IBERANI 6:4 - Nanduk Ngget Tul Pidnak Wene

⁴ Nde, it Mbal Pem Nagawan eyaya bem woragwi na-t nde, inndi angin tubu yidnak keya bidnak nap iri-ge nggesa-nen tuguruk kondok tak uburag-o? It iri-ge aid arem-nen we wok ondoso mende na undu karuk, Konak Indi-ge it enpem mbidnak erep na winde luk,

IBERANI 6:4 ပူးပေါင်းရင်းမြစ်များ

WONARIDNAK WENE 24:3

wene yu urul pij-o: ”Yu-ge abok-nen kwat momtak yik kaso nap Mbeyot ambara Mbileyam-nen yidnak wene-o.

MATIUS 12:45

kugi iri na mborosolar-e, at iri-ge meya-t nde, at nggal nggal mondok meya kugi tuju iri na at-nen ininggi wil mbutlug-e, ap iri na arem nggugwi-o. Nggogola-ge, ap iri na nanduk woraso iri-ge meya-ge marik nggal-et nde, abok nggwe woraso iri perak nde mondok meya irit kwaroso-o. Nde, yawo worali meya yugwi nap iri na kwat onposolar-e, iri nggal kwat unpuwa-o” luk yij-o.

MATIUS 5:13

”Kir-e nggweyak ma yu me mayu-nen yili-o. Nde, mayu iri nde undu lak ala-ge, no bem-nen undu worak tak puwa kali-o? Ebe lak mende yidnak me, mbo puwama, ap inijok-nen lul lul wuruwa-o.

YOANES 15:6

Nde, an narem puksa wolma buk nab-e e inggi yendera mbo bidnak nggal irit mbo bosola, le ma-o. Nde, inggi yendera mbo bidnak iri nggal-e ap-nen ndok wosa kan ma mbo bosoma, kan naso-o.

YOANES 3:27

Yogolikma-ge, Yoanes-nen yosolar-e: ”Mbal Pem Nagawan-nen ap mbi kwat ibigit lak-nen at ondomok amawi bem-nen nak kwarurag-e meya-o.

YOANES 4:10

Yosoloma-ge, Yesus-nen kwe na yak tosolar-e: ”Mbal Pem Nagawan-nen onggo lag-et we wok ondoso mende min kat kebem yi nggi yidnak nap an min karu nggal-nen-e kat-nen ’Yi kenang niri-o’ luk yak norosola-ge, an-nen-e unlug-et wolmomtak yi wok ketleb-o” luk yak tij-o.

YOANES 6:32

Yogolikma-ge, Yesus-nen it yak ondosolar-e: ”An-e ndemeret yak kundusu-o. Aid arem-nen mbuwaidnak ndemeret mburu iri-ge Musa-nen-e mak kindigit lag-o. Iri-ge an Neid-net mak kundusu-o.

YIDNAK YIDNAK WENE 10:45

Mbuwasola-ge, we wok ondoso Konak Indi-ge enlem nin nap enpem nggilara mberak pil mbuwaidnak pem-e Peterus imin lobok yidnak Yawuri nap, Yesus ebem inndi angin tubu yidnak nap ereba-nen-e wir-o luk kwiye yiga-o.

YIDNAK YIDNAK WENE 11:17

Nde, nit-nen nde Nagawan Indo Yesus Kerisut ebem ninndi angin tubu yogola, yagiga wok nindid iri nggal-et Mbal Pem Nagawan-nen yagiga it na wok ondosoloma karug-e, an-nen ’Iri yusu-ge meyog-o’ luk Mbal Pem Nagawan yak turag-e meya agaij-o” luk yak indij-o.

YIDNAK YIDNAK WENE 15:8

Nde, ap enarem yenggerag-et kaso Mbal Pem Nagawan-nen at indi-n puruk it wok onposolar-e, Konak Indi-ge nit wok nindid na nggal-et it na wok indij-o.

YIDNAK YIDNAK WENE 8:20

Alat nde, Peterus-nen at yak tosolar-e: ”Kar-e Mbal Pem Nagawan-nen yagiga wok ondoso mende iri-ge onggo baga wanugwi-o luk perasu me, kat min kuwang iri min-et lak min-o.

OROMA 1:11

Kit kinndi wi ya burak pem Konak Indi-nen we wok ondoso mende wanobokluk, kit kiniyil lobok yurak mondok nindingen-o.

2 KORINTUS 4:4

It inndi angin tubu yili buk nap inndi erengen-e nggweyak ma yu tena woraso nagawan-nen ngguru rak pidnak me, it-nen-e Kerisut kek tak woraso wene aid wene eyaya na kudtag-e meya-o. Kerisut iri-ge Mbal Pem Nagawan abage worak-nen yusu-o.

