WENE MBENARUGWI NAP-NEN KWARIDNAK WENE 2:16 - Nanduk Ngget Tul Pidnak Wene

¹⁶ Iri kwarogola-ge, ap nden unpugwi nap ereba na ininggiyapma-nen wisirik unpuwakluk, pempa Nagawan Indo-nen enne kulurak nab-e wok ondosolat woragij-o.

WENE MBENARUGWI NAP-NEN KWARIDNAK WENE 2:16 ပူးပေါင်းရင်းမြစ်များ

NEMIA 9:27

Iri yogola-ge, kat-nen-e ir-e inminep wesera unuwim nap endam inpigen-o. Iri yigenma insilepma min mondok anggun panggun tak inpiga-o. Alat nde, iri nggal anggun panggun tak onpogola-ge, yongga unduwakluk kat keram wene mbo kibil lobok yiga-o. Iri yogola, kat-nen aid arem-nen kulurug-e, enabuwa karuk enne kuligen-o. Kulurug-e, kat-nen-e it unuwim nap ininggem-nen inmiri yuwakluk, it-nen ene kulurak nap min san ombo onowe min lenak inpigen-o.

YIDNAK YIDNAK WENE 13:20

Nde, o iri me woragolar-e, molengen ebis-et empat ratus lima pulu (450) nggal irit woraruk, ombol nggwe-nen-e Mbal Pem Nagawan-nen wene mbarugwi nap wok enderenak woralar-e, Mbal Pem Nagawan ene lomboksa yoso nap Semuwel woragaid kuri agaij-o.

WENE MBENARUGWI NAP-NEN KWARIDNAK WENE 11:32

Iri yosolug-e, Yepta iri na-ge Amon nap inmin wim mbaril Yi Yareren eyak ele bem ndil lagarik, Amon nap inmin wim mbarosola-ge, Nagawan Indo-nen-e Yepta ombol nggwe rak ibij-o.

WENE MBENARUGWI NAP-NEN KWARIDNAK WENE 4:5

Nde, kwe Ndebora iri-ge Arama wok Mbetel wok o ndobo worak Eperaim wi iri me kuruma engen nunggwi kelapa ari nggal iri na erep pem koreyak worasola-ge, Isarael nab-e wene worala-ge, wene kon unduwakluk eram lobok yugwi-o.

WENE MBENARUGWI NAP-NEN KWARIDNAK WENE 6:14

Yosoloma, Nagawan Indo-nen wene yu-ge Nggireyon ebem pij-o: ”Kar-e mondok kamawi kunduruk mburugundik, Mirian nap ininggiyapma-nen Isarael nap wisirik inpi-o. Mondok an-net wirik kubusu-o” luk yak tij-o.

URUT 1:1

Nde, nanduk Isarael nap ennggendumu nagawan mendak unpugwi lak woragola tarem-e Kanaan wi-ge nogoro mondok kwiye worak irit mbud yij-o. Nde, iri tarem-e ap misik unu-ge Elimelek irit woragij-o. At iri-ge Eperata nap, Yewura nggweyak pem o Mbetleyem woragij-o. Nde, iri me mondok nere kwiye worak mbud yosola-ge, ogwe Naomi min enmbararak mberen Maklon min Kilion min inmin Moap wi mberarik, ereba me worakmu-ge,

1 SEMUEL 12:11

Nde, imbirik-nen-e Nagawan Indo-nen Nggireyon lenak puruk, imbirig-e Mbarak lenak puruk, imbirig-e Yepta lenak puruk, nde, erep yoboksa-ge an lenak nibij-o. Iri yamu nit nenariktak lombok-net wim nap ininggem-nen Weserak kinpige-o. Iri yikma-ge, kir-e kona yamuksa woraigeb-o.

1 SEMUEL 14:48

Ar-e amawi bem umbunu bem wim mbarosolar-e, Amalek nab-e urugwe nggwe rak unpuruk, Isarael nab-e ap nden unpugwi nap ininggem-nen wisirik onposolat woragij-o.