IBERANI 7:22 - Nanduk Ngget Tul Pidnak Wene

²² Wene iri nggal yak tidnak pem-e urul pidnak wene mondok konak wene iri-ge kwarak poso-ge Yesus-er-o.

IBERANI 7:22 ပူးပေါင်းရင်းမြစ်များ

NDAK WIRIDNAK WENE 43:9

La yu-ge an nebem-o. An nde la yu nde tuguruk keram waruk lobok yigit lak yumu-ge, kat-nen an nebem-et erem kwaronog-o. An nuruk worasolat ya oboksa angin worak mende nak wok tenak woramin-o.

NDAK WIRIDNAK WENE 44:32

Iri-nen an-nen neid yak tosolar-e: ’La iri-ge an nebem-o. An-nen nde an nak lobok yosolat, la iri imin lobok yigit lak nde ala-ge, an nuruk woralar-e, angin worak wanosolat woramin-o’ luk iri yigirik me,

NDAWI ENGGA 119:122

Kat-nen-e ”Yongga-t kirimin-o” luk ndegel koboso nap an urul yak niri-o. Ap inndi kek tak ereba ininggyapma rak nubuwakluk keya nuburak pug-o.

NGGOMO WENE 20:16

Ta-nen nde nin nap namat iri ”An-nen uwi yagimin-o” yosola-ge, arengge ombo iri na-nen-e uwi yagimin-o yid nap iri na arengge uwi yagosola-nen wok turak arengge tena wolmomtag-e ndak-net yusu-o.

NGGOMO WENE 6:1

Nambara wa-e. Erep-nen-e kar-e ap mbi inmin yosolar-e: ”Kat-nen ap enarengge namat wanigen iri-ge an-nen uwi yagimin-o” luk yak tidnak woraso nde ma-o.

NDANIEL 9:27

Olengen tuju ereya arem woragolar-e, nagawan iri na-nen-e ap kwarat inmin kondosolar-e: ’An-e kinmin kundik irit woramin-o’ luk kundik wolmomtak wene irit yak unduwa-o. Ereya na woragolat olengen enggendumu-ge Mbal Pem Nagawan amanggim wam wosa kan pogolat, amanggim pogolat kwarugwi ereba na-ge lak tak puwa-o. Iri kwarosolar-e, at-nen-e unu-ge unmunggum lera mboso mende unu-ge meya, enlengen lamburak nak kwarugwi mende iri na Nagawan Indo ama iri na me puwama, pempa iri me meya kwat tenak irit worakmu, iri-net meya iri iri me puwa nap iri na amanggim Mbal Pem Nagawan-nen lak tak onposo mende at lak tak uburak lid lud tak pidnak iri na ebem mberak puwa kuri-net lak ma-o” luk yij-o.

MATIUS 26:28

Yu-ge an neyabi-nen yusu-o. Nde, an neyabi-ge Mbal Pem Nagawan-nen urul pidnak neyabi yu-ge ap kwarat-nen meya yidnak na amberam tak puwakluk-nen nggilaridnak neyabi-nen yusu-o.

MARAKUS 14:24

Nunggukmu-ge, Yesus-nen it yak ondosolar-e: ”Yu-ge ap kwarat enmanggim wirik purak eyabi, Mbal Pem Nagawan-nen urul pidnak wene na ebe rak pusu neyabi-nen yusu-o.

LUKAS 22:20

Yuruk, mburu nuruk, ir na nggal-et kwasa yimbe na wok ondosolat-nen yosolar-e: ”Yimbe yu-ge Mbal Pem Nagawan-nen ngget urul pidnak wene an neyabi kit pidsa kenmanggim mbiridnak neyabi-nen ebe rak pidnak-nen yusu-o.”]

1 KORINTUS 11:25

Mburu nuruk, iri nggal-et yimbe wanosolat-nen yosolar-e: ”Yimbe arem kenanggo yu-ge an neyabi bem Mbal Pem Nagawan-nen ngget urul pidnak wene-nen yusu-o. Kir-e an yebet yebet tak worabok-nen nonggolat wolmer-o” luk yij-o.

IBERANI 12:24

Ngget tul pidnak wene imin kundik ninpidnak nap Yesus eram wok yogolat, nde at eyabi nggweyel kaidnak na eram wok yigeb-o. Nde, Abel eyabi iri-nen wene te nggal yij-et nde, Yesus eyabi iri-nen mondok terak minik konak wene irit yij-o.

IBERANI 13:20

Mbal Pem Nagawan-nen-e ap wat yidnak ennggendumu-nen nit Nagawan Indo Yesus na uruk tak pij-o. At wat yid iri bem-nen Yesus na-ge olomba wam Yik Karok Woraso Nap nggulok iri kwat yij-o. At eyabi-nen-e pem-et wolmomtak urul pidnak wene iri na ebe worak tak pij-o.

IBERANI 7:23

Nde, it tepan omborak ereb-e wat nak yugwi me, it enpem pidnak yabu lak tak purag-e meya ala karuk, enpe mondok kwarat woraiga-o.

IBERANI 8:13

Nde, Mbal Pem Nagawan-nen-e: ”Ngget urul pidnak wene-o” luk yarik pem-e nanduk urul pidnak wene iri-ge obi mende nde kwat yij-o. Nde, obi mende kwat yidnak umbuk yidnak mende iri-ge ndag-et nak lak momtak mende-nen yusu-o.