IBERANI 6:9 - Nanduk Ngget Tul Pidnak Wene

⁹ Nanggamirak kenabuwa worak wa-e. Nit-nen kit konowene yu nggal yili-t nde, kit kinmiri yurak erep kundik konak wene iri wanigeb-o luk nir-e perali-o.

IBERANI 6:9 ပူးပေါင်းရင်းမြစ်များ

MARAKUS 16:16

Inndi angin tubu yogola, yi ma unpuwa nab-e, inmiri yuwa-t nde, inndi angin tubu yuwa buk nab-e, lak tak unpuwa-o.

YIDNAK YIDNAK WENE 11:18

Yak ondosola kulurug-e, puk lug-e, it-nen Mbal Pem Nagawan erembel wanogolar-e: ”Iri ala-ge, Mbal Pem Nagawan-nen enlem nin nap wok ondosolar-e, it kondok yogola, unlug-et wolmomtak elem wanuwakluk wok indij-o” luk erembel waniga-o.

YIDNAK YIDNAK WENE 20:21

Yawuri nap na irit, Yunani nap na irit, Mbal Pem Nagawan imin kondok yuwakluk wene kenggera yak ondosolat, nin-nen idnak Nagawan Indo Yesus Kerisut ebem inndi angin tubu yuwakluk, wene yak ondosolat woragi-o.

1 KORINTUS 10:14

Nenggamirak kenabuwa worak wa-e. Iri bem-e, kugiwak erembel wanurak pug-o.

2 KORINTUS 12:19

Kit-nen nenperagolar-e: ”It iri-ge nit ninmbiri bem-e it enambikpebe lud tak nak kwarugwi nab-o luk yuwakluk engga iri mbatli-o” luk nenperali-t nde, iri-ge lag-o. Nir-e Mbal Pem Nagawan imbiri bem-et Kerisut ebem ala wene yu yili-o. Nennggamirak kenabuwa worak wa-e. Nit-nen kwatli mende oboksa-ge kit kinndi angin tubu yidnak iri mendak pogolat-nen kwatli-o.

2 KORINTUS 7:1

Nanggamirak kenabuwa worak wa-e. Urul pidnak wene oboksa-ge nit-nen idnak me, nit na nit-net nondomok marak nap yogolar-e, nenpe min ninndi min kik tak nunpurak mende iri marak puruk, Mbal Pem Nagawan indi aye min woragolar-e, mondok marak iminep mbarak irit wolmog-o.

2 KORINTUS 7:10

Mbal Pem Nagawan indi-n pidnak pem-nen ap inndi puru bera yugwi iri-nen-e ap inndi kondok yogola, inmiri yurak pem-nen kwaroso-o. Nde, iri yidnak ala, ”Noluk iri nggal kwat ninpij-a?” yugwi bug-o. Alat nde, nggweyak ma yu-nen yidnak inndi puru bera yugwi iri-nen-e wat yugwi elem kwarak poso-o.

NGGALATIA 5:6

Nde, nir-e Kerisut Yesus ebem woragolar-e, niniye ambasap wabidnak ala na, ambasap wabigit lak ala na, iri-nen ebe momtak mende-ge lag-o. Nde, inndi angin tubu yidnak pem-nen ap enabuwa kagwi iri nak nggok-nen yusu-o.

IBERANI 10:34

Kir-e o kubu me inpil nggwidnak nap na inmin lambuksa andi kaidnak nggal kagolat woraigeb-o. Nde, kinsilobulo na mengga wanogola-t nde, kit kenalen min-et woraigeb iri-ge, an narengge namanggim pidnak terak minik konak pem-et wolmomtak mende-ge worasur-o peragoluk-nen kwarigeb-o.

IBERANI 10:39

Nde, nir-e ninndi angin tubu yidnak keya bidnak pem lak tak nunpurak nab-e lag-o. Are, nit ninndi angin tubu yidnak pem ninmiri yidnak nap-nen yili-o.

IBERANI 2:3

Iri ala-ge, ninmiri yurak wene nggulok iri-ge kuligit lak keya pulndig-e, nggesa-nen ninmiri yuwa-o? Nde, nanduk nandug-er-e wene iri-ge Nagawan Indo Yesus at-nen nam tak posola, wene na nam tak posola kuliga nap-nen nit yak nondogolar-e: ”Wene iri-ge ndemeret wene-net yusu-o” luk yak nondogola-ge, nir-e ndemerer-o luk menggesa nenaru yige-o.

IBERANI 5:9

At iri na-ge iminep mbarak obosola-ge, at-nen yidnak yidnak nak wanugwi nap pidsa inmiri yaga wok ondoso woralik nalik momtak elem-e ar-e kwat yij-o.

IBERANI 6:10

Nde, Mbal Pem Nagawan-e mborok tak kwaroso-ge lag-o. At-nen-e kit-nen wanigep yabu iri meme rak posolat, kit-nen at abuwa kagolar-e, mbek tak inpidnak nap kwara yongga indigep min yawo na yongga indili min ar-e meme rak puwa bug-o.

1 PETERUS 2:11

Nenggamirak kenabuwa worak wa-e. Kir-e nggweyak ma yu me woragolar-e, ap sal nggal, ap enma woragwi nap nggal yili me, ap-nen ukwe ukwe yugwi na-nen kinndi min wim poso iri-ge keya ber-o luk an-nen kiri keresa yak kundusu-o.

2 PETERUS 3:1

Nanggamirak kenabuwa worak wa-e. Engga yu-ge mberen pem tak posolat kenmanggim mbara pil lobok yusu-o. Nde, engga mberen yu arem-nen yeberak kunpusu wene iri-nen kit kenarem-e marak woragwi kinndi nam makluk engga ya mbarigi-o.

1 YOANES 2:7

Nanggamirak kenabuwa worak wa-e. Imiri mbarak pidnak wene ngget nin mbal kundusu-ge lag-o. Are, nandug-et yak kindidnak wene, nanduk imiri mbarak pidnak wene na-t mbal kundusu-o. Wene iri-ge kit obi-net kuligep nar-o.

YURAS 1:3

Nanggamirak kenabuwa worak wa-e. Nit totno ninmiri yidnak wene iri na engga kenmanggim mbareyekluk yosoma-t nde, an nindi-nen perasolar-e: Lag-o. Yawo-ge Mbal Pem Nagawan-nen at winde nap mondog-et wok indidnak inndi angin tubu yugwi wene na amanggim kenmawi kondogolat wolmer-o luk nggomo kundurak wene engga bem mbal kundurak perak nde nggulog-o luk peragi-o.