WENE MBENARUGWI NAP-NEN KWARIDNAK WENE 14:15 - Nanduk Ngget Tul Pidnak Wene

¹⁵ Iri ala karuk empat pem tak pogolar-e, it-nen-e Simson ogwe iri na yak togolar-e: ”Ombol mbarak wene iri na nit yak nunduwak-nen kat-nen kun emengen mbari-o. Kat-nen nde ebe para yak nindigit lak ala-ge, kat min keid kiya enma woragwi nap inmin oboksa kan kunpul-o. Kir-e nit yonggo ninpigeb-e nit nenarengge mende nak ondoro rak purak yonggo ninpigeb-a?” luk yiga-o.

WENE MBENARUGWI NAP-NEN KWARIDNAK WENE 14:15 ပူးပေါင်းရင်းမြစ်များ

NGGOMO WENE 1:11

It-nen yak korogolat nde: ”Ndak lobok yi-o. Ap onkore yulndik, eneyaruk, unduwog-o. Nenalen yurak pem meya kwarugwi buk nab-et unduwog-o.

NGGOMO WENE 5:3

Kwe terak waring kaso emnde mbu na mondok konak lombok, iri-nen ene na mondok ap indi lak tak posolat yoso-t nde,

NGGOMO WENE 6:26

Kweyap terak waring kagwi kweyap inmin nene yurak pem onggo wok ondogolar-e, onggo-ge nunggwi mende misiget pem norak onggo pugwi ndak ndak wok indili-t nde, ap onkwe min mbabi kwatli iri onggo-ge ap inndi-t weserak pili-o.

MIKA 7:5

Kat keralu woragwi nap ereba na-nen yidnak wene-ge ndemerer-o luk yebet kudtak pug-o. Kat kanggam iri na ebem na kindi wat tak puruk wolmomtak pug-o. Kat-nen wene yugun iri-ge kambik kogwe iri na imbiri bem-et nde, kat-nen wene yosolar-e, kindi kwara yebet karuk-nen yurag-o.

WENE MBENARUGWI NAP-NEN KWARIDNAK WENE 14:14

”Naso iri na bem-nen-e nunggwi mende nam yij-o. Nde, amawi worak iri na bem-nen-e undu konak mende nam yij-o” luk yak indij-o. Yak endamu o kenan pem-et kore yogolat woraiga-t nde, ombol mbarak wene iri na-ge ebe para yurak meya yij-o.

WENE MBENARUGWI NAP-NEN KWARIDNAK WENE 15:6

Iri kwaramu-ge, Pilisin nab-e ”Ta-nen kwaramu-o?” luk mbenariga-o. Mbenarogola, ap-nen yak ondogolar-e: ”Simson abak-nen Simson ogwe na anggam misik wok tidnak pem-nen Simson-nen kwaramu-o” luk yak ondogola karuk, Pilisin nab-e insilepma kwarat luk nggogolar-e, kwe iri na min eid ija enma woragwi oboksa inmin pendaga kan inpiga-o.

WENE MBENARUGWI NAP-NEN KWARIDNAK WENE 16:5

Pilisin iri me woragwi nagawan lima Ndelila eram wok yogolat-nen yak togolar-e: ”Kar-e at-nen idnak amawi iri elem mirik kubuwakluk amberam layekluk emengen mbari-o. Iri-nen amawi iri lak tak pogolar-e ngge kwasa-n lak tak purag-o? luk mirik kubuwakluk emengen mbarurag-o. Iri kwarugunmu nit lobok yogolar-e, kamatluk urugwe nggwe rak puwok-nen-o. Iri kwarugunmu nit ninlit tak lombok-nen perak tol seribu seratus (1.100) wok kurul-o” luk yak tiga-o.