WENE MBENARUGWI NAP-NEN KWARIDNAK WENE 14:17 - Nanduk Ngget Tul Pidnak Wene

¹⁷ Nggok sakolat tuju bem ereya na woragolar-e, Simson ogwe iri na-ge wene iri na yak turak tak puruk, yip-nen ujwa mbal tenak woragij-o. Iri ala karug-e, tuju bem tak pogolar-e, ombol mbarak wene iri na ebe-ge para ogwe yak tij-o. Iri yamu-ge at-nen-e Pilisin nap yak indij-o.

WENE MBENARUGWI NAP-NEN KWARIDNAK WENE 14:17 ပူးပေါင်းရင်းမြစ်များ

NDAK WIRIDNAK WENE 3:6

Yak tosoloma, kwe na-nen e konak iri na yik kasolar-e: ”Engen konak irit undu kayeg-o” luk perasolar-e: ”An-e oboksa naru yosolar-e ob-er-o” luk peragij-o. Perarug-e, e iri na engen mbararik, ninggij-o. Nuruk, ereb-e un wok tamu, un iri na ninggij-o.

AYUP 2:9

Worala, ogwe-nen at yak tosolar-e: ”Kar-e yu nggal kwasa woralar-et nde, tugup lak Mbal Pem Nagawan imin kundik woragun-a? Mondok Mbal Pem Nagawan imbiri lamut tak puruk wat min-o!” luk yak tij-o.

NGGOMO WENE 7:21

Iri nggal yosolar-e, ap sujwe iri na-ge ene amburu ebem posolat, indi waga keya buruk amberam lagaij-o.

YEREMIA 9:3

Pempa enesiget yurak nak lud tak puruk worali-o. It woragwi o oboksa-nen lud tak nak kwarugwi-ge mondok abu lak yosolat, lugud tak kwarugwi mende nak amawi kundusu-o. Nagawan Indo-nen yosolar-e: ”It an nilirak-nen-e an nimin-e ’At iri-ge nit Nenmbal Pem Nagawan-nen yusu-o’ luk nibirigit lak, kundugu kandugu meya nak kwat tenak worali-o” luk yij-o.

MIKA 7:5

Kat keralu woragwi nap ereba na-nen yidnak wene-ge ndemerer-o luk yebet kudtak pug-o. Kat kanggam iri na ebem na kindi wat tak puruk wolmomtak pug-o. Kat-nen wene yugun iri-ge kambik kogwe iri na imbiri bem-et nde, kat-nen wene yosolar-e, kindi kwara yebet karuk-nen yurag-o.

LUKAS 11:8

Iri ala-ge, ngge kwarurak kali-o? An yak kendeyeg-o. We anggam pem nag-e mburu iri wok kuruwa bug-et nde, ’Wok niri-o’ luk kwiye lag-et kiri keresa nggi yik tenak worasola-ge, men luk, kat-nen ukwe luk nggi yugun mende-ge wok kuruwa-o.

WENE MBENARUGWI NAP-NEN KWARIDNAK WENE 14:16

Iri yogola, Simson ogwe iri na yip-nen un eram mborosolat-nen un yak tosolar-e: ”Kar-e mondok an nabuwa kasu buk keyagi-o. Kat-nen-e ombol mbarak wene an nanggamirak yak indigen-et nde, ombol mbarak wene iri ebe-ge iri nggal-o luk para an yak nurusu bug-o! Ndemeret kar-e an-e kisili-t kagi-o” yak tij-o. Yosoloma, Simson-nen yosolar-e: ”Irit nde, an nondomok neid niya-t nde, yak undusu bug-o. Noluk-nen kar-e yak kururak yusu-o?” luk yak tij-o.

WENE MBENARUGWI NAP-NEN KWARIDNAK WENE 14:18

Iri yamu, tuju bem tak pogolar-e, mo wusa mbigit lak ma o iri me woragwi nap-nen Simson yak togolar-e; ”Tamuk amburu undu konak iri ombol pem undu konak terak minig-e no mende-o? Singa ndakngge teberak puruk, mondok amawi worag-e no mende-o?” yogoloma-ge, Simson-nen onggo yosolar-e: ”An nogwe iri lak nggal-nen-e ombol mbarak wene ebe iri-ge yelep pug-o!” luk yak indij-o.

WENE MBENARUGWI NAP-NEN KWARIDNAK WENE 16:13

Iri ala karuk Ndelila-nen yak tosolar-e: ”A! Kar-e kerengenma nggal tak nuburuk kenesiget wene yak nirigenma-o. Ndak yak niri-o, nab-o. No bem-nen kamat kibidnak-nen perak ndulurak meya ma-o?” luk yak tij-o. Yak tosoloma, Simson-nen onggo yosolar-e: ”An nanggulsu ut tuju mbok sum yakwi mende kere bem kamarak puruk, kere erep iri na-ge e mbok sum yakwi iri na bem yilik pugunmu-ge, namawi lak yosolat, we nap nggal kwat yimin-o” yak tij-o.

WENE MBENARUGWI NAP-NEN KWARIDNAK WENE 16:16

Iri nggal kwarosolar-e, pempa Ndelila na-ge ujwa mbarosolar-e, Simson emengen mbal tenak woragij-o. Iri kwarosola-ge, Simson-nen kulurak isili irit yosolar-e,

WENE MBENARUGWI NAP-NEN KWARIDNAK WENE 16:6

Iri yak tikma, Ndelila-nen Simson yak tosolar-e: ”Simson wa-e. Kar-e kat kamawi iri-ge no-nen ndowaga-o? Kat kamawi iri lak maklug-e no bem-nen kamat kuburag-o? Kat kamawi yusu kura wene iri-ge mondok para yak niri-o” luk yak tij-o.