WENE MBENARUGWI NAP-NEN KWARIDNAK WENE 16:17 - Nanduk Ngget Tul Pidnak Wene

¹⁷ Simson-nen kura wene iri na para yak tosolar-e: ”An nanggulsu-ge mondok mbarugwi bug-o. An-e Mbal Pem Nagawan amanggim nak lenak wolmakluk, mondok ndesa mbosola-net Nasit nap ala-nen nanggulsu-ge mondok mbarigit lag-o. An nanggulsu nde mbatlepnggal-nen-e mondok namawi lak yosolat, we nap nggal kwat yeleb-o” luk yij-o.

WENE MBENARUGWI NAP-NEN KWARIDNAK WENE 16:17 ပူးပေါင်းရင်းမြစ်များ

NGGOMO WENE 13:3

Wene yogolat inndi-net kwaluk yugwi nab-e woragolar-e, kona yamuksa-t wolma-o. Wene kasa ereba nak yugwi nab-e enlengenwak lak ma-o.

MIKA 7:5

Kat keralu woragwi nap ereba na-nen yidnak wene-ge ndemerer-o luk yebet kudtak pug-o. Kat kanggam iri na ebem na kindi wat tak puruk wolmomtak pug-o. Kat-nen wene yugun iri-ge kambik kogwe iri na imbiri bem-et nde, kat-nen wene yosolar-e, kindi kwara yebet karuk-nen yurag-o.

WONARIDNAK WENE 6:5

At-nen: ’Nagawan Indo amanggim lenak woramin-o’ luk owak mbatluk woralar-e, anggulsu min ondoksu min mbarigit lak, mor-et keya burag-o. At-nen ’Irit kwarimin-o’ luk owak mbaridnak iri na bem-et woralar-e, anggulsu min ondoksu min-e mot makluk keya burag-o. Iri kwasa woraruk larok yurak yidnak iri na bem wok yosola-net larok yurag-o.

YIDNAK YIDNAK WENE 18:18

Paulus na kwarat nggal Korintus worarug-e, anggamirak tak inpidnak nap na keya unpuruk, e koma arem-nen Siria mborosolar-e, Periskila min Akila min inmin mbirij-o. Kenkerea iri me-nen at-nen kumbuk polosolar-e, anggulsu mbarij-o.

WENE MBENARUGWI NAP-NEN KWARIDNAK WENE 13:5

Nde, kambara iri nde ndakundig-e, la iri-ge mondok ndagidnak tarem-net Nagawan Indo amanggim nak lenak wolmomtak nap (Nasit nap) me, anggulsu-ge mondok mbarurak pug-o. At-nen-e Isarael naba-e Pilisin nap ininggiyapma-nen wisirik unpurak amawi kunduwa-o” luk yak tij-o.

WENE MBENARUGWI NAP-NEN KWARIDNAK WENE 16:16

Iri nggal kwarosolar-e, pempa Ndelila na-ge ujwa mbarosolar-e, Simson emengen mbal tenak woragij-o. Iri kwarosola-ge, Simson-nen kulurak isili irit yosolar-e,

WENE MBENARUGWI NAP-NEN KWARIDNAK WENE 16:18

Iri yak tosola-ge, Ndelila-nen perasolar-e: ”Arem nak woraso kura wene iri na-ge yawo-nen yid yu-t kagi” perasolug-e, Pilisin nap nagawan ereba na endam wene wirik posolar-e: ”Kir-e mondok tuguruk yawo nak lobok yer-o. Nde, Simson amawi yoso kura wene iri na-ge abu para yak neramu-o” yosoloma, lobok yogolar-e, Ndelila amanggim uang waruk lobok yiga-o.