IBERANI 7:18 - Nanduk Ngget Tul Pidnak Wene

¹⁸ Iri bem-e, nanduk imiri mbarak pidnak wene iri-ge ndeyak, ebe lak wene ala karuk, keya biga-o.

IBERANI 7:18 ပူးပေါင်းရင်းမြစ်များ

YIDNAK YIDNAK WENE 13:39

Musa-nen imiri mbarak pidnak wene-nen wisirik kunpurag-e meya-t nde-o, inndi-ge Yesus ebem angin tubu yuwa nab-e at-nen wisirik unpurak perak ndag-o.

OROMA 3:31

Iri ala-ge, ninndi angin tubu yili iri-ge imiri mbarak pidnak wene iri-ge lak tak purak pem kwatli-a? Mondok lag-o! Are, Musa-nen imiri mbarak pidnak wene na-ge mondok tugup lak tak puwokluk-nen yili-o.

OROMA 8:3

Nde, ki nap enpage ndeyak me, imiri mbarak pidnak wene-nen kwarurag-e meya agaid iri-ge Mbal Pem Nagawan-net kwarij-o. Kwarosolar-e, meya kwarugwi elem lak tak puwakluk, at ambik Ambara ibil lobok yosolar-e, meya kwarugwi nap enaboro worak irit ibil lobok yid iri-nen-e meya kwarugwi elem ki nap enarem worasu iri na urugwe nggwe rak pij-o.

NGGALATIA 3:15

Nowe nowosi wa-e. Ki nap-nen kwarugwi mende bem mbi ndak wereyeg-o: Mberen nap-nen-e inndi misiget luk, ”Iri nggal kwarurag-o” luk, urul pidnak engga bem unnu mbara mondok wat tak pidnak me, nin nap-nen uruk pidnak wene na lak tak pogolat, nin wene nambek tak pogolat yurag-e meya-o.

NGGALATIA 3:17

An-e yu peraruk-nen yusu-o: Mbal Pem Nagawan-nen watsa urul pidnak wene na-ge olengen empat ratus tiga pulu (430) woraruk ombol nggwe-nen nam yidnak imiri mbarak pidnak wene na-nen-e Mbal Pem Nagawan-nen urul pidnak wene iri na lak tak puruk, amawi lak tak purag-e mondok lag-o.

NGGALATIA 3:21

Iri ala-ge, imiri mbarak pidnak wene iri-nen-e urul pidnak wene na imin-e wim mbarak nggal worasu, lak? Mondok lag-o. Unluk wolmomtak elem wok nundurak imiri mbarak pidnak wene wok nindid nggal-e, imiri mbarak pidnak wene iri-nen-e Mbal Pem Nagawan imin lud tak nak nenpeleb-o.

NGGALATIA 4:21

Imiri mbarak pidnak wene urugwe nggwe wolmomtak kinndingen nab-e wene mbi an yak nerer-o: Imiri mbarak pidnak wene-nen yoso-ge kir-e kulili bug-a?

NGGALATIA 4:9

Alat nde, yawo-ge kir-e Mbal Pem Nagawan kenaru luk – are, yawo-ge Mbal Pem Nagawan-nen kit aru yij-o luk yurag-et nde – nggweyak ma kugi ndeyak, arengge lak kugi na kir-e tuguruk ndegel ubuwokluk, nden karuk eram mbururak kinndingen-a?

1 TIMOTIUS 4:8

Ap enpe amawi makluk onowak mulugwi iri-ge ob-et nde, iri-ge te nggal-nen yusu-o. Nde, inndi-ge Mbal Pem Nagawan abage nggal makluk onowak mulugwi iri-ge mondok nggok lombok-nen yusu-o. Iri arem-e yawo nunluk worali min abok nunluk wulmul min worasu-nen yusu-o.

IBERANI 13:9

Nde, nin wene owak, kwiye worak nggal kwarat yak kondogola-ge, iri wene-nen-e kabak tak kunpuwa naru, kulurak pug-o. Mbal Pem Nagawan-nen we wok ondoso elem-nen-e nit ninndi eyak worak purak perak nde ob-o. Nde, nunggwi mende nunggwi wene-nen yidnak yidnak nak kwariga nab-e ebe mbi kwarigit lak me, iri wene-nen nit ninndi eyak worak purag-e meya-o.

IBERANI 7:19

Nde, Musa-nen imiri mbarak pidnak wene iri-nen-e yi mende ndi mende mbi iminep mbarak purag-e mondok meya-o. Alat nde, yawo-ge nit Mbal Pem Nagawan eram panggo rak nunpurak ebem ninndi mbung mbung tak wolmomtak mondok konak mbi nam tak pij-o.