WENE MBENARUGWI NAP-NEN KWARIDNAK WENE 11:39 - Nanduk Ngget Tul Pidnak Wene

³⁹ Iri kwaril nuruk, waneya mberen ereya na lak yosola-ge, la kwe iri na-ge eid eram tuguruk lobok yosola-ge, eid iri na-nen-e Nagawan Indo imin ’Irit kwarimin-o’ luk urul posolat owak mbarid iri na ndak ndag-et kwat ibij-o. Iri kwat obosola, la kwe ndugum iri na-ge awo ndugum pem irit wat yij-o. Elem iri kwaridnak pem-nen Isarael nap ennggendumu kweyap ndugum-nen-e yu nggal kwarugwi-o.

WENE MBENARUGWI NAP-NEN KWARIDNAK WENE 11:39 ပူးပေါင်းရင်းမြစ်များ

YESAYA 66:3

Alat nde, it enlem iri-ge it inndi-nen pidnak nak kwarogolat, ir-e enalen pem an nerembel wanogolar-e, meya unmunggum pil kagwi mende bem ereba na kwatli-o. It-nen meya min konak min lambuk tak nak yik kagolar-e: sapi kusi nde wosa bogolat, ap nde wosa bogolat; lomba amarik nde wosa bogolat, yengge nde undungunwak tenggesa bogolat; nggandum mbato nde Mbal Pem Nagawan amanggim pogolat, wam eyabi nde kan pogolat; emben konak mende kemenan nde kan pogolat, kugwiwak ut memera ndak wiridnak ereba na nde erembel wanogolat kwatli-o.

TUGURUK YIDNAK WENE 12:31

It enlem nin nap-nen it unkugiwak erembel wanogolar-e, Nagawan Indo isilepma rak pugwi mende kwarogolat-nen wanugwi me, kit-nen Nagawan Indo Kenmbal Pem Nagawan erembel wanogolar-e, it-nen kwarugwi iri mende kwarogolat erembel wanurak pug-o. Mondok it inlirag-et nde, it unkugiwak amanggim wosa kan pugwi sa iri me kan pugwi-o.

WENE MBENARUGWI NAP-NEN KWARIDNAK WENE 11:31

tuguruk nurug-et lobok yosolar-e, ta-nen nde nandug-et nama-nen wurungsa an nabuwok lobok yuwa iri-ge wosa Nagawan Indo kat kamanggim kan pimin-o” luk owak mbarij-o.

WENE MBENARUGWI NAP-NEN KWARIDNAK WENE 11:38

Yosoloma, eid-nen-e waneya mberen ereya na arem waring kasolat wolmakluk, lerak obosoloma, mbirij-o. Nde, kwe ndugum iri na anggamirak inmin ndobo worak ereba nggwe mbirigarig-e, Yepta ara iri na-ge ap na wanigit lak, la na ndakit lak irit wat yurak ala karuk, inndi puru-nen yip mak til nogolat woraiga-o.

WENE MBENARUGWI NAP-NEN KWARIDNAK WENE 11:40

Kweyap ndugum-nen-e o Nggileat nap Yepta ara iri-nen kwarid iri na yebet kagolar-e, olengen irit wosa mbutluk empat pem woragolar-e, inndi puru yogoluk, yip togolat woraruk lobok yugwi-o. 12:1-15 Pasal 12 yu arem-e Yepta min Eperaim nap min-nen wim mbariga wene min wene mbenarugwi nap erep min-nen kwaridnak wene min mbarak worasu-o.

1 SEMUEL 1:11

Iri yosolat-nen Ana-nen urul posolar-e: ”Nagawan Indo Kamawi Worak wa-e. Ndegel koboso kwe an-e kwara yebet niyi-o. Ndegel koboso kwe an-e meme rak nuburak pug-o. An-nen nindi andi kasu-ge kat-nen ki-o. Kat-nen nde liap misik wok nurugunmu-ge, mondok abu abu wok kurumu kat kimin-et pempa wolma-o. Nde, anggulsu-ge mbarigit lak irit wolma-o” lul urul yak tij-o.

1 SEMUEL 1:22

Alat nde, iri tarem-e Ana na-ge inmin mbirigit lag-o. Iri yosolat-nen un yak tosolar-e: ”An-e la Semuel yu kamo mbarak puruk-nen perak la yu Nagawan Indo ama pem wolmakluk abu abu pil mborosolat iri-nen perak mbirimin-o” yak tij-o.

1 SEMUEL 1:24

Nde, Semuel na kamo pok tak purug-e, ija-nen waruk Nagawan Indo, ama o Silo pil mbirij-o. Nde, iri tarem-e Semuel-e mondok marik komosa bem-et pil mbirij-o. Iri tarem-e Ana-nen-e sapi kusi olengen kenan woraidnak iri min nggandum mbato yigirik angin sepulu kilo min wam aboro-nen konidnak yimbe anggut engen amburu kobongsa kenanggo misik min-et waruk mbirij-o.

1 SEMUEL 1:28

Iri bem-e la yu-ge pempa Nagawan Indo amanggim nak lenak wolmakluk an-nen-e at eram kegera pusu-o” yak tij-o. Yak turug-e, it-nen Nagawan Indo erembel waniga-o.

1 SEMUEL 2:18

Iri kwarogola-ge, la marik Semuel iri na-ge Nagawan Indo mondok ndegel obosolat woralar-e, usum-e linen-nen konidnak tepan ombo-nen Nagawan Indo ama yabu wanogolat-nen nak yurugwi sum nggal irit yutluk wanosolat woragij-o.