IBERANI 9:5 - Nanduk Ngget Tul Pidnak Wene

⁵ Nde, labu mbarak na ombol pem-e abinal worak aid nap ndak worak iri ponok ponok woragaij-o. Nde, aid nap iri enlap labe erep kwindik worala, ap-nen meya yogolat woraidnak korak poso sa iri-ge indipma rak piga-o. Alat nde, iri wene oboksa yawo-t kwara ndindera yurag-e meya-o.

IBERANI 9:5 ပူးပေါင်းရင်းမြစ်များ

2 NAGAWAN NAGAWAN-NEN KWARIDNAK WENE 19:15

tepan yosolat-nen yosolar-e: ”Nagawan Indo Isarael nap Enmbal Pem Nagawan kerup aid nap ebem koreyak woraso wa-e. Nggweyakma wi o tena worali nagawan oboksa enanggul pem o tena woraso Mbal Pem Nagawan-e kat nak-nen yusu-o. Kat nak-nen mbal min nggweyak min-e ndak worak pigenma-o.

NDAWI ENGGA 80:1

Kolomba Isarael nap Yik Eneyarok Woraso wa-e. Nenne kwara kuli-o. Yusup-nen wigarak lombo oro nggal ligik iri-ge kat-nen lit unpuruk mburusu-o. Aid nap kerup ombol pem koreyak woraso kar-e keyaya bem

TEPAN OMBO-NEN KWARURAK WENE 16:13

Mbutlug-e, emben konak mende iri na-ge Nagawan Indo-nen yidnak urul pidnak wene labu mbarak iri na erengen-nen karug-e, wat ma naru, kule-nen urul pidnak wene labu mbarak iri na usurup muruk tak puwakluk kan purag-o,

TEPAN OMBO-NEN KWARURAK WENE 16:2

”Wene yu kowe Arun iri yak ti-o. At nde o sum-nen kuri worak mondok marak iri me nggosolar-e, ’Iri tarem nggurag-o’ luk ludtak pidnak tarem nak nggurag-o. Nde, iri me-ge an-e urul pidnak labu mbarak iri na usurup pem nggan nggan arem-nen nam yoso sa-nen yusu-o. Arun-nen nde wene yu kwid tosolar-e, mondok abu wat ma-o.

OROMA 9:4

Nde, it Isarael nap iri na-ge Mbal Pem Nagawan-nen len inpidnak nap-nen yili-o. It iri-ge Mbal Pem Nagawan-nen at ilirak tak unpuruk, at unu kek tak nggal unnu kek tak pij-o. It inmin-e: ”Iri nggal kwat kinpimin-o” yosolat, imiri mbarak pidnak wene na wok ondosolat, mot mot nak Mbal Pem Nagawan erembel wanurak elem mirik onposolat, Mbal Pem Nagawan urul yak indidnak wene na it-nen wanogolat yiga-o.

EPESUS 3:10

Kura woragaid iri-ge, yawo-nen-e lambuk tak inpidnak nap-nen-e Mbal Pem Nagawan indi nggat nggat elem nin tak nan tak iri-ge aid arem pemerinta min aid arem tena woragwi min mirik unpuwakluk yij-o.

IBERANI 4:16

Iri bem-e, Mbal Pem Nagawan indi op koreyak worasu sa at eram wok yogolar-e, ninndi kwiye lag-et wok yuwog-o. Nit nenabuwa kasolat, nit ninndi kabak yidnak tarem-nen we irit yongga nunduwakluk wok yuwog-o.

1 PETERUS 1:12

Nde, Mbal Pem Nagawan-nen at ene lomboksa yugwi nap yak indid iri-ge, it ondomok enmanggim yak indigit lag-o, Are, kit kenmanggim-et yak indij-o. Kit yawo kwara kulili Aid Wene iri-ge aid wene yugwi nap-nen-e aid arem-nen mbuwaidnak Konak Indi na amawi bem-nen mul kindiga-o Nde, wene iri-ge aid nap-nen na enaru momtag-e ukwe worag-et worali-o.

1 SEMUEL 4:4

Iri lug-e, Nagawan Indo-nen idnak urul pidnak wene labu mbarak iri na-ge Silo iri me wil mbururak ap enpem pikma, Nagawan Indo Kek tak Amawi Worak iri na koreyak woraso ondoro nggal kwasa o Silo-nen waruk lobok yogola-ge, Eli elirak Opni min Pineas min-e urul pidnak wene labu mbarak waruk lobok yili iri na inmin-et waruk lobok yiga-o.