WENE MBENARUGWI NAP-NEN KWARIDNAK WENE 16:20 - Nanduk Ngget Tul Pidnak Wene

²⁰ Iri rak puruk ene nggoksa Ndelila-nen yosolar-e: ”Simson wa-e. Pilisin nap lobok yili-o!” luk yak tosoloma-ge, Simson-nen perasolar-e: ”An-e nanduk-nen men yusu ereba na nggal-et men yimin-o” luk peragidnggal-e, mondok ndeyak irit men yij-o. Nde, Nagawan Indo-nen keya ibid iri na-ge ar-e aru buk irit woragij-o.

WENE MBENARUGWI NAP-NEN KWARIDNAK WENE 16:20 ပူးပေါင်းရင်းမြစ်များ

YESAYA 42:24

Isarael iri-ge nden unpuwaklug-e ta-nen iminep wisirik pij-o? Iri-ge Nagawan Indo ondomok-net iminep wisirik pamu-o. Iri kwarid iri-ge nit-nen at erengen pem-e at-nen yidnak yidnak kwarigit lak yogolat, meya nak kwarogolat, at-nen mul nindidnak wene na imbirik mbirigit lak yogola karuk, at-net iminep wisirik pij-o.

OSEA 7:9

Nde, it-nen-e: ’Nir-e enlem nin nap inmin kondogolar-e, nit nenmawi lak yusu-o’ luk iri nggal-e yebet kali bug-o. Iri kwarogolar-e, it-nen wolmomtag-e poro yusu-t nde, ir-e enaru buk worali-o.

WONARIDNAK WENE 14:9

Kir-e Nagawan Indo imin wene eyak worogolat, o iri me woragwi nap enaye yili-ge meyog-o. Nit-nen it urugwe nggwe rak unpurag-e, te-nen yusu-o. Nde, it inmiri yoso kugwi-ge mondok keya enpamu-o. Nde, nir-e Nagawan Indo-ge ninmin worasu-o. Iri ala, kir-e kwiye yili-ge mondok meyog-o” luk yak indiga-o.

MATIUS 17:16

Kat kowosirak na endam ibil lobok yigi-t nde, it-nen-e ki rak uburag-e meya-o” luk yij-o.

MATIUS 17:20

Yogolikma-ge, Yesus-nen wene erep nggarosolar-e: ”Kit kinndi kwara angin tubu yigit lak ala-nen meya yij-o. An-nen yak kendeyeg-o: Kit kinndi angin tubu yidnak iri-ge we sawi uwi marik iri nggal ndak ndak worala-ge, kit-nen ndobo yu yak togolar-e: ’Yu me-nen iri me mbiri-o’ luk yak togola-ge, mburuwar-o. Kit-nen kwarurak mende angin worak misik mbi worasu-ge lag-o. [

2 KORINTUS 3:5

Nit nondomok nenmawi bem-nen nit nenambik neneyabu nggal yabu yu wanili bug-o. Mbal Pem Nagawan at-net yabu wanurak nenpem tak poso-o.

TUGURUK YIDNAK WENE 32:30

Ap misiget-nen ap seribu (1.000) nuk iniyudtag-e, ndag-a? Mberen nap nak-nen ap sepulu ribu (10.000) langgara wirik unpurag-e ndag-a? Nagawan Indo Enmbal Pem Nagawan-nen-e ir-e ap enpem onggo wanosolat, Enmbal Pem Nagawan amawi worak iri na-nen keya inpij-o.

YOSUA 7:12

Iri-nen ndowaga it-nen wim nap inmin pak turag-e meya agaij-o. It langgara wirik inpiga iri-ge it ondomok-nen lak tak unpuwakluk enare biga iri-nen ndowaga ir-e pak tigit lak yiga-o. Silobulo yariya waniga iri nde lak tak pigit lak ma-ge, an-e mondok kinmin woramin pug-o.

WENE MBENARUGWI NAP-NEN KWARIDNAK WENE 16:14

Yosoloma, Ndelila-nen Simson iri na-ge erengen lambururak mende kwarak obosola, nene yosola-ge, Simson anggulsu ut tuju mbok sum yakwi kere iri na bem kamarak puruk ereb-e e sum yakwi iri na bem parik pij-o. Iri rak puruk-nen yosolar-e: ”Simson wa-e. Pilisin nap lobok yili-o!” ene nggoksa yij-o. Iri yosoloma, Simson na men yosolar-e, anggulsu iri na lit kagaidnggal-e, e mbok sum yakwi iri na min kamarak iri na-ge wosoksa labuk yij-o.

WENE MBENARUGWI NAP-NEN KWARIDNAK WENE 16:19

Iri lug-e, Ndelila-nen inggi Simson ebem kogo worosola-ge, Simson na-ge Ndelila abem nene yamu-ge, ap misik wene mbo ebamu, Simson anggulsu ut tuju ereya na mbarak pamu amawi lak yosola-ge, kwe iri na-nen andi bandi rak ibij-o.

WENE MBENARUGWI NAP-NEN KWARIDNAK WENE 16:21

Iri yosola-ge, Pilisin nap lobok yogolar-e, tenaguruk erengen kela keya buruk, o Nggasa waruk mbirigarik, posid kere mberen pem kamarak puruk, o kubu me pil ngguruk, yabu-ge nggandum mbato engen mbilarugwi mende kerep iri na ebem pikma engen mbilarosolat woragij-o.

WENE MBENARUGWI NAP-NEN KWARIDNAK WENE 16:3

Alat nde, iri tarem-e Simson iri na-ge iri me nene yigit lag-o. Kubu nggiringgendumu-ge menluk mberarik, o siri pak leget tumende iri na me wok yosolar-e, owak nggok ebem watsa tumende pidnak iri na min-et konoksa keya burug-e, endak pem kud turuk mberarik, Eboron ndik pindik ndobo bem pij-o.

1 SEMUEL 16:14

Saul na-ge Nagawan Indo Indi-nen keya uburug-e, Nagawan Indo-nen meya indi Saul ebem pil lobok yamu, Saul na-ge andi bandi rak obosolat woragij-o.

1 SEMUEL 18:10

Nde, kub-e Saul na-ge tege tenasa ama worasoma-ge, meya indi-ge Mbal Pem Nagawan-nen Saul arem pil lobok yosola-ge, mimo Saul arem nggosolar-e, ap kimiri-nen kwarugwi irit kwarij-o. Nde, iri na tarem-e Ndaut na-ge kecapi poba ene yusu ereba na nggal-et yik tenak worasoma-ge,

1 SEMUEL 18:12

Iri lug-e Saul na indi wok yosolat-nen yebet kasoma-ge, Nagawan Indo-nen-e ar-e keya uburuk, Ndaut irit kura oboso ala karug-e, at-nen Ndaut aye yij-o.