesira-nen lit unpuruk lobok yigen ereba na-ge meya kwatli-o.

YEREMIA 23:17

Nde, it ereba-nen ap an nene kulurak insili yili nap yak ondogolar-e: ’Kir-e konak irit woragub-o’ luk yak ondogolat, nde, ap wene kulugwi buk ereba na yak ondogolar-e: ’Kir-e lak tak kunpurak mende-ge kenpem mbuma bug-o’ luk yak indili-o” luk yij-o.

MATIUS 23:32

Iri ala-ge, kit konmborak-nen tel kwiriga yabu iri-ge kit-nen worok tak per-o!

TUGURUK YIDNAK WENE 31:29

An nde wat yumu-ge, it yu-ge meya kwat yogolat an-nen mul undusu wene yeba-ge mondok keya buwa-o luk an-e naru-o. Nagawan Indo-nen ’Kwarurak pug-o’ yak indidnak iri na kwarogola, Nagawan Indo isilepma yosolar-e, ir-e lak tak unpurak mende enpem mberak puwa-o” luk yij-o.

YOSUA 24:31

Nde, Yosua iri na uruk woralar-e, Isarael nab-e Nagawan Indo nak ndegel obogolat woraiga-o. Wat yamu-nen na it ennggendumu enne kulugwi nap ereb-e Nagawan Indo-nen Isarael nap yongga ondosolat, kwiye worak kwarid ereba-ge enlengen-nen kaidnak nap ereba na woragola, enne kologolar-e, Nagawan Indo nag-et ndegel obogolat woraiga-o.

WENE MBENARUGWI NAP-NEN KWARIDNAK WENE 2:18

Nagawan Indo-nen nde Isarael nap ennggendumu it lit eneyaruk nurak nap nde lenak unpurug-e, Nagawan Indo-nen-e at-nen lenak pidnak nap iri na-t yongga worosolat woragij-o. Lit unpuruk nurak nap lenak pidnak iri na uruk worala-ge, Nagawan Indo-nen-e Isarael nab-e pempa unuwim nap ininggiyapma-nen wisirik onposolat woragij-o. Nde, it yemndak unpuruk woragolat anggun panggun tak onpogola, yane witli ereba na kulurug-e, Nagawan Indo-ge enabuwa-t kasolat woragij-o.

WENE MBENARUGWI NAP-NEN KWARIDNAK WENE 2:20

Iri kwarogola karuk, Nagawan Indo isilepma Isarael nap enpem posolat-nen yak ondosolar-e: ”An-e it enlem yu onmborak inmin kondosolat, it-nen tena wolmakluk urul yak indigi-t nde, it enlem yu-nen-e inmin kondosolat urul pigi iri na-ge an-nen enpem pigi iri na kwid togolar-e, pok tak pili-o.

WENE MBENARUGWI NAP-NEN KWARIDNAK WENE 2:7

Nde, Yosua na uruk worala-ge, Isarael nab-e Nagawan Indo imin kundik woraiga-o. Wat yamu ombol nggwe-nen na Nagawan Indo-nen Isarael nap enmanggim kwiye worak kwaridnak ereba na enlengen kaidnak nap ereba na enne kologolat woragolar-e, Nagawan Indo imin-et kundik woraiga-o.

WENE MBENARUGWI NAP-NEN KWARIDNAK WENE 4:1

Wene mbenaroso nap Eyut iri na wat yosoloma-ge, Isarael nab-e tuguruk Nagawan Indo imin meya kwariga-o.

WENE MBENARUGWI NAP-NEN KWARIDNAK WENE 8:33

Nde, Nggireyon iri na wat yosola-ge, Isarael nab-e tugup lak Nagawan Indo-nen yidnak yidnak kwarigit lak yiga-o. Iri kwarogolar-e, kugwi Mbaal erembel wanogolat, Mbaal Mberit iri na-ge it enmbal pem nagawan tak piga-o.

1 SEMUEL 15:23

Nagawan Indo imin eyak wurugwi iri-ge kugwi tu mbarugwi ndak ndak-net yusu-o. Nde, inndi kek yugwi iri-ge kugwiwak erembel wanugwi ndak ndak-net yusu-o. Kar-e Nagawan Indo ene tarigendik me, Nagawan Indo-nen-e kat-nen nagawan woraso iri na-ge lak tak kibij-o” luk yak tij-o.