IBERANI 8:8 - Nanduk Ngget Tul Pidnak Wene

⁸ Alat nde, Mbal Pem Nagawan-nen at elem nap-nen mborok tak kwarugwi na karuk-nen yak ondosolar-e: ”Nagawan Indo-nen yosolar-e: ’An-nen tul pidnak wene ngget misig-e Isarael nap min enlem Yewura nap min yak undurak tarem-e panggo yusu-o.

IBERANI 8:8 ပူးပေါင်းရင်းမြစ်များ

YESAYA 55:3

Nilirak wa-e. Kwara kuluruk, an neram lobok yer-o. Kir-e an-nen ndemeret unluk woragwi elem wok kindimin-o. An-nen mondok tugup lak Ndaut imin ’Imbiringgat tak kibimin-o’ luk urul pigi iri na-ge kit kinmin kondosolat mondok mborok tak purak puk urul pimin-o.

YEREMIA 23:5

Nagawan Indo-nen yosolar-e: ”Lud tak nak kwaroso nagawan Ndaut-nen wigarak misig-e an-nen nagawan lenak purak tarem-e wog-et ma-o. Nde, nagawan iri-nen-e indi nggat nggat pem-et o tena woralat, o siri oboksa ndemeret lud tak mot mor-et kwarosolat wolma-o.

YEREMIA 23:7

Nagawan Indo-nen yosolar-e: ”Nde, abog-e uruk woraso Mbal Pem Nagawan, Isarael nap Mesira-nen wesera wok unpuruk lobok yigi iri na nowak mbatli ereba na mbarigit lak yurak tarem-e wog-et ma-o.

YEREMIA 31:27

Nagawan Indo an-nen yusu-o. O Yewura min Isarael min-e ap min wam min an-nen kobong tak pimin tarem-e wok ma-o.

YEREMIA 31:38

Nagawan Indo-nen yosolar-e: ”Yerusalem siri yu oboksa an namanggim an nuwi siri tuguruk pogolar-e, O Mot Ananel kuri-nen lingsa Pak Tumende unu Unggutmu iri na bem wosa pil mbururak tarem-e wog-et ma-o.

YESKIEL 37:26

It-nen pem irit yamuksa konak irit wolmakluk, an-nen-e it inmin urul pimin-o. An-nen-e it inmbiringgat tak posolat, it enpe na kwarat tak pimin-o. It unuwi nggweyak pem iri me-ge an nuwi-ge pem irit tugup lak wolmakluk nuwi wirimin-o.

MATIUS 26:28

Yu-ge an neyabi-nen yusu-o. Nde, an neyabi-ge Mbal Pem Nagawan-nen urul pidnak neyabi yu-ge ap kwarat-nen meya yidnak na amberam tak puwakluk-nen nggilaridnak neyabi-nen yusu-o.

MARAKUS 14:24

Nunggukmu-ge, Yesus-nen it yak ondosolar-e: ”Yu-ge ap kwarat enmanggim wirik purak eyabi, Mbal Pem Nagawan-nen urul pidnak wene na ebe rak pusu neyabi-nen yusu-o.

LUKAS 17:22

Iri lug-e, Yesus-nen owosirak na yak ondosolar-e: ”Abok-nen-e ’Ap Ambara-nen idnak tarem mbi kayeg-o’ luk yugub-et nde, kagup pug-o.

LUKAS 22:20

Yuruk, mburu nuruk, ir na nggal-et kwasa yimbe na wok ondosolat-nen yosolar-e: ”Yimbe yu-ge Mbal Pem Nagawan-nen ngget urul pidnak wene an neyabi kit pidsa kenmanggim mbiridnak neyabi-nen ebe rak pidnak-nen yusu-o.”]

LUKAS 5:38

Iri bem-e, anggut engen amburu nggeret mbelag-e yimbe ngget arem-et woranggasa pil nggurag-o.

1 KORINTUS 11:25

Mburu nuruk, iri nggal-et yimbe wanosolat-nen yosolar-e: ”Yimbe arem kenanggo yu-ge an neyabi bem Mbal Pem Nagawan-nen ngget urul pidnak wene-nen yusu-o. Kir-e an yebet yebet tak worabok-nen nonggolat wolmer-o” luk yij-o.

2 KORINTUS 3:6

At nak-nen nenpem tak pidnak pem-nen nir-e ngget urul pidnak wene iri na ndugurugwi nap-nen yili-o. Urul pidnak wene iri-ge engga bem mbaridnak imiri mbarak pidnak wene-nen yusu-ge lag-o. Are, Konak Indi-nen idnak-nen yusu-o. Engga bem mbaridnak imiri mbarak pidnak wene iri-ge ap worak onposo-t nde, Konak Indi-ge ap unluk tak poso-o.

IBERANI 12:24

Ngget tul pidnak wene imin kundik ninpidnak nap Yesus eram wok yogolat, nde at eyabi nggweyel kaidnak na eram wok yigeb-o. Nde, Abel eyabi iri-nen wene te nggal yij-et nde, Yesus eyabi iri-nen mondok terak minik konak wene irit yij-o.

IBERANI 7:22

Wene iri nggal yak tidnak pem-e urul pidnak wene mondok konak wene iri-ge kwarak poso-ge Yesus-er-o.

IBERANI 8:13

Nde, Mbal Pem Nagawan-nen-e: ”Ngget urul pidnak wene-o” luk yarik pem-e nanduk urul pidnak wene iri-ge obi mende nde kwat yij-o. Nde, obi mende kwat yidnak umbuk yidnak mende iri-ge ndag-et nak lak momtak mende-nen yusu-o.

IBERANI 8:6

Nde, it tepan omborak erep-nen wanugwi eneyabu-ge teberag-et nde, Yesus-nen wanoso eyabu-ge terak minik kek tak-net yusu-o. Nde, at-nen-e ki nap min Mbal Pem Nagawan min ennggendumu ngarak koro kwat yosolat-nen urul pidnak wene-ge mondok terak minik kek tak-net yusu me, nanduk tul pidnak wene iri-ge teberag-et nde, at-nen urul pidnak wene-ge mondok terak minik konak wene-o.

IBERANI 9:15

Iri bem-e, Kerisut-nen-e ki nap min Mbal Pem Nagawan min ennggendumu ngarak koro yosoluk, urul pidnak wene ngget misik kwat yid iri-ge, it Mbal Pem Nagawan-nen wene mbo inpidnak nap-nen-e Mbal Pem Nagawan-nen imbiringgat pem-et wolmomtak urul pidnak iri wanuwakluk kwat yij-o. Nde, nanduk tul pidnak wene na tena woragolat-nen meya yogolat woraidnak iri na lak tak posolat-nen Kerisut wat yid iri bem-nen pidsa ndak kwat yusu-o.