IBERANI 7:11 - Nanduk Ngget Tul Pidnak Wene

¹¹ Musa-nen imiri mbarak pidnak wene iri-ge tepan omborak Lewi-nen wigarak iri enpem-nen wene iri-ge Isarael nap wok endamu-o. Nde, tepan omborak Lewi nap iri-nen-e it iminep mbarak unpurag-e ndak nggal-e, noluk-nen tepan ombo misik iri nam tak peleb-o? Nde, tepan ombo misik nam yid iri-ge Arun nggal-e lag-o. Are, Melkisendek nggal-o.

IBERANI 7:11 ပူးပေါင်းရင်းမြစ်များ

NGGALATIA 2:21

An-nen-e Mbal Pem Nagawan-nen we wok ondoso elem iri-ge nimbir-o yimin pug-o. Imiri mbarak pidnak wene bem-nen ap lud tak nak onposo nggal-nen-e Kerisut-e wewesa wat yeleb-o!

NGGALATIA 4:3

Iri nggal-et, nit-nen na li marik nggal woragolar-e, nggweyak ma yu me kek tak woragwi inndi na ininggem woragolat, it ndegel unpugwi nap woraige-o.

NGGALATIA 4:9

Alat nde, yawo-ge kir-e Mbal Pem Nagawan kenaru luk – are, yawo-ge Mbal Pem Nagawan-nen kit aru yij-o luk yurag-et nde – nggweyak ma kugi ndeyak, arengge lak kugi na kir-e tuguruk ndegel ubuwokluk, nden karuk eram mbururak kinndingen-a?

IBERANI 5:10

Nde, Mbal Pem Nagawan-nen-e Yesus na-ge tepan ombo Melkisendek nggal tepan ombo nggulok tak ibij-o.

IBERANI 5:6

Nde, engga wene misik pem-nen Mbal Pem Nagawan-nen yosolar-e: ”Melkisendek-nen tepan ombo nggulok woragaid na nggal, kar-e tepan ombo nggulok irit pempa woralik nalik woragun-o” luk yij-o.

IBERANI 6:20

Yesus na-ge nit nggumakluk tu ya bosolat iri me nggwij-o. Nggosolar-e, Melkisendek na tepan ombo woragaid iri nggal, Yesus-e tepan ombo nggulok pem-et woralik nalik wolmomtak irit kwat yij-o.

IBERANI 7:10

Nde, Melkisendek-nen Abaram imin lid pid yiga tarem-e, Lewi na awo ndakit lag-et nde, ombo Abaram arem worasola-nen lid pid yiga-o luk yurag-e ndak-nen yusu-o.

IBERANI 7:12

Nde, tepan omborak nde nin nde kwat yosola-ge, Yawuri nap-nen idnak imiri mbarak pidnak wene na irit mondok nin-et kwat momtak-nen yusu-o.

IBERANI 7:13

Nde, wene imin yid nap iri-ge nit Nenagawan Indo-o. Nde, at iri-ge Lewi nab-e lag-o. Are, at elem-e nin nab-o. Nde, at elem nap-nen-e ap misiger-o luk tet Mbal Pem Nagawan amanggim wam wosa eyabi pugwi sa iri na me tepan ombo luk yabu mondok wanugwi bug-o.

IBERANI 7:15

Nde, Melkisendek nggal, tepan ombo nin misik men yid iri bem-nen wene yu yili yu-ge mondok nam-et kali-o.

IBERANI 7:21

Alat nde, Yesus na tepan ombo rak obosolat-nen Mbal Pem Nagawan-nen owak mbara yak tosolar-e: ”Nagawan Indo-nen owak mbarosolar-e: ’Kar-e tepan ombo pem-et woralik nalik irit woragun-o’ luk yid iri-ge indi-ge mondok nden kujwa bug-o” luk yak tij-o.

IBERANI 8:7

Nde, nanduk tul pidnak wene iri nde iminep mbarak nggal-nen-e, abok tul pidnak wene ngget iri-ge ondolma pelep pug-o.

IBERANI 9:6

Iri nggal kwasa konurug-e, tepan omborak-nen-e it eneyabu wanuwakluk sum-nen wiridnak wi mondog-et nggugwi sa iri me pempa nggwerenak woragwi-t nde,