IBERANI 7:6 - Nanduk Ngget Tul Pidnak Wene

⁶ Nde, Melkisendek na-ge Lewi-nen wigarag-e lag-et nde, Abaram isilobulo karetkwe-nen yidnak sepulu sepulu rak pidnak iri na posola, wanij-o. Wanurug-e, Abaram-e Mbal Pem Nagawan-nen urul paga yak tidnak nab-et nde, Melkisendek-nen imbiringgat tak pij-o.

IBERANI 7:6 ပူးပေါင်းရင်းမြစ်များ

NDAK WIRIDNAK WENE 12:13

Iri ala karug-e, kat-nen yosolar-e: ’An-e at owor-o’ luk yurag-o. Iri yugunmu-ge, an-e nuruk keya nobogolat, kat kebem-nen an-e konak nak kwat nubuwakluk iri yurag-o” yak tij-o.

NDAK WIRIDNAK WENE 12:2

Nde, an-nen-e kat-nen wigarak kwarat tak pumu-ge, it iri-ge ap enlem nggok irit kwat ma-o. Nde, an-nen-e kimbiringgat tak kobosola, kanggu kobok mborosolar-e, kar-e imbiringgat kwat yugun-o.

YIDNAK YIDNAK WENE 3:25

Nde, kir-e Mbal Pem Nagawan ene lomboksa yugwi nap inlirak-nen yili-o. Mbal Pem Nagawan-nen kenlawingga obok yak indidnak wene-ge Abaram na yak tosolar-e: ’Kat-nen ndakun lolo bem-nen nggweyak ma nap, ab-e ap enlem pidsa inmbiringgat ma-o’ luk yak tij-o.

OROMA 4:13

”O nggweyak yu-ge kit-net winde yugub-o” luk Mbal Pem Nagawan-nen Abaram min at-nen ndagaidnak lolo min urul paga yak indid iri-ge ar-e imiri mbarak pidnak wene-nen yidnak yidnak kwaroso bem-nen-e lag-o. Are, at indi angin tubu yidnak pem Mbal Pem Nagawan-nen at lud tak nak ibidnak ala-nen urul paga yak indij-o.

OROMA 9:4

Nde, it Isarael nap iri na-ge Mbal Pem Nagawan-nen len inpidnak nap-nen yili-o. It iri-ge Mbal Pem Nagawan-nen at ilirak tak unpuruk, at unu kek tak nggal unnu kek tak pij-o. It inmin-e: ”Iri nggal kwat kinpimin-o” yosolat, imiri mbarak pidnak wene na wok ondosolat, mot mot nak Mbal Pem Nagawan erembel wanurak elem mirik onposolat, Mbal Pem Nagawan urul yak indidnak wene na it-nen wanogolat yiga-o.

NGGALATIA 3:16

Nde, Mbal Pem Nagawan-nen ”Iri nggal timin-o” luk, urul posolar-e, Abaram min at-nen wigarak min irit yak indij-o. Wene iri-nen yosolar-e: ”At-nen wigarak lolo-o” luk, ap kwarat inmin yij-e lag-o. Are, at-nen yosolar-e: ”Kat ndet ubugun nab-o” luk yid na-ge ap misiget, Kerisut nak imin yij-o.

IBERANI 11:13

Nde, it ap iri oboksa-ge inndi angin tubu yogolat-net wat yikma-o. Nde, Mbal Pem Nagawan-nen urul paga yak indidnak iri-ge ir-e wanigit lag-et nde, wanurak mende iri-ge erepma-nen yik karuk, iri-net yusu-o luk, enalen kagolat woraiga-o. Iri bem-nen it-nen nam-et yogolar-e: ”Nir-e nggweyak ma yu me worali yu-ge ap sal, luru lobok yidnak irit worali-o” luk yiga-o.

IBERANI 11:17

Nde, Mbal Pem Nagawan-nen-e Abaram na indi kayekluk yosola-ge, Abaram na indi angin tubu yidnak pem-net at ambara Isak na-ge wosa Mbal Pem Nagawan amanggim eyabi wirik peyekluk yij-o. Nde, Mbal Pem Nagawan-nen wene urul paga Abaram yak tij-et nde, at ambara misiget nderak iri-ge indi angin lag-et Mbal Pem Nagawan amanggim wosa peyekluk yij-o.

IBERANI 7:1

Nde, Melkisendek iri-ge o Salem nagawan yosolat, Mondok Kek tak Woraso Mbal Pem Nagawan-nen idnak tepan ombo irit woragaij-o. Woralar-e, Abaram na-ge ap nagawan nagawan inmin wim mbatluk, unduruk lobok yosola-ge, Melkisendek iri-nen at imin lid pid luk Abaram na imbiringgat tak pij-o.

IBERANI 7:7

Wene yu-ge lugud tak purak puk wene-o. Ap kek tak iri-net ap teberak imbiringgat tak unpugwi-o.