WENE MBENARUGWI NAP-NEN KWARIDNAK WENE 13:3 - Nanduk Ngget Tul Pidnak Wene

³ Alat nde misik tarem-e Nagawan Indo-nen idnak aid nap misik nam luk-nen kwe iri na yak tosolar-e: ”Nde, kar-e la lak woraso-t nde, yanem-et kabila luk, liap misik ndakun-o.

WENE MBENARUGWI NAP-NEN KWARIDNAK WENE 13:3 ပူးပေါင်းရင်းမြစ်များ

NDAK WIRIDNAK WENE 17:16

An-nen Sara iri-ge imbiringgat tak posolar-e, an-nen li ap mbi wok kirimin iri na at-nen ndaguwa-o. An-nen Sara imbiringgat tak posola-ge, at iri-ge ap enlem oboksa iniya kwat ma-o. Nde, at-nen wigarak ereba ennggendumu-ge ap ereb-e nagawan men ma-o” luk yak tij-o.

NDAK WIRIDNAK WENE 18:10

it ereya na ennggendumu ap misik-nen yosolar-e: ”Nde, an-e waneya sembilan woraruk, tuguruk lobok yimin-o. Nde, iri tarem-e kogwe Sara la li ap mbi ndaguwa-o” yak tij-o. Nde, it wene iri yogola-ge, Sara na-ge it ap sal iri onmbol nggwe o lije sum uwi iri na tumende bem woralar-e, kulij-o.

NDAK WIRIDNAK WENE 18:14

Nagawan Indo-nen-e kwarugwi buk mende-t nde kwarurag-e meya? Waneya sembilan woraruk, an-e lobok yimin-o luk urul pigi iri tarem-e Sara-ge la li ap mbi ndaguwa-o luk yak kirigi nar-o” luk yak tij-o.

2 NAGAWAN NAGAWAN-NEN KWARIDNAK WENE 4:16

Elisa-nen kwe iri na yak tosolar-e: ”Olengen abok yu bem-e yanem ya nggal pem-e liap misik kinggem nugun-o” yak tij-o. Yak tosoloma-ge, kwe iri na-nen yosolar-e: ”Nab-o. Kar-e Mbal Pem Nagawan ndegel oboso nap-net nde, kenesiget yak nurusu-ge meyog-o!” luk yak tij-o.

LUKAS 1:11

Woragola-ge, Nagawan Indo-nen idnak aid nab-e Sakaria imbiri bem nam yij-o. Nde, aid nap iri-ge emben konak mende kan pugwi ondoro iri na eralu kigit ambigit nggwe mendak woragaij-o.

LUKAS 1:13

Alat nde, aid nap iri-nen Sakaria yak tosolar-e: ”Sakaria wa-e. Kwiye kasu meyog-o. Kat-nen tepan yigen-e Mbal Pem Nagawan-nen kolamu me, kat kogwe Elisabet na-ge li ap mbi ndaguwa-o. Nde, la na unu-ge Yoanes irit yarugun-o.

WENE MBENARUGWI NAP-NEN KWARIDNAK WENE 13:10

Lobok yosola-ge, kwe iri na-ge un eram mberarik-nen yak tosolar-e: ”Kil mbiri-o. Ap nanduk an neram lobok yid iri na-ge tuguruk lobok yarig-o” yak tij-o.

WENE MBENARUGWI NAP-NEN KWARIDNAK WENE 13:15

Yosoloma, Manoa-nen yak tosolar-e: ”Nab-o. Kar-e yu me yik neneyarok wolmin-o. Nir-e kambing mendaso misik saga wok kurul-o” yak tij-o.

WENE MBENARUGWI NAP-NEN KWARIDNAK WENE 13:6

Iri yak tosoloma-ge, Manoa ogwe na-ge un eram mberarik, un yak tosolar-e: ”Mbal Pem Nagawan-nen wirik ibil lobok yidnak nap mbi an neram lobok yarig-o. Nde, abage-ge Mbal Pem Nagawan-nen idnak aid nap abage nggal-et ala-ge, an-e kwiye kagi-o. Nde, an-nen: ’Kar-e ngge me-nen lobok yigendig-o?’ luk kin-e wok ibigit lag-o. Nde, at-nen na unu-ge yak nirigit lag-er-o.

WENE MBENARUGWI NAP-NEN KWARIDNAK WENE 13:8

Yak tosola kulurug-e, Manoa na-ge Nagawan Indo emengen mbarosolar-e: ”Nagawan Indo wa-e. Kat ndegel koboso nap iri-ge la obok yigen iri ndaguruk-nen kwat uburak wene ereba tuguruk yak nuruwak-nen ndegel koboso nap iri-ge pil lobok yi-o, nab-o” yak tij-o.

WENE MBENARUGWI NAP-NEN KWARIDNAK WENE 2:1

Nagawan Indo-nen idnak aid nab-e o Nggilnggal-nen mberarik Mbokim wok yosolat-nen Isarael nap yak ondosolar-e: ”Kir-e an-nen Mesira-nen wesera keya kunpuruk, an-nen konmborak wok kindimin-o luk urul yak indigi o iri na me kinmin lobok yigi-o. An-e tugurug-et yak kondosolar-e: ’An-nen urul yak kindigi iri-ge mondok worok tak pimin pug-o.

WENE MBENARUGWI NAP-NEN KWARIDNAK WENE 6:14

Yosoloma, Nagawan Indo-nen wene yu-ge Nggireyon ebem pij-o: ”Kar-e mondok kamawi kunduruk mburugundik, Mirian nap ininggiyapma-nen Isarael nap wisirik inpi-o. Mondok an-net wirik kubusu-o” luk yak tij-o.

1 SEMUEL 1:20

Ana iri na-ge abila lug-e, liap misik ndagij-o. Ndaguruk unu yarosolar-e: ”La yu-ge an-nen Nagawan Indo ebem nggi yigi-o” yosolar-e, unu-ge Semuel irit yarij-o.