WENE MBENARUGWI NAP-NEN KWARIDNAK WENE 15:19 - Nanduk Ngget Tul Pidnak Wene

¹⁹ Yosoloma, Mbal Pem Nagawan-nen kerep ndobo Lei iri na uru belak posoloma ndobo arem-nen yi wasola, Simson-e yi ninggij-o. Nurug-e, Simson na-ge tuguruk ebem yamuk yij-o. Iri kwaridnak ala karuk, yi pilana wasu iri na unu-ge Yi Akot yariga-o. Yi ulusu iri-ge Lei iri me-t yawo na worasur-o.

WENE MBENARUGWI NAP-NEN KWARIDNAK WENE 15:19 ပူးပေါင်းရင်းမြစ်များ

NDAK WIRIDNAK WENE 16:13

Yosoloma-ge, Agat-nen perasolar-e: ”An-e ndemeret yebet neyasolat woraso Mbal Pem Nagawan na-t kagi, lak?” peraruk-nen unu yarosolar-e: ”Nagawan Indo mondok an kwara yebet neyaso-o” luk yarij-o.

NDAK WIRIDNAK WENE 28:19

Nde, o iri na me unu yarosolar-e, Mbetel irit yarij-o. (O iri nanduk unu-ge Lus.)

NDAK WIRIDNAK WENE 30:30

An lobok yigit lak ma-ge, nimi karengge-ge marig-et woragij-et nde, yawo-ge an nebem-nen Nagawan Indo-nen imbiringgat tak kobosolar-e, karengge kwarat tak pij-o. Nde, yawo-ge an-e nogwela enmanggim yabu wanimin-o” luk yak tij-o.

NDAK WIRIDNAK WENE 45:27

Alat nde, it-nen Yusup-nen yidnak wene ereba na oboksa ndindorogolat, nggweyak koma at-nen ebem koreluk Mesira mbururak amanggim pid ereba na karuk-nen perak nde, indi kondok yosolat-nen yosolar-e:

NDAWI ENGGA 110:7

Nagawan-nen-e yi-ge tulabiyem-nen nujwa-o. Nuruk, amawi yosolug-e, ar-et ombol nggwe yuwa-o.

NDAWI ENGGA 34:6

Ebe lak mende nggal yik eneyagwi nap ereba na-nen nde Nagawan Indo eram wene mbo bil lagola-ge, Nagawan Indo-nen kuluruk, enne erep nggarosolar-e, anggun panggun kagwi oboksa arem-nen wisirik onposo-o.

MBIRIGA WENE 17:15

Iri lug-e, Musa-nen Mbal Pem Nagawan amanggim wam wosa kan purak ondoro kona mendaga keya buruk, unu yarosolar-e, ”Nagawan Indo iri-ge an-nen yenggerak purak mende-nen yusu-o (bendera)” luk yarij-o.

YESAYA 40:26

Kar-e kerengen mbal nggwe lik karuk, kwara lombot pi-o! Wonaru ereba-ge ta-nen ndak worak pamu-o? Mbal Pem Nagawan-net san ombo nggal ereba-ge obo nesa poso-o. Wonaru ereba oboksa wonarag-e ar-e aru-o. Oboksa unu yarak woralat, arik tak unnu luk wene mbo onposo-o. Nagawan Indo amawi-ge mondok nggok me, wonaru ereba misiger-o luk lak momtag-e meya-o!

YESAYA 40:29

At-nen-e enmawi lak min enpabok lak min enmawi rak poso-o.

YESAYA 44:3

An-nen-e yi-ge nggweyak amburu lak pem kilik posolat, nggweyak mbeng larak pem-et nde, yi wirik posolat kwarimin-o. An namawi-ge kat-nen wigarak ininggem posolat, kat kilirak-nen ndaguwa imbiringgat tak onposolat kwarimin-o.

WONARIDNAK WENE 20:11

Yak ondosoluk, Musa-nen wangun iri na bem kerep nggok iri na mberen pem lel kagaij-o. Lel kagaidnggal, yige amawi worak irit pilana wasolat, ap min wam min oboksa-nen ndak norak irit wagij-o.

WENE MBENARUGWI NAP-NEN KWARIDNAK WENE 15:9

Iri kwaridnak pem Pilisin nab-e Yewura nap unuwi nggweyak pem nggogolar-e, unuwi lije ereba me wiril lobok yogolar-e, o siri Lei iri na me enpem mbud yiga-o.