WENE MBENARUGWI NAP-NEN KWARIDNAK WENE 14:6 - Nanduk Ngget Tul Pidnak Wene

⁶ Ereya na-net Nagawan Indo-nen amawi rak posola-ge, ap-nen kambing amarik lebena keya bugwi nggal singa iri na-ge inggi bem-nen nak lebena keya bij-o. Nde, iri kwarid iri na wene-ge eid ija-ge mondok yak indigit lak yij-o.

WENE MBENARUGWI NAP-NEN KWARIDNAK WENE 14:6 ပူးပေါင်းရင်းမြစ်များ

NDAWI ENGGA 91:13

Kat-nen-e singa ndakngge min waro min-et nde, ebem kuwok puruk, singa ndakngge sujwe min lese min-et nde, kuwok-nen yemen tenak woragun-o.

YESAYA 42:2

Ar-e ene mba sa yilik, ene nggok sa mbo bilik iri-ge yuwa bug-o. Tula tula ereba me-nen na ene yil nuwa bug-o.

MATIUS 11:29

An-nen yidnak yidnak nak kwarogolat, an-nen kwaroso na mul kora yer-o. An-e ap yanggonak, nindi teberak nak woraso me, kit kinndi yamuk ma-o.

IBERANI 11:33

Nde, it inndi angin tubu yidnak pem-net wim nap nagawan-nen tenagaidnak wi ereba na inmin wim mbatluk, urugwe nggwe rak onpogolat, lud tak nak kwarogolat-nen Mbal Pem Nagawan-nen urul paga yak indidnak mende wanogolat, isilepma worak singa ndakngge na emende nggilil lobok yogolat,

1 YOANES 3:8

Nde, Sere na-ge nanduk nanduk-net meya nak kwat tenak woraso me, meya nak kwat tenak woragwi nab-e Sere ilirak-net yili-o. Nde, Sere-nen kwaroso iri na lak tak peyekluk Mbal Pem Nagawan Ambara na nggweyak ma yu me lobok yij-o.

WENE MBENARUGWI NAP-NEN KWARIDNAK WENE 11:29

Iri lug-e Nagawan Indo Indi-ge Yepta ebem mbuwasolar-e, Yepta na-ge o Nggileat min Manase min ereba nggwe kil mberarik, tuguruk Nggileat nggweyak pem o Mespa lobok yij-o. Nde, iri me-nen-e nok Amon nap onnggweyak nggwe irit mbirij-o.

WENE MBENARUGWI NAP-NEN KWARIDNAK WENE 13:25

Nde, la iri na-ge at elem nap Ndan woragwi sa o Sora wok Esitaol wok iri na me worala-ge, Nagawan Indo Indi-nen-e amawi ebem poso tel kwirij-o.

WENE MBENARUGWI NAP-NEN KWARIDNAK WENE 14:19

Ereya na-net Nagawan Indo amawi-nen Simson amawi rak posolar-e, Simson iri na-ge Askelon mbirij-o. Mberarig-e, ap sum konak nak yirik tiga pulu (30) indij-o. Unduruk unsum ereba na yonggora wanuruk lobok yosolar-e, ap tiga pulu (30) ombol mbarak wene ebe yiga ereya na wok indij-o. Iri lug-e, ama mborosolar-e, kwat ibiga ereba na bem isilepma kundugu irit mbirij-o.

WENE MBENARUGWI NAP-NEN KWARIDNAK WENE 14:5

Nde, Simson iri na-ge eid ija inmin Timna mborosolar-e, anggut yabu misik nggwe mborogolar-e, Simson iri na-ge singa ndakngge kusi misik karuk urum ene ngol yosola kulij-o.

WENE MBENARUGWI NAP-NEN KWARIDNAK WENE 14:7

Iri lug-e Simson na-ge kwe ndugum iri na eram mberarik, imin wene ndorosolar-e, indi ebem pij-o.

WENE MBENARUGWI NAP-NEN KWARIDNAK WENE 15:15

Iri rak puruk kelerai wam ondokwak yanak ngget misik wanosolar-e, iri na bem ap seribu (1.000) irit abu indij-o.

WENE MBENARUGWI NAP-NEN KWARIDNAK WENE 15:8

Iri luk Pilisin nap ondosolar-e, isilepma min enpem mbud yarik ondosolar-e, it ennggendumu enpe kwarat indij-o. Unduruk mberarik, kerep ndobo Etam iri me kerep yanggo misik me nggwarik woragij-o.

WENE MBENARUGWI NAP-NEN KWARIDNAK WENE 16:30

at-nen ene nggoksa yosolar-e: ”An-e Pilisin nap yeba inmin-et wat yeg-o” yosoluk, o owak undum enggendumu ya na amawi min-et wat kagaidnggal-e, o iri na tud yosolar-e, Pilisin nagawan lima ya na min-et ap kwarat ereba na inmin-et tebel inpij-o. Iri yosolar-e, Simson iri na min-et wat yij-o. Alat nde, Simson uruk woralat-nen ap indij-e mariger-et nde, at wat yosolat iri-nen indij-e mondok terak minik irit indij-o.

1 SEMUEL 10:16

Kin wanosoloma, Saul-nen onggo yosolar-e, kelerai wam lak yid ereba na-ge kaigarik worali-o yak tid iri na-ge yosolar-et nde, Semuel-nen at nagawan tak obosolat amburu anggul pem kilik pid iri na-ge eid misik iri na yak tigit lag-o.

1 SEMUEL 10:6

Nde, ereya na-net Nagawan Indo Indi kebem wok yosolar-e, kat min-et it-nen kwatli nggal kot kasolat, kene nggoksa ndawi yugun-o. Iri yosolar-e, kat kabage nin wok korosola, ap nin irit kwat yugun-o.

1 SEMUEL 11:6

Yak togola, kolosolar-e, Nagawan Indo Indi-ge Saul ebem wok yosolar-e,

1 SEMUEL 14:1

Nde, misik tarem-e Yonatan-nen ap sujwe at esan waruk naso iri na yak tosolar-e: ”Nir-e Pilisin nap-nen tu pakta worali sa ele me ndil log-o” yak tij-et nde, ar-e eid yak tigit lak irit yij-o.

1 SEMUEL 17:46

Kar-e o yawo-net Nagawan Indo-nen kegera ninggem posola, nggweyakma rak kuburuk kanggulwak mbarimin o. Mbatluk kat kebe min kat-nen idnak san ombo Pilisin nap oboksa enpe min-e towe mena-nen nok kunpuwakluk wok tumu, yi wi ndi wi oboksa-nen kulurug-e: ’Isarael nap-nen erembel wanugwi Enmbal Pem Nagawan-e worasur-o’ luk yuwa-o.