WENE MBENARUGWI NAP-NEN KWARIDNAK WENE 2:10 - Nanduk Ngget Tul Pidnak Wene

¹⁰ Nde, imbirig-e, ap at anggul mbilit ereba na-ge war-et yiga-o. Wat yikma, ap it inmbirik waiga nab-e Nagawan Indo enaru buk irit woraiga-o. Iri kwariga iri-ge Nagawan Indo-nen Isarael nap enmanggim kwarid ereba na enaru buk-nen ndowaga kwariga-o.

WENE MBENARUGWI NAP-NEN KWARIDNAK WENE 2:10 ပူးပေါင်းရင်းမြစ်များ

NDAK WIRIDNAK WENE 15:15

Kar-e abu kindi worag-et luk, kalen pem-et komborak enndam mburugunmu, yapma kubuwa-o.

NDAK WIRIDNAK WENE 25:17

Nde, Ismael iri na-ge woralar-e, olengen seratus tiga pulu tuju (137) irit woraruk, wat yij-o.

NDAK WIRIDNAK WENE 49:33

Nde, Yakup na wene at kwat uburak wene iri na ndegera yak undurug-e, mbiring yosolar-e, irit wat yij-o.

2 SEMUEL 7:12

Kat nde kindi worak luk wat yosola-ge, komborak endam-et yapma kubukmu, kat kambararak misig-e nagawan tak ibimin-o. At iri-nen-e an nuwi wuruwa-o. Nde, at-nen tenagidnak wi-ge an-nen tugup lak tak pumu, at-nen tenagidnak wi irit wolma-o. Worala-ge, at-nen wigarak mbi-nen nagawan irit woralat at-nen tenagidnak wi-ge pempa tena irit wolma-o.

MBIRIGA WENE 1:6

Nde, iri kwasa mbirigarik woragolat Yusup min at owerak inmin-e wat yiga-o. Iri nggal-et ap erep at anggul mbilit ereba na war-et yiga-t nde,

MBIRIGA WENE 1:8

Nde, ereya tarem-e Yusup aru buk nap Mesira nagawan mbi men yosolar-e, o Mesira iri na tena buruk woragij-o.

MBIRIGA WENE 5:2

Pirayon-nen yak ondosolar-e: ”Nagawan Indo iri-ge ta-o? An-e at ene kuluruk, Isarael nab-e lerak keya unpumu, mburuwa? An-e Nagawan Indo iri-ge naru bug-o. Isarael nab-e ’Mberer-o’ luk mondok lerak inpimin pug-o” yak indij-o.

YEREMIA 31:34

It iri-ge nggok-nen marik-nen oboksa an-e enaru yuwa me, it ennggamirak ennggendumu misik-nen Nagawan Indo an it-nen enaru makluk mul undurag-e lag-o. Nde, it-nen lugud tak kwarugwi-ge an-nen meme rak onposolat, nde, it meya yidnag-e an-nen namberam tak pimin-o. Nagawan Indo an-net yigi-o” luk yij-o.

YEREMIA 9:2

An nde nembaga karu me ereba nde ap tula mborogolat nene yurak o lije nde kalepndik nggal-nen-e an nelem nap enaye-nen inggi mbara mbereyekluk, mondok keya unpuruk mbetleb-o. It oboksa-ge mondok mot mot kwarugwi buk, lugud perel kwarugwi nap-nen yili-o.

YEREMIA 9:3

Pempa enesiget yurak nak lud tak puruk worali-o. It woragwi o oboksa-nen lud tak nak kwarugwi-ge mondok abu lak yosolat, lugud tak kwarugwi mende nak amawi kundusu-o. Nagawan Indo-nen yosolar-e: ”It an nilirak-nen-e an nimin-e ’At iri-ge nit Nenmbal Pem Nagawan-nen yusu-o’ luk nibirigit lak, kundugu kandugu meya nak kwat tenak worali-o” luk yij-o.

YEREMIA 9:5

It oboksa-nen it na it-nen enmberam lagolat, misiger-o luk mbi-nen ndemeret mot mor-e yili bug-o. Enemnde-ge enesiget yugwi kwasa labuk yidnak me, it-nen meya kwarugwi iri keya burag-e meya yusu-o. Meya nak kwaril kwaral mborogolat, ap enmberam nak lagolat, iri nggal nak pempa mondok kundugu kandugu kwarogolat, Nagawan Indo-ge mondok abu abu mbo ibili-o.

WONARIDNAK WENE 27:13

Yik kasolug-e, kat kowe Arun wat yid nggal-et wat yugun iri-ge,

LUKAS 20:32

Iri luk, abog-e kwe na wat yij-o.

YIDNAK YIDNAK WENE 13:36

Nde, Ndaud iri-ge at woragaid tarem woralar-e, Mbal Pem Nagawan indi-n pidnag-et kwat tenak woraruk, wat yamu-ge at omborak entalu yapma pikma, piri yij-et nde,

TUGURUK YIDNAK WENE 31:16

Nagawan Indo-nen Musa yak tosolar-e: ”Yawo kat wat momtag-e mondok panggo yusu-o. Kat nde abu mborosola-ge, Isarael nap-nen an-nen urul yak indigi na keya bogolat, an-nen yidnag-e kwaruwa bug-o. Ir-e o it abok ngguwa sa iri me woragwi nap-nen erembel wanugwi unkugiwak erembel wanogolat, an-e keya nubuwa-o.

2 TESALONIKA 1:8

Kan mare min lobok yosolar-e, Mbal Pem Nagawan-e ndemerer-o luk yugwi buk nap min Nenagawan Indo Yesus-nen yidnak aid wene kuruk tugwi nap min enpem angin worak mende puwa-o.

TITUS 1:16

It-nen yogolar-e: ”Mbal Pem Nagawan-e nit nenaru-o” luk yili-t nde, it-nen kwarugwi iri bem-nen ar-e lak tak ibili-o. Ir-e meya nak kwarogolat, yidnak yidnak kwarigit lak yogolat, konak mbi kwarurag-e mondok meya-o.

YOSUA 24:31

Nde, Yosua iri na uruk woralar-e, Isarael nab-e Nagawan Indo nak ndegel obogolat woraiga-o. Wat yamu-nen na it ennggendumu enne kulugwi nap ereb-e Nagawan Indo-nen Isarael nap yongga ondosolat, kwiye worak kwarid ereba-ge enlengen-nen kaidnak nap ereba na woragola, enne kologolar-e, Nagawan Indo nag-et ndegel obogolat woraiga-o.

1 SEMUEL 2:12

Eli ambararag-e Nagawan Indo indi aye lak tak puruk, mondok meya lombok kwarogolat woraiga-o.