WENE MBENARUGWI NAP-NEN KWARIDNAK WENE 16:18 - Nanduk Ngget Tul Pidnak Wene

¹⁸ Iri yak tosola-ge, Ndelila-nen perasolar-e: ”Arem nak woraso kura wene iri na-ge yawo-nen yid yu-t kagi” perasolug-e, Pilisin nap nagawan ereba na endam wene wirik posolar-e: ”Kir-e mondok tuguruk yawo nak lobok yer-o. Nde, Simson amawi yoso kura wene iri na-ge abu para yak neramu-o” yosoloma, lobok yogolar-e, Ndelila amanggim uang waruk lobok yiga-o.

WENE MBENARUGWI NAP-NEN KWARIDNAK WENE 16:18 ပူးပေါင်းရင်းမြစ်များ

1 NAGAWAN NAGAWAN-NEN KWARIDNAK WENE 21:20

Nde, Akap-nen Elia karuk, yak tosolar-e: ”Nuwim nap wa-e. Kar-e an nebem kore yurak lobok yusu-a?” luk yak tij-o. Yosoloma-ge, Elia-nen yosolar-e: ”Ye! Ndemerer-o. Nap kar-e mondok kindi-net wat tak puruk, Nagawan Indo erengen pem mondok meya nggok kwaridnak me,

WONARIDNAK WENE 22:7

Iri yosoloma, wene na waruk Moap nap min Mirian nap min ennggendumu-nen enne kulugwi nap ereba na-ge Isarael nap inmbiri lamut tak purak pem onggo min Mbileyam eram wirik inpij-o. Iri yamu, Mbileyam eram wok yogolar-e, Nagawan Mbalak-nen wene wosa pid wene ereba na yak tiga-o.

MATIUS 26:15

it yak ondosolar-e: ”An-e Yesus na wesel kondosola-ge, onggo no wok nurugub-o?” luk yij-o. Yosoloma-ge, it-nen-e kerep tol tiga pulu iri wonasa wok tiga-o.

EPESUS 5:5

Kit-nen ”Iri-ge ndemeret wene-o” luk peragolat wolmomtak wene-ge yu-o: Mbabi yugwi nap min kop kap tobok tak woragwi nap min ukwe ukwe yugwi nap min (Nde, ukwe ukwe yugwi iri-ge kugiwak erembel wanugwi nggal-nen yusu-o) iri kwarugwi nab-e Kerisut min Mbal Pem Nagawan min-nen tenagaidnak wi-ge winde ma bug-o.

1 TIMOTIUS 6:10

Yi meya ndi meya pidsa elem-e uwang nak ukwe ukwe yugwi irir-o. Ap erep-nen-e uwang langgal luk mborogolar-e, it inndi angin tubu yidnak na-ge kabak tak puruk, it inndi andi bandi rak purak mende kwarat ondomok enpem pugwi-o.

WENE MBENARUGWI NAP-NEN KWARIDNAK WENE 16:17

Simson-nen kura wene iri na para yak tosolar-e: ”An nanggulsu-ge mondok mbarugwi bug-o. An-e Mbal Pem Nagawan amanggim nak lenak wolmakluk, mondok ndesa mbosola-net Nasit nap ala-nen nanggulsu-ge mondok mbarigit lag-o. An nanggulsu nde mbatlepnggal-nen-e mondok namawi lak yosolat, we nap nggal kwat yeleb-o” luk yij-o.

WENE MBENARUGWI NAP-NEN KWARIDNAK WENE 16:19

Iri lug-e, Ndelila-nen inggi Simson ebem kogo worosola-ge, Simson na-ge Ndelila abem nene yamu-ge, ap misik wene mbo ebamu, Simson anggulsu ut tuju ereya na mbarak pamu amawi lak yosola-ge, kwe iri na-nen andi bandi rak ibij-o.

WENE MBENARUGWI NAP-NEN KWARIDNAK WENE 16:5

Pilisin iri me woragwi nagawan lima Ndelila eram wok yogolat-nen yak togolar-e: ”Kar-e at-nen idnak amawi iri elem mirik kubuwakluk amberam layekluk emengen mbari-o. Iri-nen amawi iri lak tak pogolar-e ngge kwasa-n lak tak purag-o? luk mirik kubuwakluk emengen mbarurag-o. Iri kwarugunmu nit lobok yogolar-e, kamatluk urugwe nggwe rak puwok-nen-o. Iri kwarugunmu nit ninlit tak lombok-nen perak tol seribu seratus (1.100) wok kurul-o” luk yak tiga-o.