WENE MBENARUGWI NAP-NEN KWARIDNAK WENE 16:16 - Nanduk Ngget Tul Pidnak Wene

¹⁶ Iri nggal kwarosolar-e, pempa Ndelila na-ge ujwa mbarosolar-e, Simson emengen mbal tenak woragij-o. Iri kwarosola-ge, Simson-nen kulurak isili irit yosolar-e,

WENE MBENARUGWI NAP-NEN KWARIDNAK WENE 16:16 ပူးပေါင်းရင်းမြစ်များ

YUNUS 4:9

Alat nde, Mbal Pem Nagawan-nen Yunus yak tosolar-e: ”Kat-nen ol kere iri bem kisilepma yurak iri-ge ndak ndag-e lag-o” yosoloma, Yunus-nen onggo yosolar-e: ”Noluk-nen nisilepma yigit lak yurag-o? Mondok nisilepma kwarat yosolat wat momtak iri-ge ndak-net yusu-o!” luk yij-o.

MARAKUS 14:24

Nunggukmu-ge, Yesus-nen it yak ondosolar-e: ”Yu-ge ap kwarat enmanggim wirik purak eyabi, Mbal Pem Nagawan-nen urul pidnak wene na ebe rak pusu neyabi-nen yusu-o.

LUKAS 11:8

Iri ala-ge, ngge kwarurak kali-o? An yak kendeyeg-o. We anggam pem nag-e mburu iri wok kuruwa bug-et nde, ’Wok niri-o’ luk kwiye lag-et kiri keresa nggi yik tenak worasola-ge, men luk, kat-nen ukwe luk nggi yugun mende-ge wok kuruwa-o.

LUKAS 18:5

kwe togwe yu-nen pempa an sil neyerenak wolmomtak iri-ge meya me, an-e wene na mbal teyeg-o. Nde, lak nde ala-ge, kwe yu-nen-e an pempa sil neyerenak worasolar-e, an anggun panggun tak nuburag-e meya kagi’ peragaij-o” luk yak indij-o.

WENE MBENARUGWI NAP-NEN KWARIDNAK WENE 14:16

Iri yogola, Simson ogwe iri na yip-nen un eram mborosolat-nen un yak tosolar-e: ”Kar-e mondok an nabuwa kasu buk keyagi-o. Kat-nen-e ombol mbarak wene an nanggamirak yak indigen-et nde, ombol mbarak wene iri ebe-ge iri nggal-o luk para an yak nurusu bug-o! Ndemeret kar-e an-e kisili-t kagi-o” yak tij-o. Yosoloma, Simson-nen yosolar-e: ”Irit nde, an nondomok neid niya-t nde, yak undusu bug-o. Noluk-nen kar-e yak kururak yusu-o?” luk yak tij-o.

WENE MBENARUGWI NAP-NEN KWARIDNAK WENE 14:17

Nggok sakolat tuju bem ereya na woragolar-e, Simson ogwe iri na-ge wene iri na yak turak tak puruk, yip-nen ujwa mbal tenak woragij-o. Iri ala karug-e, tuju bem tak pogolar-e, ombol mbarak wene iri na ebe-ge para ogwe yak tij-o. Iri yamu-ge at-nen-e Pilisin nap yak indij-o.

WENE MBENARUGWI NAP-NEN KWARIDNAK WENE 16:15

Iri ala karuk, Ndelila-nen yosolar-e: ”Kat-nen an yak norosolar-e: ’An-e kat kabuwa kasu-o’ yak nurusu iri na-ge yawo-ge kombol nggwe nak-nen yoso keyagi-o. Kenan pem-et kerengenma nggal tak nuburuk, yawo-nen na: ’An namawi-ge iri nggal-nen yusu-o’ luk yak nurusu bug-o” luk yak tij-o.

WENE MBENARUGWI NAP-NEN KWARIDNAK WENE 16:17

Simson-nen kura wene iri na para yak tosolar-e: ”An nanggulsu-ge mondok mbarugwi bug-o. An-e Mbal Pem Nagawan amanggim nak lenak wolmakluk, mondok ndesa mbosola-net Nasit nap ala-nen nanggulsu-ge mondok mbarigit lag-o. An nanggulsu nde mbatlepnggal-nen-e mondok namawi lak yosolat, we nap nggal kwat yeleb-o” luk yij-o.