IBERANI 9:1 - Nanduk Ngget Tul Pidnak Wene

¹ Nanduk urul pidnak wene na bem-e, Mbal Pem Nagawan erembel wanogolat-nen kwarugwi kwarugwi min ki nap ininggi-nen wiridnak Mbal Pem Nagawan erembel wanugwi min na woragaij-o.

IBERANI 9:1 ပူးပေါင်းရင်းမြစ်များ

WONARIDNAK WENE 9:12

O Wot Kaidnak Tarem sagidnak nunggwi mende ereba-ge mondok yugu purak pug-o. Wam sakup ereba na-ge owak misiger-o luk mondok tenggerak purak pug-o. Sakolar-e, O Wot Kidnak Tarem-nen sakwi oboksa mondok ndak ndag-et kwarurag-o.

LUKAS 1:6

Nagawan Indo-nen ”Irit kwarurag-o” yidnak min imiri mbarak pidnak wene min iri-nen yidnak yidnak nak kwarogola-ge, Mbal Pem Nagawan-nen it enmberek eneyasolar-e, it enmbereg-e mot mot kwarugwi irit eneyagaij-o.

OROMA 9:4

Nde, it Isarael nap iri na-ge Mbal Pem Nagawan-nen len inpidnak nap-nen yili-o. It iri-ge Mbal Pem Nagawan-nen at ilirak tak unpuruk, at unu kek tak nggal unnu kek tak pij-o. It inmin-e: ”Iri nggal kwat kinpimin-o” yosolat, imiri mbarak pidnak wene na wok ondosolat, mot mot nak Mbal Pem Nagawan erembel wanurak elem mirik onposolat, Mbal Pem Nagawan urul yak indidnak wene na it-nen wanogolat yiga-o.

KOLOSE 2:8

Iri ala-ge, ap-nen kinndi wanogolar-e, ki nap enaru yidnak wene bem-nen na, ebe lak mende onmbol pem lagwi wene, ki nap-nen mul undugwi wene lom nde nggweyak ma yu tena woraso indi-nen yidnak wene bem-nen na ming kunpuwa naru, kwara-t wolmer-o. Wene iri-ge Kerisut-nen yidnag-e lag-o.

IBERANI 8:13

Nde, Mbal Pem Nagawan-nen-e: ”Ngget urul pidnak wene-o” luk yarik pem-e nanduk urul pidnak wene iri-ge obi mende nde kwat yij-o. Nde, obi mende kwat yidnak umbuk yidnak mende iri-ge ndag-et nak lak momtak mende-nen yusu-o.

IBERANI 8:2

At-nen eyabu tepan ombo nggulok yabu-ge ap-nen nggugwi buk mondok marak sa iri me-nen wanusu iri-ge, ki nap-nen wiridnak sum-nen wiridnak wi iri me wanusu-ge lag-o. Are, ndemeret ebe wi Nagawan Indo-nen wiridnak sum-nen wiridnak wi iri me-t wanusu-o.

IBERANI 8:7

Nde, nanduk tul pidnak wene iri nde iminep mbarak nggal-nen-e, abok tul pidnak wene ngget iri-ge ondolma pelep pug-o.

IBERANI 9:24

Nde, Kerisut-nen O Mondok Marak Sa iri me nggwid iri-ge, ininggi-nen wiridnak wi iri na me nggwij-e lag-o. Nde, ininggi-nen wiridnak wi iri-ge ndemeret wi-ge aid arem worasu iri ut mimirik-nen yusu-o. Alat nde, at-nen-e aid arem iri me-t nggwij-o. Nggwarig-e, nit nonowene mbarurak pem ar-e yawo-ge Mbal Pem Nagawan eram worasu-o.