IBERANI 6:8 - Nanduk Ngget Tul Pidnak Wene

⁸ Alat nde, nggweyak iri-nen-e tusuwangge min isile worak min nak wirik posola-ge, nggweyak na-ge meya me, Mbal Pem Nagawan-nen imbiri lamut tak puruk, worok tak posolar-e, kan nujwa-o.

IBERANI 6:8 ပူးပေါင်းရင်းမြစ်များ

NDAK WIRIDNAK WENE 4:11

Nde, yawo kar-e imbiri lamut tak kibidnak me, kat-nen kowot wirigenma, kowot eyabi waneyekluk nggweyak emnde pera yusu yu bem kar-e yabu wanosolat wolmomtag-e lag-o.

NDAK WIRIDNAK WENE 5:29

Lamek-nen yosolar-e: ”Mbal Pem Nagawan-nen imbiri lamut tak pidnak nggweyak yu bem nit-nen yabu anggun panggunsa wanukmu, la yu-nen te yaga wok nunduwa-o” luk yij-o. Iri kwarurak ala karuk, Lamek-nen la na unu-ge Nu irit yarij-o.

2 SEMUEL 23:7

Kagweyap ala na, posid tege ala na ininggem lak-nen-e ap misiger-o luk tet tena burag-e meya-o. Ap ereba-ge kanduk-nen nuruk lak tak unpuwa-o. 23:8–24:25 Engga yu worok tak posolar-e, Ndaut-nen idnak san wari kek tak unnu mbarak min Isarael nap min Yewura nap min wonat inpidnak wene min kugi nggok Isarael nap enpem mbosola-t nde, Ndaut-nen Nagawan Indo emengen mbarosola, Nagawan Indo-nen kugi iri na lak tak pid wene min irit mbarak worasu-o.

AYUP 31:40

an neyapmu-ge jelai mbato min nggandum mbato min nde yak yugu-o. Are, egere isile worak min tusuangge min nde yak mag-o. Ayup-nen yid wene-ge irir-o.

NDAWI ENGGA 107:34

Iri me woragwi nap ereba-nen meya kwarugwi ereba na-n ndowaga nggweyak amburu worag-et nde, nggweyak amburu lak tak posolat arek tak pij-o.

MALEAKI 4:1

Nagawan Indo Mondok Amawi worak iri na-nen yosolar-e: ”Inndi kek tak min meya yugwi nap min oboksa tusuangge kan pidnak nggal kan unpurak tarem-e wog-et ma-o. Nde, iri tarem-e erep mbi keya bigit lak, mondok oboksa kan paga lak tak unpuwa-o.

MATIUS 25:41

Iri luk, Nagawan na-nen-e at inggi kware nggwe wolma nap na yak ondosolar-e: ’Kit imbiri lamut tak kinpidnak nap yu-ge wa-e. Mberer-o. Sere min at-nen idnak aid nap min enmanggim lid lud tak pidnak nigi momtak puk kanduk arem iri me mberer-o.

MATIUS 3:10

E mengen min tebera mbo beyekluk ije-ge ebem lud tak puruk worasu-o. Engen konak yoso buk e oboksa-ge ndara kanduk arem pil ngguwa-o.

MATIUS 7:19

Nde, e-nen engen konak yigit lak ala-ge, e na-ge ndara kan pugwi-o.

MARAKUS 11:14

Karug-e, Yesus-nen e na yak tosolar-e: ”Kengen pigit lak yugunmu, ap-nen kengen mondok ninggit lak mag-o” luk yak tosola, at owosirak-nen kuliga-o.

MARAKUS 11:21

Karug-e, Yesus-nen e iri yak tid wene na Peterus-nen yebet karuk, Yesus tak tosolar-e: ”Nggomo Nondoso Nap wa-e. Kat-nen imbiri lamut tak pigen e ara na-ge umbuk le yamu yu ki-o!” luk yak tij-o.

YOANES 15:6

Nde, an narem puksa wolma buk nab-e e inggi yendera mbo bidnak nggal irit mbo bosola, le ma-o. Nde, inggi yendera mbo bidnak iri nggal-e ap-nen ndok wosa kan ma mbo bosoma, kan naso-o.

IBERANI 10:27

Are, Mbal Pem Nagawan imin wim pugwi nap enabuwog-e misiget nak worasu-o. Nde, iri-ge, enpem wene mbatluk, kan amare kwiye worak-nen nok unpuwa-o.

IBERANI 12:17

Kir-e kenaru-o. Onggo wanarik ombol nggwe-nen-e eid-nen at imbiringgat tak uburak na indingen kwarat woragaij-et nde, at imbiringgat tak ibigit lag-o. Yip min-et emengen mbarij-et nde, at-nen kwaridnak iri tuguruk ndet yaga nin tak purag-e meya yij-o.

NAM PARA WENE 20:15

Nde, unluk nak wolmomtak engga arem unnu mbarigit lak nab-e kan mare arem mbo inpil nggwij-o.