2 KORINTUS 4:6

Mbal Pem Nagawan-nen yosolar-e: ”Ndamuk arem-nen yaya yuwag-o” luk yid Mbal Pem Nagawan at-net at eyaya-ge nit nenarem yaya rak pij-o. Iri yosolar-e, Mbal Pem Nagawan abinal-e Kerisut erare bem worasu abinal iri nenaru rak purak pem-nen iri yij-o.

NGGALATIA 3:2

Wene misiget yu nak yak nerer-o: Imiri mbarak pidnak wene-nen yidnak yidnak nak kwarigep pem-nen Konak Indi wanigep, lak? Are, aid wene kuluruk, iri bem kinndi angin tubu yigep pem-nen Konak Indi wanigeb-a?

NGGALATIA 3:5

Mbal Pem Nagawan-nen-e Konak Indi we wok kondosolat, kit kennggendumu-nen kwiye worak mende kwarusu iri-ge, kir-e imiri mbarak pidnak wene-nen yidnak yidnak nak kwarogola-nen iri kwarusu, lak? Are, kir-e aid wene kuluruk, iri bem kinndi angin tubu yigep pem-nen kwarusu-a?

EPESUS 1:18

An-e Mbal Pem Nagawan emengen mbarosolar-e, kit kinndi erengen kuwarak puwakluk yoso-o. Iri-ge kuwarak posola-ge, Mbal Pem Nagawan-nen kit wene mbo kinpidnak kinndi mbung mbung tag-e ngge-o luk kenaru tobok-nen na, Mbal Pem Nagawan winde nap enmanggim at arengge mondok kwarat lid lud tak pidnak iri na kenaru tobok-nen na,

EPESUS 2:8

Nde, kinndi angin tubu yogola, Mbal Pem Nagawan-nen we wok ondoso elem pem-net kinmiri yid iri-ge kit-nen kwaridnak pem kinmiri yij-e lag-o. Are, Mbal Pem Nagawan-nen we wok kindidnak pem-ner-o.

EPESUS 3:7

Mbal Pem Nagawan-nen we wok ondoso elem wok norosolar-e, at amawi bem-nen aid wene ndegel oboso nap kwat nibij-o.

EPESUS 4:7

Alat nde, Mbal Pem Nagawan-nen nenariktak we wok nondosolar-e, Kerisut-nen wok nondoso mende ndak wosa iri na min ndak ndag-et wok nindij-o.

1 TIMOTIUS 4:14

Konak Indi-nen we wok kiridnak mende iri-ge kar-e liring liring tak purak pug-o. Nde, we wok kiridnak mende iri-ge lambuk tak inpidnak nap-nen idnak ogore yidnak nap ininggi kanggul pem piga tarem-nen ”At iri nggal kwaruwa-o” luk kurul pidnak tarem-nen wok kirid nar-o.

2 TIMOTIUS 2:25

wene eyak wurugwi nab-e indi yangonak pem-net tu mirik onposolat mag-o. Iri kwarosola-ge, Mbal Pem Nagawan-nen it inndi kondok yurak tarem wok ondosola, kondok yogolat, ndemeret wene na enaru yogolat nde ma-o.

2 TIMOTIUS 4:14

Posid konoso nap Aleksandet na-ge an kwarat meya rak nibij-o. Nagawan Indo-nen at-nen kwaridnak ndak ndag-et kwat ubuwa-o.

IBERANI 10:32

Nanduk woraigep iri na kinndi yebet ker-o. Iri tarem-e Mbal Pem Nagawan eyaya wanigep pem-e anggun panggun kwarat kenpem mbosola-t nde, kir-e mamak puruk woraigeb-o.

IBERANI 2:4

Iri kwarogola ereya na-net it-nen kinggiridnak wene lomboksa Mbal Pem Nagawan-nen na kenggera yak nondosolar-e, yenggerak purak mende kwatlik, kwiye worak mende kwatlik, kagwi buk mende kwarat kwatlik kwarosolar-e, at indi-n pidnak pem-net Konak Indi-nen we wok ondoso mende na tembesa wok ondoso-o.

1 YOANES 5:16

Ap mbi-nen at anggam aid wene wanidnak nap an-nen at lak tak uburak puk mende meya misik kwarosola-ge, Mbal Pem Nagawan-nen-e ap na urug-et wolmomtak elem wok tuwakluk anggam na amanggim tepan yuwag-o. Yu nggal kwarurak iri-ge it lak tak unpurak puk mende meya mbi kwarogola nak-nen kwarurag-o. Alat nde, it lak tak unpurak mende meya mbi kwarosoma-nen enmanggim tepan yurak yak kundusu-ge lag-o.