IBERANI 6:7 - Nanduk Ngget Tul Pidnak Wene

⁷ Talme pempa mbosolar-e, nggweyak na amburu rak posola-ge, uwi yagaid nap-nen nujwakluk yi mende ndi mende kwarat wirik poso nggweyak iri-ge Mbal Pem Nagawan-nen alim tak poso-o.

IBERANI 6:7 ပူးပေါင်းရင်းမြစ်များ

NDAK WIRIDNAK WENE 1:11

Alen karug-e, Mbal Pem Nagawan-nen yosolar-e: ”Nggweyak yu-nen-e yak yoso mende engen nin tak nan tak uwi wirik puwag-o. Nde, iri-ge e engen-nen tup yoso mende min we engen nak yoso mende min irit mburuwag-o” yij-o. Yosoloma-ge, iri na nggal-et kwat yij-o.

NDAK WIRIDNAK WENE 27:27

Yosoloma-ge, Yakup na Isak paluk turuk wa yak tosola-ge, Isak-nen-e Yakup usum emben sing kasolat, Yakup na imbiringgat tak posolat-en yosolar-e: ”Nambara, kat kububu emben-e Nagawan Indo-nen imbiringgat tak pidnak wal ububu emben nggal-er-o.

NDAWI ENGGA 126:6

Ap uwi pil kil mborosolat yip til til mburusu nab-e, o ma lobok yosolar-e, ebe mbaruwa ut nggetlep nggatlep ereba na waruk alen-nen ndawi bem-et lobok yuwa-o.

NDAWI ENGGA 24:5

iri kwaroso irit Nagawan Indo-nen imbiringgat tak obosolat, imiri yosolat yuwa-o. Iri kwaroso iri imin-e Mbal Pem Nagawan-nen-e: ”Meya kwaroso bug-o” luk yuwa-o.

YESAYA 44:3

An-nen-e yi-ge nggweyak amburu lak pem kilik posolat, nggweyak mbeng larak pem-et nde, yi wirik posolat kwarimin-o. An namawi-ge kat-nen wigarak ininggem posolat, kat kilirak-nen ndaguwa imbiringgat tak onposolat kwarimin-o.

YESKIEL 34:26

Nde, an-nen-e inmbiringgat tak posolat, ’An nondobo marak iri na eralu inggi inggi ereba na me wolmer-o’ luk yak indimin-o. It-nen nde talme ukwe yogola-ge, talme wok ondosolat woramin-o.

MALEAKI 3:10

Nunggwi mende kwarat an nama emben mborosolat wolmakluk, kit kenarengge oboksa enggep lombok karetkwe an nama waruk lobok yer-o. An-nen yak kundusu yu nak mbi wal ker-o. Iri yogola-ge, an-nen mbal tu kuwara konak mende nak nggilara wok kindimin-o.

MATIUS 7:8

Nde, nggi yuwa nab-e wanuwar-o. Nde, kore yuwa nab-e kujwar-o. Nde, tu lel lel kujwa nab-e tu kuwarak ubuwa-o.

2 TIMOTIUS 2:6

Yabu wanoso nap-nen yabu wanosolat irigak mbidnak pem-e ebe yidnag-e at-net nanduk mbaroso-o.

YAKOBUS 5:7

Iri bem-e nanggamirak wa-e. Kir-e mamak puruk irit worakmu, Nagawan Indo lobok yuwag-o. Yabu wanoso nab-e at-nen yabu wanidnak iri yik karok worasoma, ebe kwarat makluk mamak puruk woraso iri ker-o. Mamak puruk irit worasolar-e, isi poso talme min lera mboso talme min yik karok woraso-o.